الأخ الربسن ..
وعليكم السلام ..
ألف مبروك على البعثة .. و عقبال العروسة إن شاء الله ..
عزيزي .. جامعة غرب سيدني .. بعيدة جدا جدا عن الداون تاون أو Sydney CBD ..
و بإمكانك تشوف المسافة عن طريق http://www.wikimapia.org ...
و أقترح عليك أن تأخذ سكن قريب من الجامعة ( لازم عليك يكون السكن قريب من الجامعة .. عشان الدراسة .. و المكتبة .. وعشان تشد حيلك في الدراسة )
إذا كنت تريد تقوي لغتك .. شوفلك عائلة ..
و إذا كانت اللغة مية مية .. شوفلك شقة ..
الشقق معظمها غير مؤثثة .. و خاصة إذا كان الإيجار لفترة طويلة .. و إنت عليك الأثاث ..
الإيجار أسبوعي .. و يعتمد على حسب المنطقة و الحي ..
الأحياء القريبة من مركز المدينة .. السي بي دي .. جدا غالية .. ممكن تحصل 300 - 450 دولار بالأسبوع .. و ممكن أكثر ..
و هناك أحياء رخيصة .. تصل الشقة إلى أقل من 100 دولار بالأسبوع .. و لا تنسى نظافة الشقة أيضا ..
و الدنيا في سيدني أمان الحمدلله .. ( لكن ) : يا غريب خليك أديب ...
الي ماشي في حاله .. ما يجيه إلا العافية إن شاء الله ...
و من ناحية القنوات العربية .. تقدر تجيب ساتلايت و تجيب القنوات العربية .. لا تشيل هم الشي هذا ..
و الله يوفقك و يسهل أمرك ..
أخوك ..

ashoar
مشكور وماتقصر على ردك .............
contageous
مشكور على ردك وماتقصر
الله يوفقك ان شالله
بس انا ابي اسكن قريب من الداون تاون لاني كنت موجود في كندا سنه كامله بس ماارتحت نفسيا الا لما سكنت في الداون تاون فما ادري وش الحل الافضل المشكله اني جاي بعد 3 اسابيع
ياليت تفيدني اخوي لاني من جد محتاج نصيحتك
وماقصرت اخوي واذا تحتاج اي شي من الرياض امر وتدلل

اخي الربسن
السكن في السيتي مكلف وغالي وبعيد عن الجامعه
ولكن هناك احياء قريبه من جامعة غرب سيدني
وفي الويك اند تقدر تروح السيتي
بالنسبة للقوات العربية يوجد شركتين تقدم هذه الخدمه

1. تسكن قريب من الجامعة .. و في الويك إند .. تروح السيتي سنتر ..

أخي ..
هلا بك ..
عزيزي .. جامعة Western Sydney .. عندها أربع كامبسات .. يعني .. أربع فروع ...
واحد منها قريب من باراماتا .. و هذي منطقة من مناطق سيدني .. تبعد حدود 25-30 دقيقة بالقطار من السيتي سنتر.. و هي منطقة رائعة .. وتستاهل الواحد يسكن فيها .. و يمكن تسميها سنتر .. بس صغير ..
المشكلة في الثلاث فروع الأخرى .. و هذي كلها جدا بعيدة عن السيتي سنتر .. و بالأصح هي قريبة من تاون اسمها .. Penrith .. إذا كان في هذي الفروع .. يصير تسكن في Penrith's Center ..
و زي ما قال لك الأخ ashoar ...

تسكن قريب من الجامعة .. و في الويك إند .. تروح السيتي سنتر ..

لأنه .. راح يكون عندك محاضرات و كلاسات .. و بحوث .. و هذا كله يتطلب منك إنك تكون قريب من الجامعة ..
إحسبها صح .. لو كنت ساكن في السيتي سنتر .. راح تاخذ قطار للجامعة .. فرضا من السنترال ستيشن .. أو التاون هول .. وراح ياخذ منك وقت طويل .. يمكن ساعتين أو أكثر (أتمنى من الأخوة الي عارفين المنطقة يجاوبونك) .. .. وحتى لو كان قطار إكسبرس ..
و ما أعرف بالتحديد المسافة .. لأني ما عمري رحت جامعة غرب سيدني .. أو المنطقة المجاورة لها .. بس اللي أعرفه إنها بعيدة ..
يا عزيزي .. سيدني .. جدا كبيرة .. و مترامية الأطراف زي ما يقولون ..
وبإمكانك في كل ويك إند تروح السيتي .. و تتمشى في سيدني كلها ..
و أنصحك .. أول شيء تسكن قريب من الجامعة .. أو في الكامبس .. و بعدين تدور على مكان مناسب لك .. خاصة إذا عرفت المنطقة و عرفت المسافات .. تقدر تحسبها تمام ....
الله يوفقك ..
أخوك ..

الف مبروك على البعثة وبالتوفيق ان شاء الله.
بالنسبة للجامعة بعيدة جدا عن وسط المدينة لاكن مكن تسكن في المناطق القريبة منها مثل باراماتا او البانكس تاون او اوبرن وكل هذي المناطق اروع من الرائع بالنسبة لنا كعرب ومسلمين وخاصتا اوبرن ..
وبالسبة للسكن افضل شي الاستئجار ...
اعتذر عن التاخير في الرد ,وعن الاختصار في الشرح للظروف وان شاء الله اول ماارجع للسعودية راح اشرح لك عن كل شي بالتفصيل.

contageous
الله يعطيك العافيه وماقصرت والله يكتب الي فيه خير
انا شالله اسوي بحث واشوف افضل شي
بديت افكر اني ادرس سمستر بعدين احول لان اهم شي عندي الراحه النفسيه
==========================================
ashoar
سويت لك اد على الماسنجر
=======================
طيف الورود
يعطيك العافيه وانا انتظرك
يعطيكم العافيه جميعا وماقصرتوا

بخصوص الدش تقدر تركبة عادي وموجود باقتين للقنوات العربية باقة اليو بي ان او يوبي اي ناسية ايش بالظبط والثانية ماي سات والاولى افضل لاكن ينقصها ام بي سي بس اكثر من الباقة الثانية ,ممكن تركب الدش في البلكونة او فوق السطوح على حسب ممكن يكون مظبط لة مكان فوق مع اجار الشقة تستفيد منة كل اللي علية تشترك وتركب الدش وتوجهه لجهة البث .
اما السكن في الداون تاون بعيد مرة مرة مرة والا سعار اغلى من المناطق القريبة من الجامعة او الاحياء اللي يفضلها اكثر العرب, اسكن في اوبرن وناسة وحياة غير عن باقي سدني واسعار السكن فيها حلوة والاجواء رائعة خاصتا في رمضان تحس بالحياة فية ...

يعطيك العافيه حيتو طيف
مشكوره وماقصرتي ........
وشكل السكن راح يكون في اوبرن لاني ابي اشوف عيال ديرتي مو زي كندا بس اجانب
مشكوره والله يوقفك في دراستك