اخي الكريم
6 ساعات .. !!
الله يعينك
انت مخير بين امرين
اولا البقاء في المطار حتى موعد الرحلة التالية .. وهذا آمن لك أقصد حتى ماتحصل لك ظروف وأنت خارج المطار وتروح عنك الرحلة ..
او الاستفادة من 6 ساعات وتقضيتها في كازا ..
والاخيرة في خطورة من ناحية لو يحصل لك ظرف او ازدحام في الطريق ولا ترجع للمطار الا متأخر ..
لذلك انصحك البقاء في المطار .. مجرد نصيحة
لاني اعرف كم يستغرق وقت طابور الجوازات والتختيم والخروج ثم نفس الموال في العودة ..
وزد على ذلك المسافة من والى المطار والتاكسي وأخطار الطريق ومفاجئاته ..
ولاتنس اغلاق الرحلة التالية قبل الاقلاع بساعة ,,
ولو كنت أنا بمكانك ,, طبعاً دخلت كازا .. لاني اعرفها .. بس راح اكون في ضواحي المدينة وقريب من المطار
لكنك لاتعرف المدينة .. لذلك انصحك بالبقاء .. مجرد نصيحة ولك الاختيار
حفظك الله تعالى

بربيش .... ايش رايك لو يروح بوسكورة اول محطة بعد المطار ...يمشي في الغابة شوي ويركب خيل .........ساعتين ويرجع ......؟؟؟؟
ايش رايك

استأجر طاكسي من المطار الى عين الذياب كلها 40 دقيقة بشرط هو يردك للمطار وادفع الاجرة دبل وتعرف وتجول في عين الذياب الوقت اللي تحبه واشرب كوب اتاي او عصير او وجبة في مكدونلد او فرايديز وارجع على المطار وخكذا تكون اخذت فكرة حلوة عن كازا

والله يا اخي العزيز البربيش ان نصيحتك على العين والراس وفي محلها ... بس المشكله ان الوقت اللى بين الرحلتين 8 ساعات ... يعني لو شلنا ساعه من هنا وساعه من هناك صار عندي 6 ساعات ... خلها اربع ساعات ... وودي بهالاربع ساعات ان اخذ فكره لو بسيطه عن المغرب.. هل فيه مكان قريب ممكن نقضي فيه هالوقت ... وهل استطيع ان استاجر تاكسي لمدة 4 ساعات يوديني ويرجعني
ويعطيك ربي الف عافيه
واخي العزيز سلمان ليتك تعطيني فكره عن ابو سكوره لانني اشوفها قريبه مره حوالي 15 كيلو في القوقل ايرث وهل تعتقد ان ابو سكوره راح يعطيني فكره عن حياة المجتمع المغربي
ولكم من الشكر اجزله

hsm360
ياسلام عليك
وليتك تعطيني فكره عن عين الذياب هذي ... وهل هي راح تملى شوقي لمعرفة طبيعة حياة المجتمع المغربي العزيز

عين دياب راح تملي شوقك اكيد ............. ههه
عين دياب هي كورنيش كازا ..... منطقة جميلة راقية نظيفة...... بيها كافيهات ...ومطاعم وناس رايحة وناس جاية وسينما ....... وفنادق .....
نصيحة الاخ حلوة ايضا ..... يعني حتشوف كازا ع اصولها كازا المتطورة .... يعني هو التاكسي من المطار المفترض 250 درهم طبعا هم مايلتزمو بهذه التسعيرة .... بيطلب منك بين 300 و 400 وكما قالك الاخ ممكن تتفق معاه ياخدك ويرجعك وهو في مصلحته كمان .... يعني اذا الميزانية تسمح حلو.... ومسجد محمد الخامس قريب كمان بالمرة تشوفو ....
اما بوس كورة فانا رشحتها لاناه قريبة جدا من المطار وهي منطقة فيها غابات وفيها خيول يعني امور طبيعية وطبعا بها فنادق وشقق ومساكن والخ.....

اخي سلمان الاحمدي:
أتمنى ذلك .. بس انا والله خايف على الرجال تروح عليه الرحلة .. خصوصا مايعرف البلد.. وكنت خايف من مفاجئات الطريق او غيرها .. ولاتنس ان رحلة المواصلة تكون (بوردينق) يعني لو ماحضر تروح عليه التذكرة..
اخي المشرف الخاص:
يعني الموضوع 8 ساعات ماشي 6 ...
ياليت توضح بأي وقت ,, حتى اشوف هل هو وقت خروج المدارس والموظفين او لا ..
بعدين معرفة عادات المجتمع تحتاج عمر تقضيه ماشي سويعات !!
ومرة انا كان عندي 3 ساعات فقط .. ودخلت فيها كازا وأكلت واشربت وسلمت ..
بس عارف ايش انا عليه.. ومرتب كل اموري بالملي..
واتمنى ارتب لك مع واحد صاحب مزرعة قريب من المطار .. لكن هو الآن في مكة لعمرة.. الله يتقبل
على العموم قلنا الوقت هل هو صباحا او مساء وبأي ساعة تصل وبأي ساعة تقلع..
وفقك الله ..

نصيحة اقضيها بالمطار ولاتفكر ابداً بالخروج منه
راح تواجه تختيم داخل طالع وزحمة انتا بغنى عنها وبعض الامور ادرى فيها من راح المغرب
لذا افضل حل البقاء بالمطار مع وجبة وكافي والاستمتاع بالنظر فقط اقصد تتفرج بالمطار...!
تمنياتي لك برحلة موفقة

سلمان الاحمدي
عزيزي سلمان
شكرا جزيلا على التوضيح و فكرتك جدا ممتازه.. يعني اخذ تكسي من المطار ويرجعني... وهل تعتقد اني الاقي تاكسي يتسع ل 5 اشخاص ... وتعتقد كم يستغرق من الوقت للوصول الى عين ذياب وكذلك الرجوع ... واشوف الكورنيش في قوقل ايرث يقع في اقصى (او في الجهة الاخرى ) من كازا ... لو فيه خيار ثاني اقرب يكون افضل .. ادري اني غثيتكم بس تحملونا يا اهل القلوب الطيبه
وشكرا لك عزيزي وبيض الله وجهك