دحوم بريدة
مرحبا اخوي يالله حيه
يبغيلك شغل ههه
اول شي اخوي غلط تروح وترجع من فرانكفورت
اذا نزلت في فرانكفورت لاترجع منها
يا ان ترجع من ميونخ او زيوريخ
وبكون خط الرجعه حسب ترتيبنا للمناطق
بس ممكن اعرف شنو وسيله النقل لكم سياره ام قطار
عشان نقدر نفيدك اكثر ونرتب لك الاماكن

qa6ar911
هلا والله اخوي
صراحة بما اننا عائلة كبيرة ومعنا رضيع اقل من سنة مشترطين الاهل الرحلة تكون دايركت لان نزولنا وطلوعنا بيكون صعب ، وزيورخ ما فيه دايركت للرياض ، وميونخ ما فيه على الخطوط ، عشان كذا فضلت البداية والنهاية من فرانكفورت بالذات ان المسافة من ميونخ معقولة (4 ساعات) ، ناهيك لو سلمتها في ميونخ رسوم الإرجاع
وسيلة التنقل سيارة بالتأكيد
بانتظارك اخوي

ياهلا وغلا اخوي
متأكد اخوي ماعندكم رحلات دايركت على خطوطكم من ميونخ او زيوريخ ؟؟
على العموم اذا بغيت خط السير بناء على المناطق الي تبغيها هي كالتالي
فرانكفورت
ثم
ميونخ
ثم
زيلامسي
ثم
انسبورك
ثم
انتر لاكن
ثم
يوروبارك
والسكن اما في مدينه رست
او ستراسبورغ
وبعدها العوده مره اخرى الى فرانكفورت طريق العوده
سؤال
تأكد من الخطوط في خط رجعه من شتوتغارت ؟؟
او عطني على اي خطوط هل هي السعويه
عشان اشوف لك اقرب مطار
وبالتوفيق

يعطيك العافية أخوي ، جميل جدا الترتيب ..
حنا على الخطوط السعودية ما لقيت دايركت ، لقيت على خطوط ثانية بس نفضل السعودية

فعلا الخطوط السعوديه ما تطلع الا لفرانكفورت وبصراحه انا افضل الطيران المباشر يريحك جدا ويحافظ على وقتك وجهدك ولكن وبما انكم عائله كبيره ما شاء الله انصحك بقوه لا تسوي محطه يوم او يومين لان البحث عن سكن بيكون صعب عليكم كذلك التنقل
انصحك بالبرنامج التالي
الوصول الى فرانكفورت والانتقال مباشره الى بادن بادن المسافه من المطار ساعه ونصف فقط وهي مسافه مقبوله خصوصا ان طيرانكم مباشر ووصلوكم سيكون ظهرا
قضاء 4 ليال في هذه المنطقه
الانتقال بعدها الى منطقة انترلاكن 3 ساعات بالسياره
وقضاء 5 ليال
الانتقال بعد ذلك
منطقة بحيرة كونستانس لانها تقع في الوسط بين انترلاكن وزل امسي كما انها منطقة جدا جميله ورائعه وافضل بكثير من انسبروك يومكن عمل عدة برامج منهازيارة شلال الراين وكوخ هايدي وزيورخ وبريقنز النمساويه ويفضل السكن في بريقنز
وقضاء 2 الى 3 ليال
ثم الى زل امسي
وقضاء
5 ليال
واخيرا الى شتوتقارت ((جميله ورائعه وقريب منها اوت لت من اجمل واكبر الاسواق في المانيا )
ومنها الى مطار فرانكفورت مباشر ساعتين بالسياره

daayem1
فعلاً اخوي مخططك رائع ومناسب جدااً للعوائل ..
لكن وش رايك لو شلت شتوتقارت وحطيت بدالها ميونخ ؟
لأني شفت قوقل ماب السفر بالسيارة لزوم نمر على ميونخ فأتوقع انها افضل ،وبرضوه الأوت لت حق سالزبورغ اتوقع انه اروع

بالنسبة لستراسبورغ الفرنسية ، هل النقاب مسموح هناك أم ان القانون الفرنسي لا يزال يمنع النقاب ؟

لن تجد في المنطقة افضل من هذا الاوت لت جامع بين الطبيعه وتنوع الماركات والمتعه بالتسوق https://www.youtube.com/watch?v=K9IeYMcyDbI
وكلامك صحيح الطريق يمر ميونخ ولكن اذا انتم مثلي ما احب الزحمه والمدن الكبيره
انتم وما يناسبكم وكثرة تغيير السكن متعبه
واذا بتسوي مثلي وتسكن على بحيرة walchsee
موقعها استراتيجي وقريبه من اهم الاماكن
زل امسي
سالزبيرق
انسبروك
ميونخ
تبعد ساعه وشوي عن كل وحده فيهم