الحمدالله على السلامة ، بس إنت كنت في أي فندق عشان نتحاشاه، أنا أشوف أفضل طريقة أن يكون لك جيب داخلي لحفظ التذاكر والجوازات

سبق واني وضحت هذه النقطة .. وقلت ان صندوق الامانات ما هو مضمون .. والبعض خالفني في كلامي هذا .
اتمنى من الاخ ضرار ان يوضح كيف سرق منه المبلغ حتى يأخذ المسافرون حذرهم . وارجو كتابة اسم الفندق الذي تمت فيه السرقة
واقترح عليك اخوي ان تأخذ معك شنطة صغيرة تلفها على الخصر وتضع فيها المبلغ
وانصحك ان توزع المبلغ ثلاث اقسام قسم معك وقسم مع معاونك والقسم الثالث تضعه في الرسبشن وتأخذ عليه ايصال .. او تضعه في مكان سري في الغرفة .
( وكذلك الجوازات وتذاكر الطيران .. ضعها في الرسبشن او في مكان سري للغاية في الغرفة )
اخوك
الماهري

انا ضد وضع الفلوس والجوازات للريسبشن
او خزنة الغرفه
لانو مايرتاح بالي الا وهي بشنطتي
وين ماأتنقل تكون معي
محتفظه فيها
واذا حبيت العب بنتي ياخذها زوجي
عني ونكون محافظين عليها اكثر من الرسيبشن
فهي افضل طريقه

*؛؛شموخ ؛؛*
وأنا مثلك تماماً .. لكن عاد وش نسوي .. البعض ما يبغى يأخذ فلوسه كلها معه .. ويقول ان هذا فيه مخاطره .. ويريد منا ان نعطيه حلول .. ونحن بدورنا نعطيه الحلول .. وهو يأخذ الذي يناسبه .
اتمنى للجميع التوفيق
اخوكم
الماهري

اسم الهوتيل لو تكرمت

يا جماعه السيفتي بوكس الموجود في الغرفه ليس امن. ولكن خزائن الامانات الموجوده في الرسبشن مامونه وذلك انها مراقبه بالكاميرا وايضاً يحتاجون توقيعك كل ما فتحت البوكس وللمعلوميه المفتاح اللي معاك لو ضيعته سوف تتحمل تكلفته لان الصندوق في هذه الحاله يجب ان يكسر بوجود المدير وهذا هو المتبع. ننتظر ان نعرف اسم الهوتيل من كاتب الموضوع

بالنسبة للجوازات انا أقترح ان الواحد يحطها في صندوق الأمان في الرسيبشن
اما بالنسبة للفلوس فالأفضل أستخدام البطاقات الأئتمانية التي تستطيع أستخدامها في كل مكان تقريبا وخل معاك شوية فلوس كاش حق التاكسي والمحلات الصغيرة
تحياتي

أفضل طريقه وأأمن وأريح خل فلوسك معك ولايلعبون عليك ويدرون وش معك مبلغ يتتبعون ويغدرون بك حطهم في جيب داخلي أمن في ملابسك ويكون تحت الأبط ووزع الأشياء بينكم واحد معه الفلوس والأخر معه الجوازات والأخر معه التذاكر ورد براحة البال ولا تقعد تتردد عليهم للأطمئنان على ممتلكاتك أو كل شوي ناط عندهم تاخذ فلوس من الخزنه
الحمد لله ماشفنا أي مكروه الفلوس معي في جيب مخفي والجوازات مع بنتي نفس الشيء والتذاكر مع ولدي والحمد لله ردينا بالراحه

أنا مع أحترامي للأخوان الي يقولون تخلي كل شي معاك من التذاكر والفلوس والجوازات والكل هنا عارف أن ماليزيا يغلب عليها طابع الملاهى والمتنزهات علشان كذا اقول للأخوان الي بيخلون كل شي معاهم لو دخلت ملاهي الصن واي لاقون وهذه كلها معك انت أكيد رايح بتلعب وتنبسط وتستانس ما أنت بقاعد تشيل هم الي معاك وكل شوي بتقعد تتفقدهم وتشيل همهم هذا شي والشي الثاني أنها معاك بتكون معرضة للتلف لأنه مع الالعاب كل شي جايز يصير صح والا لا
ومن واقع عملي السابق لأني كنت شغال في فندق 5 نجوم خلي أغراضك عند الرسبشن مثل الجوازات والتذاكر وأما بنسبة للفلوس كل فندق لازم تعطية مبلغ فوق الحساب يستخدمها كا تأمين انت خلي عنده المبلغ الي أنت تبغى وهو رايح يعطيك إيصال في المبلغ الى أنت حطيته عنده بس لازم تاخذ الايصال من عنده من باب الإحطياط والا لا تخاف لأن المبغ يتسجل عنده في برنامج الفديليو والى يستخدمه أغلب فنادق الخمس نجوم وأربع نجوم كمان لأنه يمكن أنا أسويلك تشك إن ويجي موظف ثاني ويسويلك تشك آوت ومن خلال البرنامج هذا يعرف أيش ألي لك والى عليك وأنا أقول اتوكلوا على الله و لا تخافون لأن كل فندق يخاف على سمعته بس هذا ما يعني انا نطنش ونهمل كل شي من باب الاحتياط