ابولتين
23-11-2022 - 07:44 pm
السلام عليكم ورحمة الله وبركاتةاسعدالله جميع اوقاتكم بكل خير
اذا تكرمتو علي يا اصحاب الخبرة في ترتيب رحلتي لباريس
انا بكون باريس من تاريخ 17 نوفمبر الى 22 نوفمبر
بيكون معاي سيارة
احنا شخصين شباب بنجلس الفترة ذي باريس وأن شاء الله راح نغادر بتاريخ 22 نوفمبر لستراسبورغ
ماقصرو الاخوان في بوابة سويسرا
بس حبيت ترتبون لي خط سير للأماكن السياحية بعدد الايام وقربها من بعض وذا فية احداثيات للاماكن السياحية يكون افضل بكثير بنسبة لي لانها الزيارة الاولى وما اعرف شي
مع الاعلم انو مكان الاقامة قريب من الشانزلزية
واذا فية ملاحظات اتمنى تنبهوني عليها
والف شكرا مقدما
ودمتم..
مع ان باريس لاتحتاج فيها لسياره ابدا
#الشانزلزيه بمافيه قوس النصر وصولا للمسله المصريه تقدرون تمشون لها لان التمشي في الشانز متعه
#ولما تزور الحي اللاتيني تقدر تطلع منه مشي مرورا بجسر الاقفال لحد ماتوصل كنيسة النوتردام والمنطقه المحيطه بها
#برج ايفل والمنطقه اللي حوله جدا جميله وتطلع من البرج وتاخد جوله بالقارب في النهر وافضل النهار عشان تستمتع بالمناظر
# متحف اللوفر رائع ويبي له وقت لانه كبير
#هضبة المونامرت ممكن تروح لها بالسياره وتطلع لقمتها وتشوف باريس من الاعلى وتركب القطار اللي يلف فيك المنطقه او حتى تتمشى بروحك وتستكشف
#قصر فرساي تروح له بالسياره وتدخل القصر وتتمشى في الحدائق التابعه له
#متحف الشمع جميل ممكن تزوره لو معاكم وقت
#منطقة اللاديفانس او باريس الحديثه مره رايقه وفيها مول الفصول الاربعه وفيه مطاعم كثيره
#ديزني لاند تروح لها بالسياره ان حبيت وتقضي فيها يوم كامل
# تحبون الغابات زوروا غابة بولونيا مافيها شي يشد بس حلوه هدوء واسترخاء
اتمنى افدتك وان شاء الله يزيدون باقي الاعضاء من خبراتهم