ابو بجاد
06-11-2022 - 05:11 am
السلام عليكم و رحمة الله و بركاته
كل عام و أنتم بخير
يالغالين أنا بسافر لقطر بثاني العيد مع صديقي و حاب اسأل كم سؤال عشان ما نتوهق هناك مثل السفره
اللي راحت :
الأسواق و المطاعم و الفنادق الحمدلله ندلها , لكن مشكلتنا تبدا من الساعه 11 بالليل ما ندري وين نروح
فياليت تدلوني على الأماكن الحلوه للقعده ( شاطئ محترم , منتجع , حديقة .. إلخ ) المهم تكون
تونّس ..
الشي الثاني حاب اسأل عن أماكن التطعيس عندكم وين تكون ؟
أتمنى أحصل أجوبة على استفساراتي
لأن سفرتنا اللي راحت بصراحه مهزله , ما ندري وين نروح ! مسكنا واحد و سألناه عن الأماكن الحلوه و قال :
روحو لأم معيزر !
رحنا ندوّر أم معيزر و ما لقيناها و بالأخير اكتشفنا انها ( معيذر ) و بعد ما قطعنالها مشوار لقيناها فاضيه
ما فيها أحد ما غير حنا ندور بشوارعها بروحنا تقول جنون في هالليل .. و غيرها كثير بس مابي أطول عليكم ..
الاماكن اللي تفتح الين نص الليل فالدوحه مب وايد هي بس المطاعم والقهاوي وعندكم الكورنيش و سوق واقف
واماكن الطعوس فسيلين
تحياتي