1. بسم الله الرحمن الرحيم


2. السلام عليكم بعد التحيه الطيبه العطره لأصحاب المنتدى الكرام

بسم الله الرحمن الرحيم

السلام عليكم بعد التحيه الطيبه العطره لأصحاب المنتدى الكرام

أحب أقولكم إن من وصلت من السفر وآنا متشوق إني أطرح تقريري الطازه (( الفرش )) لحضراتكم وأعرض لكم صور لأماكن أتوقع إن مافي أحد شافها ولا زارها إلا قله قليلة جدا وهذا ما يميز تقريري المتواضع إلي أتمنى إنه يعجبكم
نبدأ بإسم الله الرحمن الرحيم
طبعا مقدمه بسيطه للي يحب يعرف التفاصيل
سفرتي كانت مدتها شهر من تاريخ 28-6-2010 حتى تاريخ 28-7-2010 مابين مراكش الرائعة وأكادير الساحره ولكن يمكن في شي ماراح يعجبكم إن التصوير من عدسه تليفوني ولكن الصور جيده لا تخافون
طبعا السفرة كنا امجهزين لها من 3 شهور تخيلوا إن طلع معانا وزن زايد 18 كيلو لكل شخص
إي نعم
مابي اطول عليكم
احنا كنا شخصين في أول اسبوعين من السفره وبعدين صرنا 5 أشخاص في النصف الثاني من السفرة تخيلوا إن آنا الوحيد إلي آجي للمغرب باستمرار شرايكم بكلمه (( آجي )) ؟
طبعا آنا اسمي خالد من الكويت وصاحبي اسمه عبدالله ماشاء الله صاحبي هذا نشيط بالسفر يعني على يمناك والشي الاهم انه وجهه خير على المغرب صارت معانا ثلاث اشياء روعه بالسفره أول شي
1- سعر الصرف فوق الممتاز ال 1000 درهم ب 34 دينار
2- افتحوا الطريق الجديد من مراكش إلى اكادير وكان مجاني أول شهر على حظنا صارله اسبوع من افتحوه (( طبعا هذا الطريج صدمني وراح اقولكم ليش داخل التقرير ))
3- لقينا سيارة أجار النوع شفر امريكيه بسعر ماتتخيلونه 250 درهم فاليوم
لا تنسون إن احنا رايحين بالصيف !!!!!!!!!!!!!!!!!!!!!!
قبل لا أبدأ بالصور أحب أذكر آخر نقطه آنا وصاحبي الحمدلله رايحين مرتاحين في الميزانيه والصرف خدمنا يعني باختصار بدعنا بالسفرة
الحمدلله سكنا بأحسن الاماكن وارقاها في مراكش واكادير (( اغادير ))
وفي هالتقرير راح أخليكم تنصدمون من أغادير إلي للأسف كثير من الناس ماعرفها عدل ولاشافها عدل وآنا وعدت أم العيال واليهال راح انروح كلنا بالصيف الجاي إن اشاء الله
ولكن عندي طلب صغير أبي موقع تحميل الصور يكون سهل وسريع شاكر لكم