السلام عليكم
و عليكم السلام و رحمة الله و بركاته ..
لو سمحتو انا عندي كم استفسار بنكلف عليكم ولا عليكم امر ..... :
1 / كيف الاجواء بشهر 1 عربي 1433 ...؟
2/ الجدول المقترح :
يوم بجاكرتا
6 بالجبل
يوم جاكرتا
وهل لو جلست بالجبل بيصر ملل لطول المده والا مناسب مع العلم انا وزوجتي بالرحله فقط
واذا تقترحون ازيد والا انقص / وكم الميزانيه المقترحه ؟
اولاً اخي الفاضل مدة الرحلة قصيرة جداً ..
يعني سفر 9 ساعات ,, و يلزمكم راحه يوم من السفر عند الوصول ..
و ممن يكون الجدول المقترح :
يوم جاكرتا للراحه ..
4 - 5 ايام الجبل ..
3- 4 ايام باندونق .. او .. 4 - 5 ايام جزيرة بالي ..
2 - 3 جاكرتا للتسوق و الاستعداد للعودة ..
3/ وش الافضل شقة والا فله / والا فضل احجز كم مكتب سياحي بالرياض او من المطار بجاكرتا ؟
بما انكم شخصين فقط .. الافضل تحجز فندق و يكون شامل الفطور ..
و عن تجربة مكتب كاها عنده عروض اسعارها افضل من السعودية
4/ أفضل الخطوط وارخصها للدايركت / واذا فيه شي رخيص وكويس ترانزيت اي خطوط / وكم تتوقعون اسعارها بشهر 1؟
الدايركت : الخطوط السعودية و خطوط جارودا الاندونيسيه ..
5 / فيه مطاعم كويسه والا نشتري الاغراض ونسويها بالشقة / وكم اسعار التيوس ؟
يوجد في اندونيسيا العديد من مطاعم الوجبات السريعه ,,
مثل : بيتزا هت - ماكدونالدز - كنتاكي ... و غيرها
و مطاعم اكلات بحريه .. و جميعها لذيذة جداً
بالاضافه للمطاعم العربيه مثل الجزيره - اميره - الياشا ..
و ممكن تاخذون معاكم شغلات بسيطه : جبن كاسات - شابوره ... الخ
اسف ع الاطاله مع خالص الشكر والتقدير
اي استفسار .. يسعدنا الرد ..
و رحلة سعيدة ان شاء الله ...
.
.
.

ام عزيز
اول شي شاكر لك على سرعه الرد وبيض الله وجهك
طيب الاجواء كيف بشهر واحد عربي ؟؟
بخصوص الجدول اللي قلتيه ...
مناسب بس بسأل عن الجبل وش رايك 4 او 5 ايام افضل
وعن باندونق وش طبيعتها هل هي على البحر والا نفس الجبل وكم يوم تقترحين
وكيف اروح له بالطياره او سياره ؟؟
يعني لو قلت الجدول كالتالي
يوم جاكرتا
5 الجبل
3 باندونق
2 جاكرتا
اقتراحاتك للفنادق وبشكل تقريبي كم التكلفه ....
اعتذر لو زودتها شوي ...
شاكر لك
وعن

الله يحييك اخي الفاضل ..
و ان شاء الله تكون لكم رحلة سعيدة ..
طيب الاجواء كيف بشهر واحد عربي ؟؟
الجو عموماً حار رطب في معظم المناطق .. و الجبل بارد بالذات مساءً
و هناك اختلاف بسيط في درجات الحراره ..
بخصوص الجدول اللي قلتيه ...
مناسب بس بسأل عن الجبل وش رايك 4 او 5 ايام افضل
اشوف 4 ايام كافيه ..
وعن باندونق وش طبيعتها هل هي على البحر والا نفس الجبل وكم يوم تقترحين
وكيف اروح له بالطياره او سياره ؟؟
باندونق منطقة مرتفعه .. شبه جبلية .. و هي مدينه داخليه ..
و فيها العديد من المنتزهات السياحيه ,
على سبيل المثال : البركان و الشلالات و المياه الحاره / الكبريتيه و مزارع الفراوله و الاناناس
و ممكن تروح لها بالسياره من الجبل او من جاكرتا ..
او من جاكرتا بالقطار ..
و بأمكانك قضاء 4 - 3 ايام فيها ..
يعني لو قلت الجدول كالتالي
يوم جاكرتا
5 الجبل
3 باندونق
2 جاكرتا
اقتراحاتك للفنادق وبشكل تقريبي كم التكلفه ....
الفنادق :
جاكرتا : استون مارينا - مارلين بارك - لي قراندور انشول - نوفوتيل .
الجبل : سيروني 1 او سيروني 2 او سيروني 3
بوقور ( و هي منطقة جبليه ملاصقه للجبل بونشاك ) : استون بوقور .
باندونق : سينسا - استون تروبيكانا - و براغا .
بالنسبه للميزاتيه ,, الكثير يرى ان 600 - 800 ريال باليوم تكفي لشخصين ..
وهي شامله السكن و المواصلات و الاكل ..
و اكيد راجع لطبيعة صرفكم ..
و ان شاء الله توصلكم توصية دقيقة بخصوص الميزانيه ..
واي استفسار آخر .. لا تتردد ..
.
.

ماشاء الله عليك
كفيتي ووفيتي .........
بس لو تسمحين لي اخر سؤال
بوقور ( و هي منطقة جبليه ملاصقه للجبل بونشاك ) : استون بوقور
هل تنصحين اروح له بنفس اليوم وارجع او اسكن هناك بما انها على كلامك قريبه
وهل تنصحين القفز او البرشوت للعوائل وفيه جتي سكي .......
تسلمين ماقصرتي يخدمك المال والبنون

باختصار أعلم أن الجو في أندونيسيا واحد .. ففي منتصف شهر 11 و12 و1 و2 وأول شهر 3 ..أجواء ممطرة دائماً ...
ففي كل عام هناك أربعة أشهر ممطرة .. وباقي السنة يكون الجو واحد ويختلف من منطقة لمنطقة .. فمثلاً منطقة بنشاك وجبناس يكون بارد وعليل وفي اليل تزيدالبروده .. ولا يكون حار أبداً ..
واما جاكرتا وشربون وبالي .. فتكون حارة الى متوسطة ومناسبة .. أغلب أيام السنة
المناخ بالي
نوفمبر – مارس يكون ا لطقس حار رطب
مايو – سبتمبر يكون الطقس جاف ولطيف نوع ما
طيلة ايام السنه تكون الحراره خلال النهار مابين 20 – 33 درجه مئويه
خلال شهر نوفمبر او الفصل الحار الرطب تهب رياح موسميه غربيه تجلب امطار كثيفه بالاضافه لرطوبه عاليه
وخلال الفتره من يونيو الى سبتمبر الرطوبه تكون منخفضه ويمكن ان تكون الاجواء بارده خلال الليل
واثناء هذه الفتره من السنه من النادر ان ترى الامطار تهطل على سواحل بالى

مشاري الرياض
بالنسبه لمنطقة بوقور هي ملاصق للجبل ..
و ممكن تسكن فيها و تروح منها لجميع منتزهات الجبل و العكس ..
و تمتاز بهدوئها و هوائها العليل ..
و بالنسبه للقفز و البراشوت أكيد حسب ميولكم و رغبتكم ,, و حسب ضوابط الوزن المصرح بها ,,
على ما اذكر لا يسمح بمن هو اكثر من 85 كيلو ..
و يعطيك العافيه عالدعوه الحلوه .. و لكم بالمثل ان شاء الله ..
و اي استفسارات ... يسعدنا الرد ..
..
.
.
.

أخي الكريم
نوفوتيل بوقور أنصحك فيه بقوة !
إذا كنت تحب الهدوء و الجلوس صباحًا في الحديقة والاستماع إلى أصوات المياه و العصافير
( في العادة الفندق تخرج منه 8 صباحًا و تعود له في المساء )
الفندق على شكل منتجع بعيد عن صخب المدينة
بالتوفيق

ام عزيز7
و بالنسبه للقفز و البراشوت أكيد حسب ميولكم و رغبتكم ,, و حسب ضوابط الوزن المصرح بها ,,
على ما اذكر لا يسمح بمن هو اكثر من 85 كيلو ..
و يعطيك العافيه عالدعوه الحلوه .. و لكم بالمثل ان شاء الله ..
و اي استفسارات ... يسعدنا الرد ..
..
.
.
.
تسلمين وكلفنا عليك يامن العافيه
بس ممكن من واقع خبرتك ترتبين لي الفنادق من ناحيه الافضل
الفنادق :
جاكرتا : استون مارينا - مارلين بارك - لي قراندور انشول - نوفوتيل .
الجبل : سيروني 1 او سيروني 2 او سيروني 3
بوقور ( و هي منطقة جبليه ملاصقه للجبل بونشاك ) : استون بوقور .
باندونق : سينسا - استون تروبيكانا - و براغا .
انا شفت تقريرك حق فندق قراند مليا

• اللي فهمته من كلامك اني مايحتاج احجز من هنا لوجود الفرق

الحجز يتم عن طريق مكتب كاها اللي بالمطار صح ... وهل احجز لجميع المدن والا بس
جاكرتا ... وهل اتعامل مع سواق واحد واذا عندك رقم شخص يتكلم عربي وامين
اكون لك شاكر .....
الله يحرم ايديك وولديك ومن يعز عليك عن النار يارب
وشهر مبارك مقدما
واعتذر ع كثر الاسأله

المسافر الحربي
تسلم يالغالي ماقصرت