1. هاذي صوره المكتب وما كان عليه زحمه ابدا

السلام عليكم ورحمه الله وبركاته
تقريري هالمره بسيط جدا وهو عن يوم واحد فقط بسريلانكا
كل مافي الأمر اني عزمت السفر لسنغافوره واتممت جميع الحجوزات وبما اني متواصل مع رياض صاحب مكتب سفاري لانكا
فاصر علي الا اني انزل يوم في ضيافته لاني رايح عبر الطيران السريلانكي الجميل
ومثل ما انتوا عارفين ان الطيران السريلانكي ينزل ترانزيت بكولومبو
فبعد اخذ وعطى بيني وبينه ما كان علي الا اني اوافق وذهبت لمكتب الطيران السريلانكي بالكويت لإطاله مده الترانزيت بكولومبو من ساعتين ونصف الى يوم كامل مع دفع رسوم تغيير الحجز طبعا
وتم تحديد موعد النزول بكولومبو بتاريخ 15/2/2012 الساعه العاشره صباحا
ووقت المغادره بتاريخ 16/2/2012 الساعه 1 ظهرا
ومن المعروف انه يجب دفع ضريبه على السواح في المطار ( كولومبو ) عند الدخول لسريلانكا لكنها غير مطلوبه من مسافرين الترانزيت حتى لو ارادوا الخروج من المطار
ورحت تأكدت من مكتب دفع ضريبه الدخول من هالأمر وقالولي ما تحتاج دفع شيء توكل على الله

هاذي صوره المكتب وما كان عليه زحمه ابدا

لكن الغريب بالأمر ان موظف الختومات يقولي لازم تدفع الضريبه لانك تبي تدخل للديره ومن هالكلام ، بس قمت اجادله واقوله ان المكتب بنفسه قالولي ما تحتاج تدفع ومن هالحجي واقتنع اخر شيء ( شكله ما مر عليه احد عنده ترانزيت ويبي يدخل خلال هالشهر ونص الي فاتوا )
ملاحظه :
الي عنده ترانزيت ويبي يطلع برا المطار يجب عليه :

• ان يكون لديه وقت كافي للخروج والرجوع كنصف يوم او يوم كامل
• تعبئه استماره الدخول وارفاقها مع الجواز
• كتابه اسم اي فندق في استماره الدخول حتى لو غير صحيح

والحمدلله تمت العمليه بنجاح وبعد استلام الشنط ذهبت لصاله الاستقبال وكنت مجهز الابتسامه عشان رياض يشوفها بس للأسف ما لقيته فطلعت خطي السريلانكي القديم وشغلته ودقيت عليه وقالي انه خلال 10 دقايق واصل
لا تظلمونه ادري فيكم ترا
لان طيراتنا كانت مبكره ربع ساعه تقريبا والحمدلله وصل الرجال واستقبلني استقبال جميل وانطلقنا للفندق وكانت الساعه 10 ونص صباحا
والصراحه ما كنت داري اي فندق رياض حاجز لكن الرجال الكريم طلع حاجزلي بفندق
club hotel dolphin بنقومبو
تصنيف الفندق هو 4 نجوم
يبعد عن المطار حوالي 20 كيلو متر ، 30 دقيقه بالسياره تقريبا
الفندق مطل على الشاطئ و كبير جدا حتى اني من كبره كنت اضيع فيه وافر على نفسي كذا مره
ولديكم خيارات في حجز الغرف العاديه او الشاليهات الصغيره المطله على الشاطئ
وكما يمتلك هذا الفندق على اكبر حمام سباحه في سريلانكا على الاطلاق
صوره الرسيبشن
صور للشاطئ وحمام السباحه
فيديو للفندق يبين فيه الغرف والشاليهات الصغيره المطله على الشاطئ
صور للغرفه
وبعد ما شفت هالسريرين وانا تعبان قلت لازم انام شويه لاني تعبان حيل
وقعدت قبل المغرب ولا يدق علي هالرجال الطيب رياض ويقول بعد شويه بمرك وخل نطلع نتعشى ونمشي شويه وطبعا انا طماع قلت افا عليك خلاص ههه
صور من المطعم الي تعشينا فيه وهو مطعم مأكولات بحريه
صور العشاء ومبين اني حاط جدامي 3 صحون
وانا ما اعرف ليش ما اعرف اصور الاكل الا بعد ما اكل سامحوني خ بس الحمدلله مو متين تراني
وبعد ما خلصنا من العشاء رحنا تمشينا شويه على الشاطئ وهو قريب من المطعم وبعدها رديت للفندق عشان اريح لان طيارتي ثاني يوم
وهاذي صوره من فطور صباح اليوم التالي
شرايكم سويت رجيم بعد عشاء امس ههه
والبوفيه ما شاء الله كان كبير والاصناف متنوعه طب وتخير
وبعد هالفطور حان وقت الرحيل
واصريت على رياض اني اخذ صوره حقه عشان احطها هني وكل الناس تعرفه
وللأمانه رجل بقمه الاخلاق والتدين وخدوم جدا ويلبي جميع طلبات عملائه بكل رحابه صدر حتى انه بالرغم من حجزه للفندق على حسابه الخاص لكنه اصر علي اذا لم تعجبني الغرفه اني اتصل عليه واقوله عشان يغيرها
ولا نزكي على الله احد
صور رياض أحمد صاحب مكتب سفاري لانكا
حتى من قفاه صورته لكم عشان تعرفونه 100%
والرجل يتوعد بكل صدق انه يوفر جميع التسهيلات لرواد المنتدى المسافرون العرب
ولمن اراد التواصل معه عبر الايميل
[email protected]
هاتف : 0094776326352
وبالاخير لا يسعني الا ان اشكر رياض على هذه الاستضافه وتكفله بجميع المصاريف
thank you Riyaz very much and you were very kind
كما اتمنى ان يكون هذا التقرير البسيط جدا ان ينال على استحسانكم ورضاكم
وكما اتمنى ايضا ان اراكم بتقارير كثيره قادمه باذن الله