المشكلة ان الوقت اللي بتجي في ميت في دبي
المحلات تسكر الساعة 10
وبعضها 12
والسينما آخر عرض 12
والمطاعم كثير منها تسكر 2
أنصحك تروح فندق وتريح

وين تروح روح نام ماشي غيره استاجر لك مكان

السلام عليكم
The Watcher الف شكرا واللة انك ريحتيني اللة يجزاكي خير
سالم بن محمد واللة انك مرفع ومصرقع ضحكتني اللة يدوم الفرحة عليك
لكن اود اقولكم اني انا ماودي انام عشان بعد الترانزيت عندي سفرة لمدة 20 ساعة وابغى انام في الطيارة (ولد ذكي )
وانا سمعت اني في مطار دبي سوق حرة ومطاعم فياليت تقولولي اسماء المظطاعم الي على كيف كيفك وهل السوق يقفل؟
شكرا

معناها أنصحك بالتالي:

• اول ماتطلع من المطار روح السينما آخر عرض الساعة 12
• بتطلع الساعة 2 روح اي مطعم (بصراحة ما اعرف المطاعم اللي تفتح الى بعد الساعة 2 .. بس اتصل في الاستعلامات)
• بعدها روح المطار ودور في السوق الحرة

في مجموعة مطاعم بعد في السوق الحرة
مطعم بيتزا ومطعم لبناني وهندي وماكدونالدز واعتقد كنتاكي
وخذ معاك اللابتوب لأن في انترنت وايرلس مجاني

مالك الا تتمشى في المطار او تقعد على النت واذا حبيت تريح عندك فندق المطار يأجر الغرف بالساعه
اما انك تطلع فمثل ماقال ذا ووتشر كل شي بيكون مسكر
وفيه مقاهي تفتح 24 ساعه بس ماعندي فكره عنها

ياهلا باحبابي
والل انكم ماقسرتوا رايتكم بيضة (ابيض ولا احمر )ههه
ولكم مني الف تحية من الدكتور توتو

نصيحه لا تطلع ..
بتلقى الدنيا برا نايمه .. اقعد في المطار اونس ..
بعدين مطار دبي مره ونيس انا اروح قبل طيارتي بثلاث ساعات علشان يمديني الف فيه ههه ..
موفق

السلام عليكم
السوق الحره في المطار مفتوحه 24 ساعه واذا تمشيت فيها بتاخذ ساعتين
ويوجد العديد من المطاعم منها ماكدونالدز ويوجد مطعم لبناني وغيرها الكثير
وايضا يوجد العديد من الكوفييات المنتشره في المطار مثل كوستا وستار بوكس
ويوجد فندق في المطار ويأجر بطريقة الساعات
كما يوجد ايضا في الفندق تسهيلات عديده:-
من مسبح
وصاله رياضيه
ويمكنك الإستمتاع بالإنترنت في المطار فهو مجاني
واذا كنت مسافرا على طيران الامارات في الدرجه الاولى او رجال الاعمال
فاقترح عليك الذهاب إلى الصالات المخصصه للدرجة الاولى ورجال الاعمال
اما اذا كنت على الدرجه السياحيه ولديك بطاقة سكاي واردز الفضيه او الذهبيه فأيضا يمكنك الدخول إلى الصالات مجانا
اما بالنسبه لدبي ليلا
اولا السينما آخر العروض تبدأ الساعه الثانيه عشر
واقترح عليك حجز التذاكر عبر الإنترنت وعند وصولك إلى دبي تتوجهه إلى السينما
وهذي مواقع السينمات اللي في الإمارات
http://www.cinestarcinemas.com
وتوجد ايضا بعض الكوفييات والمطاعم تعمل حتى ساعه متأخره من الليل وبعضها 24 ساعه
وهي موجوده على شارع الشيخ زايد في دبي

السلام عليكم
انا اعرف اني ثقلت عليكم بس سامحوني ابغى اعرف معلومات عن بطاقة سكاي واردز الفضيه او الذهبيه
وشكرا