أخ السويدي أعتقد أن الماريوت أقرب لشارع المشاة تقريباً 5دقايق مشي وعلى فكرة موقع الفندق ممتاز لأنه يطل على حديقة ستادت بارك و هذي قبل المغرب تشوف الخليجيين العوايل متجمعين فيها ( القهوة والشاي ) وكأنك في حديقة البدع وعلى يسار الفندق مطعم اللورد العربي وخلفك مطعم الشورما التركي (يسمون الشورما كباب ) ورحلة موفقة أن شاء الله

عن الساحة
اعتقد الماريوت بفرق بسيط

السلام عليكم
شكرا على تجاوبكم اخواني ,,
بس استفساري شوه الفرق بين كل من (( شارع الكارتنر -- شارع الماريا هلفر -- ساحة ستيفنز ))
اي واحد منهم هو شارع المشاه بالضبط ,, او اي واحد منهم الي فيه الاسواق والكافيهات والسناتر الخ ...
وانا ان شاء الله ناوي اقعد مدة 5 ايام عند الوصول ومحتار اي فندق بختار وبرجع مره ثانيه فيينا عند العوده وبقعد ليلتين ,, بس حاب اغير الفندق عند الرجعه ,, ممكن تساعدوني في الاختيار ,,
انا احب يكون الفندق وسط السنتر ,, يعني كل شي قريب من الفندق (( طرار ويشرط ))
اسف على الاسئله الكثيره ,,
انتظر رد الجميع ,,

شارع الكارتنر هو شارع المشاة وساحة أستيفنز موجودة في شارع المشاة (الكارتنر) , أما شارع مارياهلفر فهذا شارع تجاري مختلف عنهم (بس قريب منهم) محطتين بالأندرقراوند وتوصله , اخ خالد ليش ماتجرب هيلتون فينا (غرفةديلوكس) هذا فندق قريب من المحطة الرئيسية وجنبك كل شي تقريباً (اسوي له دعايه لأن باريس هيلتون في السجن ) , ولك الخيار .

مشكورين اخواني على الرد
بس محتار اكثر الحين كل شخص يقولي انه الفدق هذا اقرب ,, يعني هني تقولون الماريوت اقرب ,, وفي موضوع ثاني يقولون المريديان
ماعرفت الحين منوه منهم اقرب ؟؟

خالد انت سالت والشباب ماقصروا والاخ عيد ماشاء الله عليه عطاك بالتفصيل...الماريوت اقرب تبيني احلف لك حلفت...المريديان فيها قطع شارع والماريوت قريب بالمره ...وانصحك بالماريوت...وتري المساله وانا اخوك تساهيل كلها خمسه ايام ولا عشره مافرقت المهم تمتع بالطبيعه.ووسع صدرك ...
انا كنت ساكن علي شارع الماريا هلفرز وكنت اجي للكاتنر ستراشا يوميا علي رجولي ولا احلي..اجازه سعيده

الفيحاوي بيض الله وجهك (ولايهونون الأخوان) , أخ خالد عليك بالأندرقراوند هذا أهم شي , أذا عرفت كيف تعامل معاه أنحلت مشكلة المواصلت والقرب أو البُعد , ممكن في يوم واحد تلف فينا كلها , الصبح في المجمعات التجارية والعصر في قصر الشانبرون والمغرب في شارع المشاة وفي المساء تلعب في حديقة البراتا(حديقة الألعاب) و أدعيلي أن الله يوفقني وأزور فينا للمرة الخامسة

عيد يارب تزور فينا مرات ومرات وانت بصحه وعافيه ونشاط ..بس المره الجايه خذني معك شكلك محترف ولا ترضي بانصاف الحلول... بس تراك نسيت تقوله وهو راجع من البراتا يمر علي محل الايسكريم يشوف الايسكريم اللي علي اصوله...( يشبه الايسكريم اللي ينباع عندنا بالسيارات ) ....!!!!

أأأأأأأأأأأأه يالفيحاوي , أخنقتني العبرة , أه على عربة الأيسكريم الموجودة في ساحة أستيفن (شارع المشاة أو الكارتنر ياخالد) , وأتشرف بوجودك معي يالفيحاوي .