وعليكم السلام ورحمة الله وبركاته ..
اخوي ممكن تستاجر سيارة من أحد العمانيين في صلالة .. وذلك بالتنسيق مع العمارة اللي انت ساكن فيها..
يعني فيه ناس يحطون أرقامهم عند أهل العماير ويعرضون سياراتهم للإيجار ..
سبق أخذت لي جيب في اكس آر بحدود 200 ريال سعودي بالتنسيق مع صاحب العمارة

و انت نازل من الطياره في الصاله تحصلهم على اليمين
و في وسط البلد تحصل بعض الشركات
ولكن ممكن تشوف الاسعار على الانترنت مباشره على موقع كل شركه
و انا جربت شركة ثرفتي هناك و كان اسعارها ممتازه و التأمين شامل و كان هناك شخص عماني في الشركه و نعم فيه اسمه ياسر و هذا رقمه
6او
9و بالتوفيق

يا أخوان انتم متأكدين من الأسعار اللي تكتبونها...
انا اتصلت على بدجت وعلى يوروكار وقالوا الكامري 26 ريال والباسات 23 ريال ... ولا مأجر فياقرا بالسعودية...

أبوفهد
هذا ممتاز .. بس لو سويت فيها حادث هل بيكون الوضع مثل الشركات .. يعني اذا السيارة مو مأمن عليها بيصير لك مشكلة مع راعي السيارة...

انا ما افضل الطريقة اللي قالوا عنها الشباب ..
لانك ماتدري وشراح يصير لك ..
احسن شي ... اذا وصلت المطار ..
تحصلهم على يمينك ... مر عليهم كلهم .. وشوف ارحص واحد .. وخذ من عنده
بالنسبة لي ... انا كنت اسوي هالشكل ..
لين اخر شي استقريت على شركة وحده .. اصبحت دائما اتعامل معهم ...
ارسل لهم فاكس .. ولما اوصل احصل السيارة جاهزة ...
ب 12 ريال عماني .. والسيارة هي شيفروليه .. ايفيو ..
سيارة تؤدي الغرض .... ومب لازم سيارة كبيرة ..
الا اذا كنتوا مجموعة ...

اسيرالدوحه
جزاك الله خير أفدني بإسمهم ورقم تلفونهم .. ورقم فاكسهم...

اسم الشركة
Value Plus Rent A Car
رقمهم فالمطار 096824510292
رقم الفاكس فالمطار 096824510876
انت تطرش الفاكس قبل السفر بيومين او ثلاثة ..
عشان اذا وصلت هناك وماحصلت السيارة .. تقدر تحاججهم بانك مسوي حجز ..
بالطريقة هذي .. احتمال يعطونك السيارة الاعلى بسعر 12 ريال عماني ..
يعني تقريبا 120 ريال قطري او سعودي

الأرقام والشركة اللي ذكرها أخوي أسير الدوحة لشركة تأجير سيارات بمسقط وحتى أرقامهم من مسقط ممكن تأكد أخوي أسير الدوحة أنت تتكلم عن مسقط أو صلالة ؟

جزاكم الله خير جميعاً .. ذهبت الى صلالة واستأجرت سيارة من ثرفتي متسوبيشي لانسر بقيمة 13 ريال يوميا وكان تعامل الشباب جداً رائع ومتعاونين إلى ابعد حد .. الحقيقة شباب يشرف التعامل معه...