سحاب_2005
15-04-2022 - 03:57 am
السلام عليكم ورحمة الله وبركاته
اريد منكم تفدوني بارك الله فيكم انا ودي اسافر جزيرة موريشس انا وزوجتي وابنتي
ابغى اعرف كم تكلفني الرحلة لمدة 8 ايام بدون تذاكرالطيارة يعني السكن والمصاريف والرحلات
ياليت يكون يالريال السعودي انا عارف اني ثقلت عليكم بس وساعة صدوركم شجعتني
وجزاكم الله خيرا
انا لسا جايه من موريشس من اسبوعين
تكلفة الرحله راح تكون ع حسب الاوتيلات اللي راح تسكن فيها وع حسب صرفيتكم باليوم وتعرف هالشي يختلف من شخص للثاني زد على كذا انك راح تاخذ بكج من طيران الامارات او الطيار للعطلات وهذا راح يوفر عليك كثير
حنا اخذنا بكج من الطيار
سكنا في الميرديان ( خمس نجوم ) 4 ايام وفي الاوبروي (ست نجوم ) 4 ايام
بموريشس كان الميريديان هاف بورد ( يعني فطور وعشاء ) بس بالاوبروي لا بس فطور
وجلسنا بدبي 5 ايام في تشلسي تاور وكل هذا + تذاكر الطيران والتوصيل من والى المطار ب حوالي 25 الف ريال
تقريبا اللي صرفناه بموريشس يوميا حوالي 120 دولار لان السواق بس كان ياخذ 85 دولار ويجلس معانا من الساعه 8 الصباح الى 5 او 6 المغرب
اما دبي حدث ولا حرج بالصرف لانك عارف حياتنا ( يالحريم ) الشوبينق :8888:
لما رجعنا الرياض وحسبناالصرفيات كانت تقريبا تكاليف الرحله شامله كل شي حوالي 38 الف ريال
اتمنى اني اكون افدتك مع اني قريت باكثر من رد ان كثير تكاليف رحلاتهم كانت بحدود 16 الى 20 الف ريال
لكن نصيحه من اخت بنتك اذا اصغر من 3 سنوات كنسل اشياء كثيره من الجدول
ولا تنسى تاخذ لكم جاكيتات لان هالوقت برد وخصوصا بالليل وبرضو بخاخ النامس الله يجزاه ابو عزيز خير على نصيحته هذي افادتنا مره
واتمنى لكم رحله سعيده واستمتعو بكل لحظه تقضونها هناك