الاخ الكابتين..
هذي اجابتي لإستفساراتك:
1- انا لقيت سكن في برشلونه في فندق Ramplas سعر الغرفة دبل بيد 153 يورو , مناسب ؟؟
انا ارى ان السعر مرتفع شوي،، الاسعار المعقوله مابين 100 الى 130 يورو.
انا حاجز في شهر اغسطس ب 101 في فندق رويال.
عموماً موضوع الاستاذ المنقلب عن السكن في برشلونه حيفيدك كثير.
https://artravelers.com
2- ابي اسماء فنادق في جزيرة مايوركا او ارقام لهم عشان احجز اخاف اروح ومالقى شئ زين؟
بالنسبة لمايوركا فيه كذا فندق،، الفندق الأفخم هو فندق Gran Melia Victoria.. وسعره فوق ال 230 يورو.
http://spain-hotelguide.com/hotels/majgmv.htm
الفنادق الاخرى المناسبة اللي في نفس الموقع، انا ارشح لك فندق HM Jaime III فندق اربع نجوم وسعر الليلة في الهاي سيزون 120 يورو شامله الافطار،، وهذا موقعه:
http://www.hotelhmjaimeiii.lodging-in-spain.com
وفيه فنادق اخرى 4 نجوم وثلاث نجوم في نفس المنطقة،، هذي افضلها:
http://spain-hotelguide.com/hotels/majtry.htm
3- انا بقعد في برشلونة 5 ايام وفي مايوركا يومين وش افضل الاماكن اللي اقدر اروح لها ؟؟
حتلقى معلومات كثيرة عن مايوركا في مشاركات الاخوة..
4- هل تشوفون ان فكرة اني اطلع من برشلونة بعد ماخلص من مايوركا لباريس بالقطار حلوة ؟
القطار مرهق عليك،، تقريباً 9 ساعات من برشلونه..
ياليت تقول لنا انت من وين بتسافر اصلاً ومتى ،،وايش خط سيرك علشان نعطيك رأينا؟؟
تحياتي لك..

اهلين اخوي Slasa
حبيبي والله ماقصرت على الاجابة وعلى المواقع والاشياء اللي ذكرتها اللي افادتني جدا وخاصة
فنادق مايوركا بصراحه اشكرك ..
وبالنسبة لخطة اني اطلع من برشلونة لباريس كنسلتها
وقررت اني اجلس المدة كاملة في اسبانيا مابين برشلونة ومدريد وماربيا بالقطارات
والتمتع بالرحلات افضل وشكرا الف شكر على المساعدة السريعه والفعالة
اخوك ..

وياليت اخواني تعطوني اسم المحطة اللي اقدر انسق معها على الرحلات لمايوركا او موقعهم او عنوانهم في برشلونة وشكرا لكم مره ثانيه..

اخوي الكابتين..
زين ماسويت،،
بالنسبة للمسافة بين برشلونة ومدريد بالقطار فبرضوه مو قصيرة،، لكن على العموم انت يفترض انك تشوف تكاليف النقل الأنسب سعراً..
غالبا في المسافات الطويلة تلقى تذكرة القطار مقارنة بطول المسافة والوقت اللي حيضيع من يومك تكون مقاربة لسعر تذكرة الطائرة،، فحتما حتكون الطائرة هي الخيار الأمثل في هذي الحالة،، لكن مو على الإطلاق..
عموماً هذا الموضوع حيفيدك في تحديد اسعار التنقل بالقطار ومدة الرحلة بين المدن..
https://artravelers.com
بالنسبة لاستفسارك عن المكتب اللي تقدر تنسق معه رحلتة لمايوركاً فللأسف ماعندي خلفيه عنه،، لكن الاخوان ماراح يقصرون معك اكيد..
تحياتي لك..

في البداية
شكراً للأخ العزيز
SALAS
أخي
Captain
أي مكتيب سياحي في برشلونة يقدر يحجز لك
ويعطيك تذكرة بأسمك ورقم حجزك
قبل موعد الرحلة بنصف ساعة
تستبدل هذه التذكرة بتذكرة رسمية من مكتب شركة النقل الرسمية الموجود في الميناء
وموقهم قريب جداً من وسط برشلونة
يعني 5 دقائق بالتاكسي من وسط برشلونة وأنت عندهم
أسم الشركة
Trasmediterraner
وهذي الباخرة الي تنقللك من برشلونة لمايوركا
وهذا رابطهم على النت
http://www.trasmediterranea.es/index.asp?lang=UK
وأعتقد أن المقاعد متوفره تقريباً ... وفيه رحلتين يومياً
سعر التذكر في حدود 50 إلى 60 يورو
واحدة الصباح وهي سريعة 3 ساعات تقريباً
الثانية في المساء وهي أقل سرعة 5 ساعات تقريبا
أنصحك برحلة المساء
ميزتها توفر لك يوم سكن...يعني تسلم الغرفة في برشلونة الساعة 2الظهر يوم 10 من الشهر مثلاً
وتترك شنطك جاهزة في الفندق .. وتطلع تتغدى ... وترتب لك مشوار إما لمتحف أو سوق أو سينما
لمدة 3 ساعات
تكون الساعة حدود 7:30 .... ترجع للفندق ... تأخذ الشنط ... ومباشرة للميناء تكون الساعة 8:00
ساعة تغير التذكرة وتنطلق الرحلة الساعة 9:30 إلى 10 مساء
خمس ساعات إلى خمس ساعات ونصف كلها نوم .... وأنت في مايوركا
تكون الساعة الآن 6 الصباح من يوم رقم 11 من الشهر
توصل لمايوركا وتتوجه للفندق ... وتجلس فيه من 6 الصباح يوم 11وحتى 6 الصباح يوم 12 + 8 ساعات وتطلع من فندق مايوركا الساعة 2 الظهر من يوم 12 بسعر ليلة واحدة
الواضح أنك دفعت قيمة السكن في برشلونة يوم 9 من الشهر
ودفعت قيمة السكن في مايوركا يوم 11 من الشهر
ووفرت سكن يوم 10 من الشهر
أتمنى أني أفدتكم
مودتي وإحترامي
أخوك
المنقلب

شكرا والله يا اخواني Salsa والمنقلب
على توضيح خطط المحترفون في التنقل
وشكرا على توضيح كل مايخص جزيرة مايوركا
وعلى معلوماتكم المفيدة والمنسقة ..
اخوكم..

Captain
فعلا جهد يشكرون عليه :x1:

فندق Gran Melia Victoria تاخذه بأرخص من كذا بكثير اذا سويت الحجز من هناك