لي رجعة بأذن الله

ناطر رجعتك يالزعيمة ..
مع كل الشكر
راح اشيك الحين اذا يمديني الحق اشوف لي مباراة في السنسيرو بشوف جدول مباريات الدوري الايطالي

هلا.,,,,
اولا ليش بتروح باريس اذا هي ليلة وحدة.......؟؟؟؟
لان الطريق متعب من ميلان الى باريس.......
اذا اصريت انك تروح باريس.......اجلس ليلة بباريس ومها اطلع الى ميلان بالطيارة ما تكلفك الرحلة الا 50 يورو....
واستأجر سيارة من ميلان احسن لك.....
وبعدين يكون مخطط الرحلة انك تكون ميلان بالنصف ومنها تروح الى سويسرا.....لانها قريبة جدا من ميلان
وبعدين اجلس ثلاث ايام في ميلان تقسمها على يوم في ميلان ويوم في بيرجامو مع فيرونا يكفيها كلهم بيوم واحد
ويوم تروح سيرفالي.....
واخر يوم اطلع على فينيسا واجلس فيها يوم واحد.....ومنها اطلع النمسا كذا تكون اقتصرت المسافة الى اي
مدينة نمساوية......
وبالنسبة للفنادق.......
اذا تعطيني الوقت بالضبط عشان ادور لك فنادق بالسعر اللي حددتة
بأنتظار ردك......

كلامك سليم .. لي رجعه ان شاء الله .. بعطيك تفاصيل اكثر عن رحلتي ونبي ترتيب اكثر منك لا هنتي ..
يعطيك العافية ..

مسا الخير اختي ..
اول شي بالنسبة لباريس .. انا راح انزل فيها ليلة اول ما اوصل وبعدين بأجر سيارة منها وبنزل الى انيسي جنوب فرنسا .. زين اختي اذا عندك خبره في انيسي .. هل تستاهل ازورها ؟؟ اتوقع فينيسيا بتغنيني عنها ..
انا مشكلتي مو عارف شنو افضل خط سير لرحلتي ..
ابي امر اكثر من مدينة بس مو عارف ارسم لي طريق امشي عليه ..
انا الي في بالي حاليا ..
ابدأ بباريس ليلة .. لان طيارتي الى باريس
ومن باريس بالسيارة الى انيسي جنوب شرق فرنسا واخذ فيها ليلة مثلا
ومنها الى جنيف وليلة بعد (وممكن اخلي بس ليلة في انيسي وبعدها ازور جنيف لانها قريبة جدا جدا منها.. واوفر ليلة زيادة لباريس في نهاية الرحله)
ثم انترلاكن وليلة
ومنها الى ميلان ليلتين او 3 ليالي
وبعدها فينيسيا ليلة
ومنها الى زيلامسي وسالزبرغ 3 ليالي
وعندي فيينا وميونخ يمكن ازورهم بس ما ادري اذا بتم ليلة فيهم او لا ..
بعدها زيورخ ليلة
وبعدها باريس ليلتين
ثم ارجع الى الديره من باريس ..
طبعا مثل ما ذكرت لك كل هالرحلة بتكون بالسيارة
هل تشوفين فيه شي من الي قلته ما يستاهل اروح له ..؟
او هل تقترحين مدن احلى من هذي؟
او عندك خط سير احلى؟
نبي نصايحك في البداية على مسار رحلتي ..
مع كل الشكر ..

هلا....
اذا ودك على باريس اول نقطة انطلاق نبدا بالتالي......من غير ما احدد عدد الايام حتى تستقر على المخطط اللي يناسبك
باريس.....اطلع شرق الى نانسي.....عشان يكون الطريق اسهل....ومدينة نانسي جميلة وهادئه....وتاخذ منك اربع
ساعات بالكثير.....
ومنها الى مينويخ.....وتأخذ بالطريق من ثلاث ساعات ونص الى اربع ساعات....
وبعدين تنزل على سلامسي......او سالسبورغ وكلهم ما يجوون الا ساعة ......
ومن سلامسي الى فينيسيا......خمس ساعات....
ومن فينيسيا الى ميلان ساعتين ونصف.....
ومن ميلان اطلع الى يا جنيف او زيورخ.....لان كلهم زي بعض,,,,,وكلها ثلاث ساعات
يمكن جنيف احسن الى حدا ما من زيورخ....يعني ما تستاهل تروح لهم كلهم.....
وبعدين تبدأ طريق الرجعة الى باريس.....بالمرور ب انسي كلها نص ساعة
ومنها الى باريس تأخذ حدود من اربع الى خمس ساعات
هي الرحلة متعبة بالسيارة بس ممتعة.....تشوف مناظر رائعة.......
اذا عجبك المخطط ممكن نحدد الايام لكل مدينة على اللي تستاهل كل مدينة الجلوس بها
بانتظار ردك......

تسلمين اختي .. ويعطيك الف الف عافية على تجاوبك معاي ..
طيب لو عملنا سواب للرحلة بحيث ننزل جنوب ونرجع من الشرق ..
يعني نبدأ من
باريس
أنيسي وجنيف
انترلاكن
ميلان
فينيسيا
زيلامسي
فيينا ( احسها طالعه عرض في الرحلة ..!! ))
سالزبرغ
ميونخ
نانسي
باريس
هل اكنسل فيينا..؟
او هل تنسيقها بهالشكل مناسب .. بحيث اني اخذ لي يوم مثلا في زيلامسي بعدين اطلع فيينا وارجع لزيلامسي يوم ثاني او اني اخذ لي يومين في سالسبرغ ..
الحين اذا تشوفين المسار مناسب كذا بحيث اني ما فوّت مناطق مهمة على طريقي .. نحط عدد الليالي المقترحة ..
وافضّل اني ما احط ليلة لميونخ .. امرها زيارة بس .. واخلي الليلة في نانسي ..
ناطر مشورتك اختي .. مع كل الشكر .. وجزاك الله الف الف الف الف خير .. والله يريحك قد ما انتي قاعده تريحينا ^_^

هلا......
ممكن بالطريقة اللي ذكرت.....الطريقتين ممتازات اهم شي انك ما تتعب بالرحلة ونفس الشي تستمتع بزيارة المدن
انا اشوف انك ما تحتاج تمر على فيينا وتأخذ منك اربع ساعات....وهي مدينة صحيح حلوة بس اذا انت مريت سالزبورغ
وسلامسي اعتققد كفاية.....
انا اشوف يكون سكنك في سلامسي ومنها تروح على ميونخ وسالسبورغ لانها تبعد بس ساعة عن كل مدينة
اذا ودك نبدا بتخصيص الايام......
بس كم المدة الي بتقضيها في اوروبا عشان نحدد الايام.....
بانتظار ردك

مرحبا اختي ..
قواك الله ..
ان شاء الله الفترة من 25 نوفمبر الى 8 ديسمبر ..
واذا قدر الي معاي يمدد اجازته شوي .. يمكن ازيدها يوم او يومين ..
على العموم نقول حاليا انها من هالتاريخ الي فوق ..
انا الحين بالدوام اول ما ارجع البيت ان شاء الله راح اقول لك اسامي الفنادق الي تتعامل معاها الشركه عندنا .. لان فيه اسعار خاصة للموظفين ..
ويكون احلى لو تعطيني فكره عن اسعار فنادق ميلان وفينيسيا .. واذا كانت بمعدل 120 يورو لليلة يكون احلى .. لانه ما يهمني انه يكون 5 او 4 او حتى 3 ستار .. اهم شي يكون نظيف ومكانه مو بذاك السوء لان تنقلاتي بتكون بالسيارة وما عندي مشكله .. وبالنسبه للنمسا زيلامسي وسالزبرغ .. خاطري اسكن في كوخ عند عيله في الارياف .. تهقين احصل احد يأجر لي باليومية؟ وهل اسعارهم بتكون غالية .. انا خاطري اجرب اسكن في هالارياف احسها بتصير تجربة حلوه ..
على العموم ناطر ردك اختي وجزاك الله الف خير