شكله تقرير يشوق بانتظار الصور اخوي فهد الاحمد

رحلتنا كانت مكونة من الوالد والوالدة والإخوان والخوات والنسايب وانا والمدام
وطبعا أحمداني (على راس القائمة) هاهاها
وهذه الصور
صورة الأغراض بالسيارة تشوفون مضارب التنس (تراني فنان بس بالريشة مو بالكرة)

صور للطريق الموصل للوفرة

واحد يلعب بالبقي
إشرايكم صدته بالكاميرا وهو يويل هاها ( قاعد أصور وانا أسوق )

وهذه دخلتنا للوفرة

خرفان يرعون بالطريق العام هاهاها

بداية الدخول

مواقف السيارات

المدخل

وهذه صورة لخيام التأجير

خيمتنا

من الداخل

وهذه النافورة

وهذا أحمداني مو عاجبه الوضع الشمس على عينه (أحسه يقول يلا يبا صورني أذتني الشمس هاهاها)

وبعد ما وصلنا طبعا اليهال راحوا يلعبون وإحنا نطقطق بين كرة وتنس وأونو (نصبر نفسنا على ما الغدا يجهز (برياني لحم) والجو حلو يمكن الواحد ياكل ثلاثة صحون
بعدها تمشينا لي سوق الوفرة نشوف إشعندهم ما عندهم (ابي فراولة)
ونركب أحمداني الحصان (كان مكيف حده)
سوق الوفرة

الشبرة

أحمداني إلا يطق الجي جي بالكييا

بغيت اشتريلي بط (بس وصاختهم وصاخة ) هونت

وهذا انا مع البطل

رجعنا بعدها للخيمة وبعدها عزمنا على البقيات هذه بروحها قصة لكن الملخص المدام حدها كانت خايفة
وانا ادوس بأقصى سرعة خافت ونزلت هاهاها

وبالليل طبعا ما في أحلى من الالعاب النارية (إخواني الصغار سووا عاصفة الصحراء بالوفرة)

بعدها حاشنا اليوع وطحناله همبورغر مشوي الوالدة تكفلت بالشوي وإحنا علينا الاكل

وبعدها ، وبعد ما قضينا وقت ممتع أزِفت الساعة (هذه حلوة)
وحركنا عائدين إلى ديار مشرف هاهاها
وهذه اللوحة بعد المغادرة (مكتوب عليها اهلا وسهلا مع إن المفروض صحبتكم السلامة أو مع السلامة أو حتى فمالله مو اهلا وسهلا)

جربوا روحة الوفرة بعطلة العيد الوطني وأكيد الكل راح يرجع مستانس
منتظرين تعليقاتكم

يعطيك العافية على التقرير الممتع اللي ذكرني بالديرة و الكويت شي فيها المزارع و البر هذا بالنسبة للسياحة الداخلية
بس بيني و بينك افضل ان تكون المزرعة خاصة لكي تاخذ العائلة او العوائل خصوصيتها و راحتها و كذلك احلى شي عند الشباب هو المبيت و مو قاعد اشوف خدمة مبيت اذا الساعة 10 يعني الشاليه يخمسين دينار و بدون مبيت..
ممكن معلومات اكثر عن نوعية الشاليهان في اصايل يعني كم غرفة و هل يوجد مطبخ و خلافه..
بس ليش ما شويتو ترى حلاته الشوي بالكشتات

افا بو احمد تي الوفره وماتمر علينا انا مخيم هناك من مده وكل يوم خميس اروح السوق اتسوق فواكه وخضره ولحم ودياي وبط بس هذي اشتريها من مزارع خاصه افضل وطازج وارخص بعد وفي حمام لاحم لايطوفك هناك
المهم المخيم على طريق المزاره الجديد اذا لك نيه تعال شرفنا والله يخلي لك احمداني ويخلي لك الوالد والوالده ويطول في عمرهم

Almoravid
الله يسلمك أخوي ناصر وإنشالله نزوركم ونذوق الحمام والبط

ما شاء الله أخوي فهد الأحمد على هذه رحلة الممتعة والأسلوب الممتع .
أخوي أبو أحمد أشوفك راكب الخيل وقلت يمكن أبو أحمد يقصد نفسه البطل أتاريك تقصد أحمد البطل ملّحه شوي قل أبو كان بطل سابق في ميادين النزال لاحظ ركوبك الخيل تنم عن فارس مغوار مجندل الفرسان في الليل والنهار .
الله يخلي لك أحمداني البطل وجعل أيامكم كلّها سعادة .
مع خالص التحية والتقدير ،،،
أخوك المحب : ناظم

ناصر كويتي
أبو باسل مساء الخير .
أنا سبق وأكلت من الحمام اللاحم في مزرعة أحد أنسابي وكان يربيها بنفسه في المزرعة تبغى الصراحة طعم خيالي ما أدري عشان الحمام ولا الطباخ شغله زين ياليت تجينا في الرياض ونعزمك يوم في هالمرزعة ونذوقك الحمام اللاحم وإذا كان الحمام إلي عندكم أحسن أبشر من يصبح نسيبي تعليق ويمسيه تعليق .
مع خالص التحية والتقدير ،،،
أخوك المحب : ناظم

ناظم
تسلم أخوي ناظم على المرور بس خليتني اصدق إني فارس وين سيفي وينه هاها

الله يعطيك العافيه ويخليك احمداني
ويبلغك فيه ان شاء الله باعلى المراتب
مواضيعك ترفع الراس وتفرح القلب لما نشوف صور عن ديرتنا في النت