السلام عليكم ورحمة الله
آخباركم طيبين
طبعا أنا بكتبت هالتقرير نظرآ للركود في المنتدى بدينا بالكلام اللي ماله داعي
أنا سافرت تقريبا قبل سنه ونص وأنا متابع للمنتدى من زمان لكن من غير عضوية
وقصتي تقريبآ مثل أغلب الأعضاء
طالب مجتهد تخرجت وإلتحقت بكلية ينبع الصناعيه
وآول يوم أدوام ولا الشغله كلها إنكليزي * إنكليزي >> يلعنها لغة >> متعقد مره
طبعا أخوكم كان يدوام حاله حال الشعب لكن شفت أنه مافي فايده من الدوآم والدراسة
والنهاية معروفة
وإستمريت أداوم وأطقطق على الدكاترة وأحلى ترم
جات الإختبارات النهائيه ولا أخوكم ماعنده السالفه
طبعا اللي كان محمسني يوم أتكلم مع الوالد وأقوله أنا شاد حيلي بس عيبي ما أفهم إنكليزي
أن عندنا دكتور ماث ينام و مافيه الإ قوة نقل وبراشيم >> أحلى دجه
وأجيب أحلى مجموع عنده 47 من 50
مالكم بالطويلة
دخلت الإختبارات النهائيه
وأنجح بالماث على الحافه ب 63 والنجاح من 60 >>> بانت علومه
وأرسب بالإنكليزي ومادة ثانيه معها
وأنجح بالرياضة ب +A ههه
طبعا قوانين الكليه تقول اللي عنده مادتنين رآسب فيها برا
أنا عارف لكن الشكوى لله
علمت الوالد قلتله أنا ناجح في الرياضيات ورآسب بالإنكليزي
سآلني وش وضعك بالظبط قلتله مدري
داومت أول يوم في الترم الثاني و أنصدمت >>> كذاب
وأدق على الوالد قلتله بابا وأقوله يبه ترى إسمي من ضمن قائمة المطرودين
قالي يعني عاطل ياحبي قلت يب
قال هذا اللي تدوره
طبعا عشان لحد يجي يقول أنت مستهتر
والله حاولت بكل ما ربي عطاني من قوه بس مانفع ليه أزعل
فعشان كذا كنت عارف نهايتها فلا إنصدمت ولا شي
وأبدا مع العاطلين وثاني يوم في الدراسه الساعه 11 بالليل ولا يمرني خويي ( الله يشفيه ويعفي عنه )
مسوي حادث وفي غيبوبه الأن ياريت تدعلوه أن الله يشفيه ويعفي عنه
نرجع لموضوعنا مرني الساعه 11 بالليل وآخذ لابتوبي وأجي للوالد قلتله أنا بطلع >>>> مودب صح
قال الله وإياك وأستمر على هالحال شهر نوم وسهر ولابتوب وترافيان بشكل أخص
لين ما الله سخرلي بنت الحلال اللي تجي للوالده وتسئل عني وتعلمها السالفه
قالتلها ليش ماتطلعونه يدرس برا
أمي برا مع ضحكه هالولد داشر هنا أجل لا طلعناه برى وش بيسوي
لا فكينا من هالسالفه
راحت هالمره بحالها وتعلمني الوالده السالفه ههه فرحان فيه احد معطيه أمل
قلتلها ليش لا بس لازم نشوف بابا الله يحفظه
يومها صحيت بدري على 12 الظهر ههه وأفطر وأتقهوى مع الوالده
أشوف العلوم كيف ههه قلتلها لاجاء أبوي أنتي علميه على الغدآ
قالت OK أنا أبتسم
جاء الوالد وتغديت معه ولا الوالده تعلمه قالها لالالالالالالا
هذا مو رآعي دراسه
وتلح عليه الوالده قالها خلني أفكر وأشاور >>>> لازم منها
مرت الأيام وبعد شهر يوافق ههه شهر الله يحفظه يفكر ويشاور
طبعا خلال هالشهر ما خلا دوله ما قالي عليها ماليزيا كندا وغيره وأنا سئلت رآعي مكتب وقالي N.Z
وكل ما قال دوله قلت قدآآآآآآآآآآآآآآآآآآم why not
شافني صامل وأبغى أدرس قال أنت أطلع لمكتب بجده حق واحد من العيال وأسئل وشوف وآختار وشوف بكم
وماعليك
إن شاء الله الحلقه الجايه بعلمكم وش سويت يوم طلعت جده
وآسف على الأخطاء الإملائيه
ورآيكم في كل شي بالتقرير من حجم خط وأسلوب وغيره تعبت وأنا اكتب
وإن شاء الله يكون نآل على إعجابكم
وهالله هالله بالردود