السلام عليكم و رحمة الله وبركاته
كيفكم اخواني ان شاء الله بخير
عندي مشكله في استخراج الشنغن من المكاتب السياحيه و مكتب اعتماد الخاص بالتأشيرات بالرياض
تعريف بالراتب ؟
انا موب ع رأس عمل و ساكن بالشرقيه و طلبو مني تعريف بالراتب و توهقت قسم بالله ما دريت وش اسوي
يعني انا طالب جامعي متخرج و للحين عاطل و قلت ابي اسافر الصيفيه ذي المشكلة بالتعريف ما قدرت اسوي شيء , الحمد لله الميزانيه تمام و عندي حق السفره و زود لكن شرط السفاره و هو التعريف الخاص بالعمل
قلت في نفسي ما في ألا حل واحد اني اشتغل شهر واحد مؤقت و اطلع لهم تعريف بالراتب و بعدها اضبط اموري بس وش رايكم بهالطريقه و هل السفاره يقبلون التعريف من شخص جديد بالعمل يعني له شهر بس ع رأس العمل ؟؟
تكفون الفزعه قسم بالله تعكر مزاجي
أي احد عنده حل لمشكلتي يسدح الحل الله لا يهينه
ربي يوفقكم