1. كانت سيارته قديمه جدا (مقربعه) والباب اللي على اليمين ما يفتح

هذي اول مشاركه لي..وقد ابدو جديده هنا لكنني اختبئ خلف شاشة هذا الموقع منذ زمن..فأنا أعشق هذا المكان!
حبيت ان اول مشاركه لي تكون الطف وارق من هذه القصه لكن...
>>اليكم قصتي في البونشاك
قررنا انا وعائلتي الذهاب الى البونشاك واتصلنا بالسائق علي واللي اخذت رقمه من الموقع هنا ورقمه هو 00628129031692
وذكر انه مشغول لكن ممكن يدلنا على صديقه وهو مراد ورقمه 08128815584
كلمنا مراد وكان الاتفاق ان يأخذنا من الاوتيل في جاكرتا الساعه 8 ص وننام في بونشاك ليله ونحضر الصباح..ووافق
حضر اليوم المتفق عليه ولم يحضر السائق الا بعد ساعه او اكثر تأخير واعتذر ان الطريق زحمه

كانت سيارته قديمه جدا (مقربعه) والباب اللي على اليمين ما يفتح

ذهبنا الى البونشاك وعندما وصلنا اقترح السائق ان نشاهد فيلا يعرفها..ذهبنا اليها وكانت قديمه وتضيق الصدر..تكلم معاهم وقالوا مافيه شي متوفر..قلت في نفسي احسن..ذهب الى فيلا ثانيه ..قلنا له يا مراد ليش ما تروح لمكتب سياحي احسن علشان ما عندنا وقت نضيعه في اللف على الفلل لكن رفض..قال (هذا فيلا قريب)..كان اصراره غريب..نزلنا وشفنا الفيلا وكانت قديمه وريحتها دخان وتسد النفس..قلنا لا..خلاص لو سمحت ودينا عالمكتب السياحي..طنشنا وراح على فيلا ثانيه..قلنا لا شكرا قال هذا خلاص موجود مايبي؟..اصرينا نروح المكتب قال طيب بعدين ودانا الى فيلا ثانيه وقال هذا مكتب (شوفوا الوقاحه وكيف يستهزئ بعقولنا) قلنا خلاص لو سمحت ودينا عالمكتب وحسينا انه زعل وصار يسوق السياره بشكل مقرف..رحنا لكاها وقالوا ما نعمل حجوزات في البونشاك!!..قلنا خلاص نروح نتمشى واذا خلصنا نروح لاي اوتيل اوحتى نرجع لجاكرتا بالليل
طلبنا منه يروح للشلالات او اذا فيه مويه حاره..طنشنا وراح لحديقة الزهور..قلنا يلله مو مشكله ونزلنا شوي بعدين راح لحديقة سفاري..وكان في سباق مع الزمن يعني لفينا الحديقة يمكن في 10-15 دقيقه مع اننا طلبنا منه التوقف كم مره للتمكن من رؤية الحيوانات لكن بدون فايده..بس لما عصبنا عليه مره وقف بالغصب..بعدها طلعنا وانا مقهوره كنت ناويه نصور مع الحيوانات
قال يلله خلاص نروح لجاكرتا..لاحظوا كل شي يقرره هو من نفسه!! كانت الساعه 2 الظهر قلنا روح بحيرة الليدو..قال لا لا لا..طيب الشلالات..لا خلاص خلاص كلو سكر..طيب روح للمطعم السعودي كمننا
تشاورنا وقلنا شكله مارح يمشينا.. لازم نكلمه ونقول اذا انت بتروح لجاكرتا تاخذ نصف المتفق عليه وذلك لتخويفه فقط حتى يتعدل شوي لأنه كان منكد علينا.وفعلا طلعنا وقلنا له هالكلام زعل وقال بوديكم للبقاله السعوديه وانزلوا عندها!! فعلا ودانا هناك بس ما رضينا ننزل..كلمنا سواق ثاني وجا بس هذا خرب علينا وخاف السواق وقال اسف ما اقدر اوديكم وهرب..بعدين تجمعوا حول السياره حوالي 20 اندونيسي وكل شوي يخبط شباك السياره واحد ويقول ايش فيه؟ وبعدين حاولنا ايجاد رقم الشرطه وبعد 7 ساعات من الانتظار جت الشرطه وكانت زي قلتها لان الوضع متحكم فيه جماعة النذل هذا..في الاخير قرر الوالد يعطيه فلوسه على رغم معارضتي انا والوالده..بس قلنا اجل لازم نلاقي سواق ثاني قبل ماتروح الشرطه..حاولنا نكلم كل الارقام اللي كانت معنا وسبحان الله كيف اتفقوا على عدم مساعدتنا ..حتى الشارع اللي كنا فيه كلهم رفضوا يدلونا على اي شي ..هنا انا اتعجب كيف الاندونيسي يوقف مع الاندونيسي بشكل عجيب حتى لو كان على خطأ
في الاخير اعطاه الوالد فلوسه وبصراحه الوالد كان في قمه الذوق معاه وانا انقهرت لانه نكد علينا من اول ما جينا واستغلنا وفي الاخر نعطيه فلوس..ولاني انقهرت قلت بالعربي وبصوت عالي (هذا حيوان)..لكن للاسف كانت حركه طائشه مني (ولو انها بردت قلبي) وهذي الحركه اثارت الاندونيسيين الملتمين وكذلك حضر زياده ناس والشرطه هربت وصرخ الشرطي شيئ حسبت انه (اضربوهم)..وتلفظوا علينا بأخس الالفاظ وناداني احدهم بلقب سيئ(يقال للبنت البطالة) ومر بجانبي وبصق..يعني حسينا بكل انواع الاهانه وتوقعت انهم راح يضربونا او يأذوننا..
السائق هرب بعد ان اخذ فلوسه الله لا يهنيه فيهم..وضلت الجماعه هذي موجوده حولنا تسب وتلعن..واعجب من هذه البقعه من اندونيسيا حيث لا يوجد اي تاكسي ووقعنا في هذا المأزق حتى قرر والدي بأن نمشي ونحن نحمل حقائبنا الثقيله ونبعد عنهم وكان جزء منهم يلحقنا حتى يأسوا وتركونا ثم اتصلنا بسائق حضر بعد ان اغريناه بالفلوس واوصلنا الى جاكرتا..بس الحقيقه كان سائق جيد واسمه توفيق..
اود الاشاره الى اننا سافرنا الى مدن كثيره في اندونيسيا مثل جوقجا, باندونق, بالي, وجاكرتا والتي كانت اكثر من رائعه ولا امانع ان اعود اليها من جديد وتعامل الناس فيها كان راقي ونظيف لكن الحقيقه لا استطيع ان اوصف الاستغلال وقذارة التعامل في البونشاك..حتى الخدمات متخلفه وحسيت ان المكان مليان عصابات وناس مريبه واتمنى انني ما زرت هذا المكان..واتمنى اكثر لو ان هذا السائق عوقب بأي شكل من الاشكال وحسبي الله عليه.
وسلامتكم