اخوي نصيحه تغير حجزك لاني رحت ترانزيت 6ساعات في هيثرو ومليت
فيه مكان يصلون فيه تقدر تنام بس ماراح ترتاح وفيه واير لس انترنت تدفع عن طريق الفيزا وتشتغل بس تراه ملل
بعدين اسال هل لازم تطلع فيزة ترانزيت ،،، ترى تعب عليك
عساك ما قصيت التذكره

لا والله اخوي للحين ما قصيتها قلت اول اخذ مشورتكم اذا تسوى لو لا
اذا ما تسوى ما لي يعني الا انزل في نيويورك وهذا الي ما ابيه
تسلم على تفاعلك معاي

وعليكم السلام ورحمة الله وبركاته
يالغالي adel2723 بما أنك ما قطعت التذكرة فمجبورة الخطوط البريطانية انها توفر لك فندق لانه النظام العالمي يتطلب ذلك غير انها تقدر توفر لك فيزة ترانزيت
مع خالص حبي

اي، هذا اللي انا اعرفه !!
يباتون ليله بالفندق ، حتى لو انها 8 ساعات بعد .. !

إسألهم المفروض بيعطوكم فندق حطوا أغراضكم فيه ,,واطلعوا خاصة لو كانت هذه أول مرة تروح فيها لندن لاتفوت هالفرصة وروح بغ بن وصوروا عندها من ثم روحوا لندن تاور وصوروا عنده وعقب ردوا الفندق وناموا
هذا رأيي الشخصي

انا يوم رحت النت علشان اشوف التذكره مذكور بين الكونكشن فلايت
Warning - your connecting flight leaves on the next day. You may need to arrange overnight accommodation for this connection.
بس بكره بتصل لهم المكتب و بأخذ الخبر اليقين
تسلمون كلكم على الردود الطيبه والله يجازيكم خير
تحياتي لكم جميعا

انا اللى اعرفه قانون دولي اى ترانزيت اكثر من 8 ساعات الخطوط توفر لك سكن
بس هذى مو المشكله هل المشكله لازم فيزا علشان تطلع برا المطار وتلف لندن ولا لا

لازم تطلع فيزا اذا بتطلع برى المطار

أخوي .. صباح الخير
أنا سنة 1999 كنت نفس رحلتك راجع من لوس أنجلوس / لندن هيثرو / البحرين ...
اقلعت الرحلة 8 مساءا من لوس أنجلوس .. وصلت لندن 30ر2 ظهرا اليوم التالي .. فتوجهت مباشرة لكاونتر الجوازات ووريتهم البوردنج باس حقت رحلة بكرة من لندن للبحرين وكان معاي زوجتي وطفلتين ... فعطوني بالمطار تأشيرة ترانزيت وأخذت من مكتب البريطانية بالمطار فاوتشر لعدد 2 غرفة بفندق 4 نجوم بجوار المطار مباشرة ..... وسكنت فيه لغاية ثاني يوم الصباح (موعد رحلة البحرين) .... بس الأهم جدا أنك لازم تنسق مع مكتب البريطانية هنا عشان يبعثون برقية أو تلكس لمكتب البريطانية بهيثرو يرتبون لك التجهيزات اللي قلت عليها أعلاه .....
تحياتي لك ورحلة سعيدة ....
أخوك/أبوتركي