kamel300
04-09-2022 - 05:24 am
اخواني لدي استفسارات يمكن تكون بسيطة ولكنها بالنسبة لي مهمه جدا في الفلبين ؟؟؟؟؟؟
1- هل لابد يكون الجواز معي في كل طلعه لي من الفندق اقصد اصل الجواز ام صورة تكفي .
2- كيف اخد معي فلوس من السعودية كلها اصرفها بيسو ام دولارات والباقي وين اخبية .
3- كيف طريقة عمل السفتي بوكس لان عمري مااستخدمتة وهل هو امن لاغراضي اولا .
4- وين افضل فندق الشنقريلا ام ريجنسي وفي اي مدينه هم .
5- متي انسب وقت للسفرللفلبين اي شهر ميلادي لاني مااحب البرد اتعب معه ؟
ارجوا من مشرفنا ان يتحملني ولكم كل الشكر والتقدير .
1- هل لابد يكون الجواز معي في كل طلعه لي من الفندق اقصد اصل الجواز ام صورة تكفي .
لا مو لازم واذا اخذت صوره من الجواز ومختوم عليها من الفندق كثر خيرك وسويت اللي عليك مع انه مافيه احد وسبق ان سالني عن الجواز وذلك لرحلات عديده
2- كيف اخد معي فلوس من السعودية كلها اصرفها بيسو ام دولارات والباقي وين اخبية .
خذها كلها دولارات وغير لك 50 دولار بالمطار اذا وصلت هناك الى بيسو علشان تحاسب فيها التاكسي اللي يفضل انك تاخذه من تكاسي المطار
3- كيف طريقة عمل السفتي بوكس لان عمري مااستخدمتة وهل هو امن لاغراضي اولا .
طريقه عمله مثل طريق عمل القدر الكاتم امزح هذا سلمك الله مجموعه صناديق تكون قريبه من الرسيبشن وكل نزيل يعطونه صندوق ويكون للصندوق مفتاحين واحد معك وواحد مع الرسبشن والصندوق مايفتح الا بالمفتاحين مع بعض يعني لازم مفتاحك ومفتاح اللي مع الفندق وهو امن جدا حط فيه التذكره والفلوس وبطاقاتك الائتمانيه واي شي مهم بس تراه صندوق صغير مو تضف كل اغراضك وتحطها فيه وبالنسبه للفلوس كل يوم اسحب 100 دولار وغيرها الى بيسو من محلات الصرافه
4- وين افضل فندق الشنقريلا ام ريجنسي وفي اي مدينه هم .
الافضل طبعا الشنقرلا بس تراه غالي بحدود 170 دولار او في ذي الحدود
5- متي انسب وقت للسفرللفلبين اي شهر ميلادي لاني مااحب البرد اتعب معه ؟والله انسب وقت اللي مايكون فيه امطار كثيره يعني من يناير وفبراير ومارس والامطار تكثر في شهر 6 و 7و8 وعلى طاري البرد ابشر مانيلا مافيها برد حتى لو تروح في عز المربعانيه لان درجه الحراره فيها شبه ثابته حدود 28 على طول السنه