بسم الله الرحمن الرحيم
موعد الرحلة ان شاء الله من 26 July الى 21 August. بالهجري حيكون من 29 رمضان الى 25 شوال.
عدد افراد الاسرة 8 اشخاص. اكبر اخواني 22 سنة و اصغرنا 13 سنة.
طبعا الحمدلله كلنا كبار و نحب المشي كثير. ما عندنا مشاكل نطلع جبال و نشارك ف نشاطات جوية وبحرية.
حاولت قد م اقدر اسوي جدول للرحلة فيها مغامرات وكذا
المهم اتمنى تساعدوني اذا عندكم اقتراحات افضل لانو اول مرة نروح اندونيسيا كعائلة.
كذا قسمت اماكن الرحلة..
0ايام بونشاك > 7 ايام باندونق > 5 ايام بالي > 3 ايام جاكرتا
تم الحجز فيلا في بونشاك لمدة 10 ايام بس الاماكن الباقيه لسى م حجزنا. اقول لابويا احسن نحجز من بدري عالاقل حقت جاكرتا بس مو مقتنع مدري ليش
ابغى اسأل اذا 7 ايام كثيرة على باندونق؟
هل يوجد مكان جيد للسكن فيه غير باندونق؟
ميزانية الرحلة 40 الف ريال. يكفي المبلغ هذا؟ (فيلا بونشاك خارج المبلغ)
ايوه كمان ايش احسن السفر الى بالي من جاكرتا ولا باندونق؟ من ناحية السعر طبعا..
سعر التذكرة الى بالي في شركة ليون اير بكم تقريبا؟
في جزيره اسمها Ubud قريبه من بالي ما اعرف كيف نروح لها طيارة ولا سيارة ولا سفينة؟
نبغى نجرب القطار اللي ف جاكرتا بس كذا لقافه.. في اماكن حلوة ينراح لها بالقطار هناك؟
هل يوجد جزيرة خاصه للعائلات؟ يعني نفسنا نروح بحر مافيه ولا مخلوق عشان ناخذ راحتنا ينفع ولا نفقد الامل؟
في اماكن تبيع لبس السباحة للمحجبات. اين توجد؟
سؤال شاطح شوية.. فيه اماكن تبيع قيتار guitar بسعر حلو؟
واذا لقيت اكيد م بيدخل شنطة السفر. ممنوع اخليه معايا جوت الطيارة؟
ان شاء تكون بس هاذي الاسئلة.. اتمنى تفيدوني وشكرا..
( اعذروني على عشوائية طرحي للموضوع )