mosafira jadida
20-10-2022 - 02:22 am
السلام عليكم
حابة أضيف تجربتي ولو كانت قصيرة :
الأسبوع اللي فات رحنا الخبر يومين
زي ما تعرفون الشرقية في هالوقت يصير جوها مررة حلو
وصلنا الأربعاء العشاء
سكنا في المريدين ومن توفيق الله أنهم أعطونا ترفيع للغرف
مع فطور و شاي المساء مجانا
بسبب لخبطة حصلت في الحجز
موقع الفندق رائع خصوصا إذا طلبتوا تكون غرفكم مطلة اطلالة مباشرة
على البحر وفي دور عالي
أثاث الفندق قديم لكن مو باين
بوفيه الفطور صغير مرة , يمكن علشان الوقت ماكان موسم ! ما أدري
البوفيه ما أعجبني
الخدمة حلوة وسريعة
أعطي الفندق 8 من 10
أول ليلة تعشينا في مطعم إيطالي (الجندولا)
روعة
المطعم هذا ما شفت له أي ذكر في المنتدى
لكنه يستحق الزيارة بجدارة
المطعم في منطقة الكورنيش خلف المحلات التجارية , تخلي السيفواي على اليمين
و بعده تدخل ثاني شارع يمين , يجي المطعم على اليسار
الصباح رحنا شاطيء نصف القمر والأولاد لعبوا بالدبابات
وانبسطوا مرة لأن المكان مفتوح غير محدود بمضمار صغير مثل دبابات الثمامة
غير أن الجو منعش
بعد الدبابات كملنا الطريق قلنا نستكشف الجديد من الشاليهات
لأننا في الصيف نروح شاليهات الهوليدي إن وملينا منها
لقينا شاليهات تحت الإنشاء أسمها (توليب إن)
أتوقع بتكون حلوة
مكانها آخر طريق الشاليهات
دخلنا الجمعة مول وهو قدام المريدين , المول ماعجبني
الغدا في تشيليز على الكورنيش وهو معروف مايحتاج
فيه هناك على الكورنيش مطعم كوبر شندني لكن كان مافتح
يمكن فتح الحين
رحنا الظهران مول
المول حلو بس أسواق الرياض أحلى, غير الزحمة
ودي أوصف الطريق بس حوسة شوي
لو ممكن أحد من أهل المنطقه يوصف الطريق مشكور
يوم الجمعة
الصباح تمشينا على الشاطيء الرائع القريب جدا من الفندق والجو كان خيال
نوينا نتغدا في المطعم الهندي مهراجا التابع لفندق الموفنبيك ,
الأعضاء هنا يقولون أنه حلو
لكن ماكتب الله
فاتغدينا في ملكة الهند
المطعم أكله أوكي , و فيه جلسات مغلقة كثير
كنت متخوفة من المطعم لكن الحمد لله صار أوكي
المطعم تجي له من الخبر تقاطع الملك عبدالعزيز مع الأمير فيصل بن فهد
وتلف يمين يوتيرن من أول كبري وتمشي شوي تلقاه على اليمين
أخيرا
أتمنى أحد يلقى في موضوعي البسيط شي يفيده
وشكرا لكل مشرفي و أعضاء المنتدى
اللي مايقصرون في المساعدة .
اهم شيء انكم انبسطتو