Tefu
حياك الله أخوي بنسبة للأسعار
تقدر تحصل أقل منه عن طريق أحدى مكاتب السياحة والسفر
عذرا .. يمنع ذكر أسماء مكاتب
ومبروك الزواج الله يوفقك ويجمع بينكم على خير إن شاء الله

ياهلا فيك اخوي ومبروك مقدما ..
بالنسبه لي افضل الشيراتون كفخامه
واليت كموقع يطل عالبحر وروقان عالآخر
لكن انت شوف اللي يناسبك واختاره
كنت بنصحك بالرتز بس شفت اسعاره هالفتره وايد ارتفعت عن اول ..
مايمنع انك تشوف يمكن تغير رايك

عزيزي دام ان الزيارة للبحرين لشهر العسل انا اقترح انك تبحبحها شوي وتحجز في الريتز كارلتون فهو مطل علي البحر وفية بيتش ومطاعم جيدة وقريب من مجمع السيف والعالي.

مبروك مقدما
وانا رايي من راي اخوي بلادي البحرين
الرتز كارلتون في المقدمه من حيث الموقع والتميز واطلالته على البحر وقربه من المجمعات
وماعتقد فيه فرق وايد بين الشيراتون والرتز

الرتز كارلتون بدون نقاش .. وهذي احلى الايام بالعمر ... ربي يهينك

أخوي أنا رايي من راي الأخوان أرشح لك الرتز ..
بس ليش ما تفكر تروح منتجع بنيان تري ؟؟ صحيح أنه غالي حبتين لكن حق الرومانسية ولا أروع .. ويعيبه موقعه البعيد بس نصيحتي لك اسكن فيه ليلتين وتمتع بالأجواء الرومانسية العذبة فيه وخذ لك ليلتين بعد في فندق من فنادق المنامة المطلة على البحر ..
وألف ألف مبروك ..
..

اشوف افضل الفنادق الي ذكرتها الشيراتون
وبعدها ميركيور عشان موقعه متى مابغيت تنزل للسيف

الشيراتون حلو بس المنطقه اللي فيه دايم زحمه يعني مو حقت روقان وغرفهم مو كبيره مره يعني متوسطه
اليت حلو بس احسه يصلح لعائله كبيره واثاثه مو هذيك الفخامه
مريكور بالنسبه لي ماشفته من داخل بس هم احس انه مو حق شهر عسل
الرتز افضل خيار لك والا ماريوت انا كاتبه عنه تقرير تقدر تشوفه بتوقيعي المنطقه اللي فيها الفندق حلوه وهاديه والجناح كبير وقمه الروقان سعره حلو بالنسبه له انه جناح يعني غرفه وصاله بماريوت ارخص من غرفه بالشيراتون شوف البوكيينغ واحجز منه لانه الاجنحه اللي فيها غرفه وحده بسرعه تخلص

مشكوريين أخواني والله ماقصرتوا
وأشكر كل من دعالي بالتوفيق وأدعيله أن الله يوفقه في دنيته وأخرته أنشاء الله..
بالنسبة للريتز كارلتون بصراحه غالي على ميزانيتي، بس عجبني الماريوت في موضوع الاخت فاررسه بس مشكلته بعيد شوي، شكلها راح ترسى على أيليت سبا ...
والله أعلم
متواصل معكم أنشاء الله
أخوكم Tefu