1. واقلعت الطائره في امان الله .


2. بالعربي ماتركنا حته في جاكرتا الا زرناها في مدة الاسبوع هذى .


3. بونشاك – بونجاك

السلام عليكم جميعا وبسم الله نبدأء
الرياض – كوالالمبور- جاكرتا
على المرجو من جميع الركاب ربط الاحزمه استعداد للاقلاع الطائره من مطار الملك خالد الى مطار كوالالمبور هذا اول الكلام اللى سمعته واحنا في الطياره طبعا بعد شرح كيفيه ربط الاحزمه ودعاء السفر

واقلعت الطائره في امان الله .

طبعا انا واخوى التوأم مصتصحين شوي في الوزن واحنا رايحين نقطع البوردنج كلمنا الموظف انه يعطينا مقاعد اضافيه (وعلى فكره هذا من حق اى مواطن سعودي يسوي الحركه هذي مادام وزنه زائد وما يقدر يرتاح في مقعد واحد ) المهم اخذنا الاربعه المقاعد اللى في الوسط طبعا مع مشاركه زميلنا الثلاث وكل واحد الحمدلله اخذ راحته . بما اننا توأم وكنا لابسين نفس الشي هذي كانت ضريبه الشهره في الطياره الكل صار يقرقر بلاندونيسي شوف التوأم يالله نفس اللبس (الحمدلله اننا نفهم الكلام الاندونيسي وقعدنا نقرقر معاهم طول الرحله وصلنا مطار كوالالمبور. الرحله استغرقت حوالى سبع ساعات وعشر دقائق المهم اقلعنا الى مطار جاكرتا بعد ساعه انتظار . بعد ساعه وعشرين دقيقه بالتمام والكمال وصلنا الى المراد مطار جاكرتا . نزلنا من الطياره على الجوازات خلصلنا تختيم وعلى العفش ومن ثم على الكونترات الخارجيه علشان نحجز لنا فندق وحجزنا في شقق ( بتافيا ) اخذنا شقه 3 غرف وصاله ومطبخ وغرفه غسيل
احدي الغرف فيها حمام ( الله يكرمكم ) وحمام للغرفتين الصراحه شي عجب عجب نظافه هدوء شي ياخذ العقل من جد. طبعا ريحنا وكل واحد اخذ تعسيله الا المغرب ومن ثم الذهاب اللى الاتريم نغير عملات اولا وثانيا على مطعم ونديز وعلى فكره ضريبه الشهره اللى في الطياره كانت نفسها في الاتريم وفكل مكان نتراوده انا واخوى التوأم كاننا اول توأم يجي على اندونيسيا ( شي حلو تحس انك مميز ) مدة جلوسنا في جاكرتا كانت اسبوع ما تركنا محل الا اخذنا فيه زياره من دنيا فانتازي الى المتاحف الى برج ايماس والاسواق الشعبيه والاسواق الكبيره ( مانقا دو فروعه كلها ) ( الواحد يشترى الهدايا من بدرى بدرى )

بالعربي ماتركنا حته في جاكرتا الا زرناها في مدة الاسبوع هذى .

بونشاك – بونجاك

بعد الاسبوع اللى قضيناه في جاكرتا كنا متفقين مع السواق (عمر –ابو فيصل) يجينا على باتافيا بعد اسبوع علشان نطلع على بونشاك وحجزنا هناك شهر في فيلا جيده جدا اسمها سيمباكا قريبه من البقالات السعوديه ومن الحضرمي حق تغير العملات ( LOL ). الشهر اخذناه ب 7 مليون الفيلا عباره عن 4 غرف كل غرفه بحمامها الخاص ( اعزكم الله ) وصاله كبيره و ملعب كبير ( لكره الريشه ) طبعا يمكن كثير منكم يستغرب ليش شهر ؟؟ اولا اجازتنا كانت 55 يوم والحمدلله ثانيا بونشاك اقتصاديه جدا من الناحيه الماليه وغير كذا انها قريبه من كل الاماكن اللى كنا مخططين عليها مثلا (باندق – شياتر – باقندارا – انير – شاريتا )
بالعربي بونشاك كان مركز توجهنا هناك ( وبما ان الاجازه طويله لازم من جهه تتمركز فيها )
طبعا بما اننا قلنا بونشاك فلازم من سفاري وحدائق الزهور والاسواق الشعبيه اللى في اعلى الجبل
نكتفي بهذا القدر – ونكمل ان شاء الله قريبا رحلتنا المتبقيه ( باندق – شياتر – باقندارا – انير – شاريتا )