- مساكم الله بالخير جميع
- استفساري الثاني:
مساكم الله بالخير جميع
فعلا معلومات أكثر من رائعه تقدمونها كل يوم الله يعطيكم العافيه ,, واكره أن أكون الشخص الي كل مره يعيد نفس السؤال بس هي مجموعة تساؤلات اجابتها رح تخلي رحلتنا اكثر متعه ان شاء الله
احنا 7 شباب بعد ما اخدذنا فره على أغلب رحلات الطيران ,وجدنا ارخص طيران من الرياض هو الكويتيه ب2400 ريال ثم اكتشفنا لاحقا ان الطيران من الكويت مباشرة قد يكون ارخص بكثير فالأسعار فرق بخدود 1000 ريال لكل راكب يعني حول 7000 توتال هذي ممكن تغملنا شغل حلو بالاوتيلات ما شايه .. فقررنا نمر خوينا السابع في حفر الباطن ونسلم على عيال عمنا ونعايدهم في الكويت ونظلع من هناك مباشره على القطريه (1500 ريال) في ارخض اللي هيا التايلدنيه بس الرحله طويله بدون افلام ووناسه يتضيق صدرونا مع ان فيها ميزة انها مباشره وليست ترانزيت على الدوحه مثلا ..
رحت لطيران القطريه امس بس كانو مقفلين مع انها الساعه كانت 11:45 بس الشباب مفركين بدري p:
بس بس بالويب سايت لقيت سعر احلى شوي 1417 ريال بس اخر شي طلبوا فيزا .. انا عندي فيزا غير مفعله عادي احط رقمها؟ قريت انو لازم تجيبها معاك وقت قطع التذاكر بس عادي تكون غير مفعله؟ لأني أبي ادفع كاش أفضل لو كانن ممكن!
استفساري الثاني:
ماهو البرنامج اللي تقترحونه علينا؟ والميزانيه اللي تشوفونها كافيه لاهي مبالغ فيها والا احنا مقصرين على انفسنا فيها؟
أنا سبق وسافرت بوكيت عام 2007 الأسعار كانت رائعه مع اني اكلت مواقف حتى شبعت!! مثلا صرفت الريال ب7 بات!! وكنت مسئول عن 3 أشخاص بميزانيه تعدت 40 ألف!! يعني الصرف اخذ مبلغ جامد جداً .. انا اعتبرتها طقه وان شاء الله هالسفره نكون تعلمنا وانتم ما تخلونا
1- أفضل مكان صرف؟ في الرياض دولار؟ والا بوكيت او بتايا بالرياض؟ ولو حصل سعر تقريبي اكون شاكر ..
2- وش رايكم نطلع من بانكوك بعد مانريح يوم نطلع باص (ارخص باصات من النت والا من هناك؟) نطلع الى بتايا 3 ايام ثم الى بوكيت 6 ايام؟ مع العلم اللي سمعته من الربع ان بوكيت اسعارها طارت فوق وبتايا صارت ارخص بكثير .. زي الباراشوت كنا ناخذه ب300 بات يقولون الحين ماتركب بأقل من 1500!!
3- أرخص طيران لو نطلع Round Trip من بتايا الى بوكيت ثم العودة الى بتايا والبقاء مثلا يوم ومن ثم المطار دايركت (بانكوك)؟
4- بعد ما تعبت تسجيل أسماء فنادق والبحث عن اسعار افضل .. صدمني أحد الزملاء ان الحجر من (الأكشاك) ارخص!! وانه حجز هوليدي ان بوكيت ب250 ريال له ولزوجته!! أنا أرخص شي بكل الموقاع لقيته بلهوليدي ان هو 330 ريال!! مع العلم اني كنت ساكن ب(Grace Land) وكان فندق لطيف جدا لكن انصدمت فرقه عن الهوليدي ان 30 ريال؟! عيب الهوليدي ان مافيه Triple واحنا عددنا كبير اوفر لنا لو فيه ثلاثه في غرفه لذلك وجدت Amari Coral Beach سعره ممتاز ويبدوا ان خدنته وموقعه ممتازين أيضاً .. ما نستغني عن آرائكم ..
السفر ان شاء الله في 21 سبتمبر والعودة 2 اوكتوبر والجدول قابل للتغير على حسب نصحكم فالمقترح الى الان بوكيت وبتايا وبانكوك يوم بالكثير عن قولة الشباب شافوها
