قهوة سطح
ياهلا ومرحبا فيك اختي
بالنسبه للخطوط الداخليه لماليزيا عندك الماليزيه وعندك اير اسيا طبعا الماليزيه اغلى بكثير بحكم ان
خدماتهم افضل اير اسيا شركه مالها الا فتره بسيطه يعني مو من زمان تشتغل في السوق . لكن مافيه
فرق على كلام الاخوان .
الافضل انك تحجزين الرحلات الداخليه عن طريق نفس المكتب اللي بيحجز الفنادق ويكون بدري اضمن لك .
بالنسبه للشركه ماقد سمعت عنها الحقيقيه .
الجدول تمام بس خلي كوالا اول شي 3 ايام بعدين جنتنق على ماسمعت ماتستاهل مبيت يعني اطلعيلها
الصبح وارجعي في الليل . وخلي اليوم الاول اللي كنسلتيه من كوالا مع 2 يوم جنتنق عوده لكوالا عشان
تتسوقين .
المرشدين ممكن تطلبين من الفندق او من المكتب السياحي اللي حجزتي عنده .
العربيه وش لك بالدوشه وتسحيب في المطار يكفي الشنط خذيلك وحده رخيصه من هناك وخليها لهم
بعد لاترجعينها
اتمنى اني افدتك اخيتي .:

الف شكر للاخ حواس
جزاك الله خير

سلام
الله يسهل عليكم
الخطوط انصجك بالماليزيه حلوه ماعليها وماهي غاليه
اما الشركه ماعرفها
اما اخطه:
احسن تقلب
اول يومين في لاصن واي لاقون
والايام الاخيره بالفنادق اللي على شارع العرب عشان اخر الايام يكون تسوق والتعرف على معالم كوالالمبور الرائعه.
بتتوهق في صن واي لو خليته اخر شي لانه بعيد عن منطقة التسوق وعن كل شي في كولا
وبعدين يمديك تروح لجنتق وملقا بنفس اليوم وترجع اذا حبيت
الخطه افضل تكون
سيلانجور 2 ليالي فندق صن واي لاجون (ماعليه حليو)
بينانج 3 ليالي فندق باي فيوبتش الفندق على البحر( ماعرفه)
لنكاوي 3 ليالي فندق برجاي الفندق عبارة عن فلل بوسط غابة على البحر (ماعرفه)
كوالالمبور 6ليالي فندق فيدرال (ماعرف الفندق)
(جينتنق وفيه ملكا) تروحون بنفس اليوم وترجعون افضل بكثير من انكم تجلسون لانه بتطفشون مافيها شي كثير حلتها يوم واحد فقط
وماهي بعيده ابد
بالنسبه للمواصلات والمرشدين السياحيين هل هناك صعوبه في الحصول عليهم
ماليزيا افضل مافيها انها واضحه والسبب الاخوان بالعرب المسافرين مايقصرون حاطين كل شي عنها يعني اطبعها وامش(والله يوم رحنا كاننا نعرفها من قبل كل شي مكتوب عندنا واضح)
والله يسهل عليكم واتمنى اني ساعدتك بالحصول على اللي تبيه لو بعض الشي

أختي .. الأفضل تحجزين الرحلات الداخلية على اير اسيا ارخص بكثير جدا عن الطيران الماليزي .. كلما عجلتي بالحجز على اير اسيا كان السعر ارخص
اما الترتيب فأتفق مع الأخت فله
برجايا لانكاوي كثير يمدحونه وانا حاجز فيه هالصيف وان شاء الله تستانسون .
بخصوص جنتنق ترى ما فيها غير الملاهي ويكفيها يوم من الصبح للمساء .. بس دام معكم اطفال ما يمنع تباتون ليلة وحدة هناك حتى يستانسون بالملاهي

العربيه خوذوها من هنا..
بس خوذوها مواصفات خاصه...
يعني لاتاخذون العربيات الكبيره الفخمه اللي تجيك كبر الطاوله

اهلا بيك قهوة سطح
أنا راح أرفق لك جدولي المقترح واللي دايم أنصح فيه الإخوان والأخوات
الكرام أعضاء المنتدى او أي شخص يريد السفر وذلك لتنوعه وتغطيته
لأغلب الأماكن وشموليته للترفيه والإستجمام والمتعة والتسوق معاً وهو :
1/ ليلتين في سيلانجور ( فندق الخيول الذهبية / خمس نجوم ) :
فندق حلو وجميل جدا بما تعنيه الكلمة ويستاهل اكثر من ليلتين حسب الرغبة, راح أقولك ليه تم
إختيار هالفندق لانه يقع في ولاية سيلانجور أقرب منطقة للمطار وهي أقرب من كوالا خاصة
إنكم جايين من سفره وتعب ومشوار وتبون تريحون فهو بالنسبة لي من أروع الفنادق الي سكنتها
بالإضافة هناك توجد بحيرة خلف الفندق ويوجد على ضفتها الأخرى مجمع وملاهي ماينز وندر لاند
هي عبارة عن مجمع للتسوق ومطاعم وفي المقابل لها حديقة ألعاب وملاهي وعروض جميلة جدا
وتقدر تروح من الفندق للمجمع بطريقتين الاولى التاكسي ب 20 رنقت او من خلال القارب ب 6 رنقت
وانا انصحك بالقارب من خلال تجربة لان فيها متعة وروعة ما توصف وما راح تندمون
2/ ثلاث ليال في لنكاوي ( فندق لنكاوي لاقون / خمس نجوم ) :
سكنت فيه السنة الماضية برحلة شهر العسل وكان رائع رائع وهادئ جدا
يتوفر فيه نوعين من الغرف, غرف في مبنى الفندق وتتوفر ببلكونه وبدون
وغرف عبارة عن سويت ( كوخ ) على البحر, يتميز بهدوئه وبعده عن
الضوضاء, وهو قريب جدا من المطار وموقعه بالنصف بين الاماكن السياحية
في لنكاوي , وهو يعتبر خمس نجوم فندق مصمم تصميم ريفي بسيط, نظيف جدا
والاكل جيد جدا,والأثاث ممتاز وجو الفندق العام ممتاز
3/ ثلاث ليال في بينانج ( فندق باي فيو بيتش/ أربع نجوم ) :
سكنت فيه السنة الماضية برحلة شهر العسل, وكانت غرفة مع بلكونة وهو
فندق يعتبر أربع نجوم جيد جدا, نظيف, أكله جيد, شاطئه جميل, تعاملهم جيد
وفكرة تصميم المسبح حلوه, أسعاره مناسبة جدا, أثاثه عادي لكن ليس سيء
يقع باخر السوق الليلي على شارع باتوي فرنجي ( شارع السوق الليلي)
تقدر تروح للسوق مشي أو بالتاكسي ب 6 رنجت وهو قريب من الحدائق
( الفراشات, التوابل , الفواكة ), وأيضا مصنع الأقمشة
4/ ليلتين في سيلانجور ( فندق صن واي لاقون/ خمس نجوم ) :
فندق ممتاز جدا جدا جدا وفخم يعتبر من أفخم الفنادق اللي اخترتها
كنت قد اخترته السنة الماضية من ضمن الرحلة واخذت ليلة بالفندق
وليلة فيلا الهوني مون بمسبح خاص, الفندق بشكل عام ممتاز جدا
هو عبارة عن فندق خمس نجوم يحوي ( فندق + مدينة ألعاب + مجمع )
وهو قمة في المتعة أثاث فخم, تصميم فخم, نظافة, اكل جيد لكن غير متنوع,
المجمع الذي بجانبة ممتاز جداً يحوي صالة تزلج وسينما وماركات عالمية
ومطاعم أسعاره مناسبة, مدينة الألعاب تحوي ألعاب كهربائية وألعاب مائية
5/ خمس ليال في كوالالمبور وتوجد عدة فنادق منها :
1/ فندق إستانا ( خمس نجوم) :
يقع على شارع العرب ( شارع بوكيت بينتنق ) بمسافة خمس دقائق حتى تصل
أثاث ممتاز وراقي وخدمة جيدة ونظيف, وأسعار مناسبة جداً.
2/ فندق الماريوت ( خمس نجوم ) :
يقع على شارع العرب مباشرة, يعتبر من الفنادق الجيدة وذو خدمة راقية و
نظافة وهو ذو سمعة ممتازة هناك, يعاب عليه شيئين المسبح سيء والإفطار
ليس بذاك المستوى فقط .
3/ فندق الويستن ( خمس نجوم ) :
يقع بجانب فندق الماريوت مباشرة وهو ليس أقل فخامة من الماريون إن لم
يكن أرقى منه ويمكن أن يوفر غرفة مطلة على البرجين وهو غني عن التعريف
أو أي فندق على شارع العرب وانا انصحكم بذلك لعدة اسباب منها :
1/ كثرة المطاعم والمقاهي
2/ المجمعات والاسواق عد واغلط
3/ كل شي قريب من حولكم وتقدروا تروحون له مشي
4/ وجودكم قريب من البرجين ما راح يفيدكم كثير الا انكم تتسوقون فيه (غالي) مع
وجود كذا مكان للزيارة وهذا تقدر تروح لها بالتاكسي من شارع العرب وترجع
5/ وإذا لغتكم مش ولا بد فيه ناس تفهم لكم اذا ضعتوا او توهقتوا باللغة
6/ راح توفروا فلوس التاكسي اللي كل يوم رايحين وجاين من وإلى فندقك
7/ المحلات والناس اللي فيها ما تخمد الا الساعة وحده او وحدة ونص يعني فله
هذا بالنسبة لجدول رحلتكم أم بالنسبة لباقي الأسئلة ف :

• بالنسبة للخطوط :

توجد ف ماليزيا شركتي خطوط طيران الأولى الخطوط الماليزية وهي ما عليه كلام
أنا جربتها وكانت ممتازة وخدمة راقية وطيارات أوكي بس أسعارهم غالية اشوي
, والثانية خطوط آيرآسيا وجربوها بعض الإخوان وما في احد ذمها ابد الكل
يقول أوكي وفي شي يميزها إنها رخيصة بحيث سعر التذكره يساوي نص
سعر تذكرة الخطوط الماليزية والكل مدحها تقريباً
أما بالنسبة للحجز فتقدرين تحجزين من مكاتب السفر والسياحة أو من خلال موقهم
بالنت سواء الخطوط الماليزية او آير أسيا, وبالإمكان الحجز لما تروحون ماليزيا
لأن رحلاتهم كثيره ومتوفره لكن أضمن لكم حجزوا من هنا أفضل وهذا رأيي

• بالنسبة لشركة الحجز اللي ذكرتيها فأول مره أسمع فيها وما قد تعاملت معها

أو سمعت أحد بالمنتدى تعامل معها

• بالنسبة للمواصلات فهي متوفرة جدا جدا سواء تاكسي أو باص او قطارات

يعني ما فيه تعب إن شاء الله من الناحية هذي, وبالنسبة للمرشد تقدرون تكلمون
أي مكتب حجوزات ورحلات هناك وهو يوفر لكم المرشد لكن أعتقد ما راح تحتاجون
أنا عملت ملف يحوي أغلب وأكثر الأماكن السياحية في ماليزيا واللي يزورنها السياح
هناك, وراح ارفق لك الرابط وادخلي على الموضوع وحملي الملف وإن شاء الله
تستغنوا عن المرشد وتوفروا فلوسه وهذا هو الرابط :
https://artravelers.com/p/re/111073

• بالنسبة لعربة الأطفال تقدرين تاخذينها من السعودية لكن لازم تكون من النوع

الخفيف والسهل الحمل عشان التنقلات وترى هي ما تدخل من ضمن الوزن ولا
ياخذون عليها شي يشحنونها مجاناً ( حسب معلوماتي ) قبل ما تركبون الطياره
فيه مخزن يتم تخزين عربات الأطفال فيه , وأيضاً تقدرون تشترونمن هناك بس
أهم شي مثل ما قلت الوزن والسهوله بالحركه
وبكذا اكون غطيت كل أسألتك ولأي استفسار أو معلومات أنا حاضر
لك تحياتي

أشكر جميع الاعضاء اللي ردو علي واستفدت منهم جدا
الاخت فله
ArabsByte
مسافر مختب
زمان الصمت
اشكركم جزيل الشكر واضافات جميله ومفيده منكم
تحياتي

كثير يقولون الافضل كوالالمبور بالاخير عشان التسوق
سؤالي هل هناك اشياء مميزه تميز اسواق ماليزيا عن غيرها
طبعا لابد من التسوق واخذ تذكارات والشراء يعتمد على البضاعه المعروضه اذا بالاقيها بالسعوديه فماله داعي اشتريها من هناك
لكن اذا فيه شيء يميز اسواق ماليزيا فياليت تخبرونا