- مساء الخير على الجميع ..
السلام عليكم ورحمة الله وبركاته :مساء الخير على الجميع ..
هذه رحلتنا الى أسبانيا ولمنطقه ماربيا بالذات أتمنى تعجبكم وتستفيدوا منها .
أسم الفندف ( الفارو) 3 نجوم وسعره معقول مرة حنا 5 أشخاص سكنا ب110 يور لليوم الواحد لاأحديقولك السكن بأسبانيا غالي أذا تبى غالي بتلاقى غالي واذا تبي رخيص بتلاقى رخيص والفندق فيه مسبح وأنترنت 24 ساعه وطبعا فطور معقول وفي الأستقبال في واحد مصري أسمه أحمد ماراح يقصر معاكم أبدا حتي التاكسي مصري وتتفاهمون معاه على الى في بالكم وينصحكم كثير والفندق قريب جدا من الشاطي ( كوستا ديلسول) ومحلات كثيرة على الشاطئ ومحل أيسكريم أسمه ELP.AVEومطعم هندي يسوى برياني لذيذ ومطعم بيتزا ومطعم برغر كنج.
وفي سوبرماركت كبير أسمه ( بلازا ديل مار) .
لاتسون كاميرات الفيديو والديجتال لتصوير أحلى الذكريات .
في شارع أسمه ( البارتوبانوش ) حق تمشي أخر الليل شارع رايق جدا وفي مطاعم مغربيه ولبنانيه وعراقيه بنفس الشارع .
أحجزوا لرحلاتكم من الفندق نفسه ..
أحجزوا يوم على غرناطه في باص من الصباح يمر على نفطه معينه في ماربيا ويودي غرناطه وشوفوا قصر الحمراء .
أحجزوا يوم على مصارعه الثيران على مأظن يوم الأحد من كل اسبوع ب45 يورو.
أحجزوايوم على مدينه الملاهي أسمها tivoliworld يوم لاينسى الصراحه.
أحجزوا يوم على المدينه المائيه أسمها AQUALAND TORREMOLINOS عالم من المرح .
أذا في وقت كافي أحجزوا على قرطبة وأشبيليا وهذه الرحلات باص يمركم من الصباح الساعه 6 تقريبا الى المساء الساعه 8 مساء بس صدقوني رحلات والله ماراح تنسونها ..
هذا ماعندي وأتمني أني فدكم ..
مع تمنياتي للجميع الصحة والسلامه ..
على هالمعلومات أخي الكريم