نتقابل هناك يا ماجد
والله انا عن نفسي كنت باخذ جهاز الجارمن بس فيه طيار صديقي قال اذا بتوفر خذ جهاز HTC جوال ونفقيشن في نفس الوقت يعني حتى لمن ترجع تقدر تستخدمه كا جوال

ميزاته :
تقدر تنزل فيه عدة برامج ملاحة منها برنامج جارمن وبرنامج توم توم وو وو الخ
تقدر تنزل فيه خرائط قوقل
شاشته تقريباً نفس شاشة الجارمن العادي
التوجيه تقدر تختار اي صوت تحديث الخرائط طبعاً تقدر تحدثها بدون فلوس (كراك)
وشي حلو بعد تقدر تلتقط الصور مع الاحداثيات يعني تصور وتقدر تستعرض الصور عن طريق برنامج بيكاسو ويطلعلك مكان التقاط الصور بالاحداثيات
وعلى العموم هو كمبيوتر + جي بي اس + جوال + كاميرا في جهاز واحد
وهذا والله اعلم

شكراً اخوي ما قصرت معاي جوال ايمت ينفع
ابو عزيز مازلت انتظر ردك يالغالي

majed0445
هلا بك اخوي ماجد
العذر والسموحة على التقصير
بالنسبة لتأجير السيارات وبرايي الشخصي استأجر السيارة من هيرتز
طبعا مدري انت من وين لكن محتمل الرياض او جدة والوكيل لهيرتز معروف للكل
جهاز قارمن نوفي 250 وايد سكرين 250w او نوفي 760 او 770 المهم حسب احتياجك واهم شيء يكون فيه خرايط اوروبا
على فكره احد الأعضاء كان موجود في جنيف قبل كم يوم واشتريت له 250 وايد سكرين
جدا ممتاز وعملي ورخيص جدا سعره من محلات الإنترديسكاونت كان اقل من 300 فرنك سويسري
ترتيب الرحلة ممتاز وكان بودي ان تبدأ بجنيف وتنهي في ميلانو وحتى لاترجع لجنيف مره ثانية
جنيف (ضواحيها ) او حتى منترو
انترلاكن
لوقانو
والعودة من ميلانو
بالتوفيق

majed0445
السلام عليكم
اعذرني عالمداخله
بالنسبه للسياره كيف تستاجر سهله جدا اذا معك كريدت كارد خمس دقايق وانت منتهي
اخبرك تقدر الشرح يا طويل العمر رح موقع يوروب كار واختار السياره اللي قلت لك عنها وبعدين ادخل بياناتك و احتفظ بالايميل اللي يرسلونه لك لان فيه رقم الحجز وكذا تكون استاجرت السياره
بالنسبه لل جي بي اس يا ويللك مني لو ما شريت هالجهاز لا يفوتك رائع جداا واذا ما اعجبك ارمه في وجهي اذا تقابلنا ..... عاد منت مضيعني واحد معه كشف ولاعب فيه البرد ولا له نيه يقفل الكشف
الجهاز هو NUVI 780

ووكيله في الرياض دار موجه ولا تنسى تشريه بالخرايط الاوروبيه
انا بشريه في رمضان ان شاء الله
وبالنسبه لجدول الرحله ممتاز بس فيه خيارات اضافيه مثل لوزيرن وتتليس يبيلها يوم وعندك زيرمات لا تفوتك فيه شي لازم تجربه في زيرمات بعد يبيله يوم.
وعندك القرى اللي بين مونتريو ولوسان قرى رائعه مثل فيفي و شيكسبري
واي خدمه حاضرين

مرحبا يا أخوان بوعزوز أشلونك ممكن أعرف أميلك ودى أراسلك بخصوص رحلتى سويسرا وفرنسا لعمل جدول رحلتى وشكرا

aboaziz
تسلم يالغالي و عسى عمرك طويل مسموح يالغالي لو ما تعذرت
الجهاز الي تقول عنه مغري جداً بس ممكن استفيد منه لما ارجع للسعودية؟طبعاً كادخال احداثيات وخرايط.؟
وبالنسبه للجدول والله ما اخفيك يالاجودي رحلتي 11 ليله من مطار جنيف والعوده من جنيف كذلك ومحتار كيف انضمها للاسف اخوك حديث عهد على اوروبا مو على سويسرا بس والبركه في تقريركم لها الاثر الكبير في سفرتنا ..
اذا احد له اضافه او تنظيم يتناسب مع رحلتي لا يحرمنا منه الله لا يحرمه الاجر ..!!!
مشكور يالغالي وستظل دائماً الاب الروحي لهذه البوابه ..

miindstormz
ياخي انت تدخل زي منت عايز ..
ياهلا والله ومليون مرحبا
والله انشغل بالي اقول وينك..!!
انتظرك نبغى نستاجر قلت يمكن الرجال سافر ياماجد الحق على نفسك ياولد قبل لا يروح عليك الوقت..
بالنسبه للايجار انا رهن الاشاره ..!! والكرديت جاهزه..
وبالنسبه للجدول نظموه لنا ياجماعه رحلتي من 29 سبتمبر الى 10اكتوبر ..
والله اخوك عليمي الله يرحم ضعفي ..

اخوي انت حد بالظبط وش تبي طبيعه وهدوء والا زحمه واسواق ترى يختلف التنظيم بس مبدئيا اقدر اقولك بما انهم 11 ليله والوصول والمغادره جنيف بتكون كاالتالي: لجنيف والمبيت ليلتين للراحه وتشوف فيها جنيف ومونترو
بعدين تروح لانترلاكن 4 ليالي
بعدها لوقانو 3 ليالي
وترجع لجنيف ليلتين وتشوف لوزان وباقي المناطق اللي تبي وتغادر