الذهب الخالص
04-09-2022 - 10:15 pm
السلام عليكم ورحمة الله
بعد طول غياب وتقصير مني رجعت للكتابه في المنتدى
انا ان شاء الله رايح المانيا مع واحد من اخوياي في بداية جولاي لمدة 12 ليله بنقضيها كلها في ربوع المانيا
وهذا تفصيلها:
4 ليالي فرانكفورت
3 ليالي كولن
2 ليلتين رست (اوروبا بارك)
3 ليالي ميونخ
اتمنى منكم انكم ترشدوني لافضل الاماكن القريبه من فراكفورت وكولن عشان نروح نتمشى فيها ونقضي وقت
بالنسبه للمدن والايام ماعاد اقدر اغيرها لأن الحجوزات غير مسترده لكن ابي اعرف اذا فيه قرى او مدن جنب المدن المذكوره عشان نمر عليها
السؤال الثاني هل سكة القطارات تربط كل المدن اللي فوق ببعضها ؟ يعني لو بغينا نطلع من كولن إلى رست هل بنحصل قطار دايركت ؟
وشكرا
عليكم السلام هلا فيك يالغالي والحمدلله عالسلامة
في ملاحظة بسيطة ارجو ان تنتبه لها
4 ليال بفرانكفورت و 3 ليال بكولون
كولون تبعد عن فرانكفورت ساعه ونص تقريبا واذا سكنت فرانكفورت طبيعي جدا انك راح تروح كولون خلال تواجدك بفرانكفورت فكان المفروض تستغل ايام كولون بمكان ثاني ابعد فانت بهالحالة خسرت 3 ايام عالفاضي بالاضافة الى السكن
الاماكن المحيطة فرانكفورت كثيره منها بون وكولون ودوسلدورف وايسن ودورتموند وللامانة معرفتي بالقطارات قليلة ولكن اعتقد انها مرتبطة مع بعض بشكل لا يوصف
رحلة موفقة باذن الله