- جونز ذي جروسر
- بفروعه المنتشرة في العاصمة هو من الأماكن المفضلة للعديد.
- افطاره ذو طابع بسيط وغني ويقدملكم تجربة فطور ما لها مثيل.
- شيكسبير اند كو
السلام عليكم ورحمة الله وبركاته
5 من اشهى مطاعم الافطار في أبوظبي
جونز ذي جروسر
جونز ذي جروسر من المطاعم الغنية عن التعريف في أبوظبي واللي تقدم أطباق مختلفة وشهية وخاصة لوجبة الإفطار وكلها صحية .
اللي يميز هذا المطعم بساطته، لكن بساطة على اعلى مستوى. لأنكم يوم تطلبون مثلا صحن اوملت مع الجبنة السايحة مع الطماطم والفطر، وهالمطعم يقدم تشكيلة من الاطباق واللي تعد الخيار الافضل للي يحبون الطعام الصحي.
تكلفة الافطار من 21 - 58 درهم
الخالدية: 026395883
المرور: 026395883
حدائق الراحة : 74882 55 02
كافيه ارابيا
في كافيه ارابيا تعرف وتتأكد ان اللي تطلبه دائما يوصلك بالطعم والمستوى العالي اللي تبحث عنه. الأطباق اللي يقدمونها كلها تقدم بالستايل أو الطابع المنزلي .
قائمة الطعام في كافيه ارابيا تتضمن الأكل العربي بالاضافة للأطباق الإنجليزية والعالمية وخيارات خاصة للي يهتمون بوزنهم.
السعر للشخص من 75 درهم.
الكرامة
9
مغ اند بين
بفروعه المنتشرة في العاصمة هو من الأماكن المفضلة للعديد.
افطاره ذو طابع بسيط وغني ويقدملكم تجربة فطور ما لها مثيل.
الحلو بعد ان الافطار في هالمطعم متوفر طوال اليوم بخيارات كثيرة كل ما تقدرون تتخيلونه واكثر. المكان من الاماكن الهادئة للافطار واللي توفرلكم المجال عشان تستانسون بتناول وجبتكم وخاصة ان وجبتهم أكثر من مشبعة
اما اذا كنتم من اللي يحبون الفطور على الطريق فخيار السفري عندهم متوفر طبعا، ولا تنسون المافن المميزة عندهم وقهوتهم اللي ما تضاهى .
التكلفة للشخص من 30 - 40 درهم
مول أبوظبي: 026454232
الخالدي (سبينيس) : 2149 681 02
الوحدة مول : 9395 443 02
الاتحاد بلازل : 8710 556 02
المشرف مول : 4428 491 02
شيكسبير اند كو
مع ان هذا المطعم ذو الطابع الفرنسي يشتهر بالكيك الذي يقدمونه لكنه بعد يقدم وجبات افطار رائعة ومختلفة، تقدرون تستانسون بوجبتكم الصباحية بالاختيار من اربع اشكال من وجبات الفطور، الانجليزية، الاميركية، اللبنانية والصحية وتستانسون بعد باختيار العصائر اللي تحبون تبون فيها يومكم
ولا تنسون الجلسة الخارجية اللي تخلي فطوركم فوق الخيال
بالنسبة للوجبات اللي انصحكم تجربونها، انصحكم تجربون البانكيك
التكلفة للشخص - 100 درهم
شكسبير آند كو عنده فروع كثيره وكل فرع له جلسة مختلفة وأحلى عن الثانية
السوق المركزي: 026399626
ذا كوليكشن - جزيرة السعديات : 026445515
ديرفيلدز مول: 025635010
غارديان تاور- شارع المرور: 024917673
لا بريوش
من الكافيهات الفرنسية الرائعة في أبوظبي، يشتهر هالكافيه بمعجناته والكيك بس بعد الافطار عندهم له تجربة خاصة. من الأشياء الحلوة عندهم البيض المخفوق مع الجبنه والبندورة والفلفل والخدمة عنهم ممتازة بعد
التكلفة للشخص 20 - 45 درهم
شارع خليفة :026269300
النجدة : 4822 643 02
مارينا مول : 5531 681 02
الخالدية: 3353 681 02
المرور : 3551 447 02
مدينة خليفة أ : 7076 556 02
قرية ليوا : 9033 443 02
المنيرة : 5646 556 02
حدائق الغولف: 0082 558 02
جزيرة الريم : 6473 643 02
ساس النخيل: 0036 558 02
ان شاء الله ما اكون فتحت شهيتكم بشكل كبير هالصبح
واتمنى اسمع منكم مطاعمكم المفضلة اللي تحبون تتناولون وجبه الافطار فيها واللي تنصحونا نجربها.
أخوكم مسافر أبوظبي
يعطيك العافية ,,,