السلام عليكم ...
تروح وترجع بالسلامه ....
اول شي التذاكر ..
الاردنيه بس السعر شوي غالي انت ماخذه من المكتب ؟ اعتقد تلقي ارخص ...
حاول ما يكون فيه انتظار في عمان لا الفندق المطار سي جدا ..
التوزيع
3 ليالي فينا .. الفندق تقريبا في السنتر وسعره مناسب
ليلتان سالزبيرغ
6 ليالي زلامسي وما حولها .. في فنادق عن البحيره ارخص منه ... ولا من ناحيه الموقع انا ارتح له
ليلتان ميونخ ..

ali23
توزيعك جيد جداً ولكن انصحك بتغيير فندق لاتيني الا اذا كان معاك سيارة وفيه فنادق ارخص وفي الستي سنتر , ولكنها 3 نجوم مثل فندق ماكس (يعني ما تلقاها عند المكتب )
والخبير ابو مشاري له موضوع عن فندق ماكس بامكانك تبحث عنه
تتصل عليهم وتحجزه عن طريق التلفون تعطيهم رقم الفيزا ويحجونه لك

والله مشكله اذا الخطوط الاردنيه ب3500 اجل السعوديه بكم؟؟؟!!!!!!!!
حجزت بس نسيت اسأل!!!!!!!!!!!!!!!!!!

ali23
بصراحة انا اشوف ان التذاكر غالية وانا سويت لك برنامج ومن خلال برنامجي هذا اللى انا سويتلك تسافر الى ثلاث دول النمسا (فيينا -- زلامسي ) المانيا ( موينيخ) سويسرا ( انتر لاكن - جنيف )
برنامجي هو
1_ تخلون محطة وصولكم فيينا والعودة من جنيف وانصحك بي طيران الاتحاد انا مجربها العام الماضي الانترنت لاسلكي واير لس با الطيارة اعتقد انها ميزة حلوة جدا واخذت قيمة التذكرة منهم 2800 ريال
2_فيينا تجلسون فيها 3 ايام وهذا حدها وافضل الفنادق فيها ماريوت او فندق الانتركنتنال قر يب جدا من السنتر واهم المواقع السياحية قصر شامبرون ومغارة هتلر والمول شمال فيينا تقريبا هذا الافضل في فيينا
3_وبعدها تطلعون على زلامسي على القطار تقريبا 3 ساعات ونص وتجلسون فيها 3 ايام وهذا حدها لانها مدينة صغيرة جدا تتمشون فيها على رجولكم
4_ بعدها تطلعون من زلامسي الى ميونيخ بالقطار المسافة بينهم تقريبا ساعة ونص بالقطار وتجلسون فيها 3 ايام و انا اشوف فندق الهوليدي ان سنتر مناسب لكم وعلى فكرة في ميونيخ ثلاث فنادق لي الهوليدي ان وافضل موقع فيهم الهوليدي ان سنتر وهو قريب من المارينا بلاتز والاسواق وهذا معروف بي تجمع الخليجيين فية
5_ من ميونيخ تطلعون الى مدينة انترلاكن بسويسرا وتجلسون فيها 3 ايام وتعتبر احلى مكان شفته بحياتي من حيث طبيعة خلابة وبحيرات في انتر لاكن اعلى قمة بي جبال الالب قمة جينيفيرو اعلى قمة في قارة اوربا و فيها وهدوء والجو حلو جدا والمسافة بين ميونيخ وانتر لاكن تقريبا من 5 الى 6 ساعات با القطار بدون كلل او ملل اذا على يمينك بحيرات وطبيعة اللة وناسة واهم الفنادق في انتر لاكن هي جورج رويال وانا انصحك با السكن فية وفندق فكتوريا غالي جدا وفندق مترويبيل وفندق انترلاكن لكن بلد جميل جدا ورايح تدعون لي اذا زرتوها
6_ من انترلاكن تطلعون الى جنيف وتجلسون فيها3 ايام وعندك فنادق كثيرة جدا بجنيف منها الفور سيزن ومنها الوار ويك ومنها الهيلتون كثيرة جدا من الفنادق وجنيف ما فيها الا البحيرة والاسواق تقريبا
وانا حذفت سايلزبورج وانسبورك وعوضة عنها انتر لاكن وجنيف لان اشوف انك تروح ثلاث دول مرة بسفرة وحدة افضل خاصة انها قريبة من بعض وان شاء اللة بتدعيلي
واعتقد ان التكلفة هذا البرنامج رايح يكون مقارب لي السعر اللى انت ذكرتة هذا وهومجرد اقتراح ورائي ولك الاختيار واتمنالكم رحلة سعيدة