1. اولا .. الحمدلله على سلامة وصولي لأرض المغرب نصف سالما غير غانما

اولا .. الحمدلله على سلامة وصولي لأرض المغرب نصف سالما غير غانما

ثانيا .. كل واحد يحب يقرأ التقرير يحضر مع كميه من النقط :biggrin: علشان يحطها على حرف الدال لأني لم اجد الحرف اللي بعده وكسلان اسأل مول السيبر وإدا بيدير شي اكراميه لصاحب التقرير من خاطره ماكاين شي مشكل .. را صاحبكم محتاج كل سنتيم
احدثكم الان من الدار البيضاء ’’ المدينه التي تدخلها الملائكه ’’ من شي سيبر وسط المدينه قرب فندق اجياد
اتجهت مساء يوم الاربعاء 18 اكتوبر الى مطار الملك عبدالعزيز الدولي مع صاحبي وقال خليني ادخل معاك قلت له لا مافيه داعي .. روح .. وياليتني ماقلت له روح
دخلت المطار .. شكيت للحظه اني في الحرم المكي اعز الله الحرم .. كان الوضع مأساوي لابعد حد يتخيله انسان حيث لايوجد مكان للمشي والصفوف تصل الى البوابات .. كانت معي عدد شنطتين ثقيله ولا عربيات ولا عمال ... ولاموظفين يكفون لهدا العدد .. بعد طول عناء لقطت عربيه من احد العمال عنوه :112: .. وحملت حقائبي وادا انا في طابور من البشر عند مكان وزن العفش .. رأيت احد موظفي الخطوط يمشي هاربا من كثر أسئلة المسافرين .. وطمرت وراه وقلت له دبرني .. بحلق وحملق في التدكره قال .. وين ادبرك ؟؟ رحلتك في الصاله الشماليه .. قلت رحلتي على الخطوط السعوديه .. قال هناك اتفاقيه مع المغربيه .. قلت ماشاء الله .. تتفقون مع بعضكم واحنا اخر من يعلم .. قال الحق الرحله ادا بتسافر قلت اكيد بالحق الرحله ومن امن العقوبه اساء الادب :112:
من حسن حظي ان الساعه مازالت 12 وباقي 3 ساعات على رحلتي .. وطيران على الشماليه مع ليموزين .. نزلني وقلت له خلي عفشي معاك وانا بادخل اسأل وارجع .. لمن وصلت عند المدخل لقيت العالم مقفله الباب .. والطابور الى الشارع .. قلت: اهلا وسهلا .. لا والله الا سافرنا .. تسللت بين الحقائب والكراتين ودخلت ودهبت لمكتب المغربيه .. قالوا : ماعندك حجز قلت ليش ؟ قالوا : تدكرتك مفتوحه .. اعطيته رقم الحجز وشيك على الجهاز ولقي اسمي .. اعطيته نظره حاره وفي داخلي كميه فرح
نزلت اخدت الشنط وصفيت في الطابور السلحفائي الحلزوني :bounce8: .. طبعا مو صف واحد ممكن زياده عن سبعه صفوف ولمن يصلون الباب يتضاربون على من يدخل اولا :120: لأن الباب لايتسع الا لعربيتين عفش .. المهم حسيت اني لو كملت في هدا الطابور باوصل للكاونتر بكره بعد العصر بشويه .. رحت باب الخروج ودخلوني الأمن بعد ماشرحت لهم الهرجه .. وماقصروا الاخوان اللي في الجوزات وموظفي الخطوط دخلوني وماتأخرت كثير .. ولمن وزن الشنط قال عندك زياده في الوزن لازم تخلص 520 ريال .. مني ومنه اعطيته 120 ريال اللي في جيبي ومشي الحال ..
دخلت في صالة الانتظار الساعه الثانيه .. وماجات الطايره الا الساعه اربعه ونص :112: .. ركبنا الطايره واقلعت مع الخمسه وشوي .. وحسيت كأني داخل مستشفى الحمدلله على الصحه :11sted_co.. كلهم مزكمين الله يشفيهم وكلهم يكحون .. وايقنت ان الزكام حاصل حاصل :sad1: .. وصلنا ولله الحمد مطار محمد الخامس الساعه تسعه ونص بتوقيت المغرب
وغدا لنا موعد مع يوميات جديده
تحياتي للجميع