غاليتي انا قد زرت قطر قبل كذا
وكان الجو فيها خطير مره
وانبسطت
عندك الستي سنتر
واللاند مارك
هذول حلوين مره
وفي عندهم الصالون الازرق على ماظن حق ماركات
وعندهم مجمع اسمه الولو
بس ماعجبني
طبعا انا قاعد اقول الي اذكره
وبنات قطر مابيقصرون معاك
وواي استفسار عن السكن انا حاضره ..
تحياتي

مرحبا بج اختي الغاليه
وياهلا بج مليون نورتي يالغلا وتنورين الدوحه
عزيزتي على حسب اعتقادي انج من الامارات يعني مشاء الله ديرتكم مافي مثلها
لي زرتي قطر بتشوفين ان كل شئ under constraction يعني تحت الانشاء
ديرتنا ماقولج مافيها شئ بالعكس فيها اشياء كثيرة لكن توها بالبدايه ..
إذا حبيتي بعض الفنادق عندنا .. عندج مثلا ( الريتز كارلتون ، الفور سيزون ، فندق شيراتون الدوحه ، فندق مروب ، فندق الانتركونتننتال ، فندق موفنبيك ، فندق ريدجز ، فندق الماريوت )
بالنسبه للفنادق القريبه من مراكز التسوق ( فندق شيراتون الدوحه ، الفور سيزون ، فندق الموفنبيك )
هذول بشارع الكورنيش
وعندنا مطاعم وكافيهات حلوة ( البتيل كافيه ، الي فرانس كافيه ، هيديارد كافيه ، منت كافيه ، لونوتر كافيه ، ستاربكس كافيه ، كريب اوي ) وهذول كلهم يتواجدون بتقاطع رمادا
وعندنا مجمعات واسواق كال / الستي سنتر ، اللاند مارك ، الحياه بلازا ، الرويال بلازا ، سنتر بوينت ، المول، السنتر ، السلام بلازا ، والاسواق > سوق الديرة ، سوق العسيري ، سوق الجبر ، سوق الاحمد ، سوق واقف .
والسينمات تتواجد بالمجمعات التجارية كالمول واللاند مارك والستي سنتر .
هذا اللي اذكرة الحين واتمنى اني افدتج عزيزتي
لج مني ارق تحية
بنوتة

(( طيف الاحزان..))
===========
صباح الخير...
تسلم اخوي على مرورك..
ما قصرت يزاك الله الف خير كلك ذوق..
اوكي بخصوص السكن بغير اعرف اسعار الشيراتون للغرفه ولسويت؟؟
وبعد اسعار الريتز للغرفه وللسويت..؟
وبخصوص إيجار السياره؟؟ كم اسعارهم هناك؟؟
وهل اسعار المطار اغلى عن اسعار السوق؟؟
بلز رد علبه ضروري...؟
ربي يحفظك ..
ما قصرت..
ودمت..
"المهيريه.."

((بنت البوادي..))
==========
مسا النور..
وتسلمين فديتج على مرورج وردج..
تعبتج ويايه...
والدوحه منوره بأهلها فديتج والله
صح انا من الامارت..
ما قصرتي والله ...
ربي يحفظج ويطولي بعمرج..
لو بس اتدليني على اماكن العبي لقطريه ابغي ديزانات ما شي في الامارات...
واللبس بعد ابغي محلات بس في قطر ما شي في الامارات..
وفي ي عندكم مميز اقدر اشتريه للاهل والربع يوم ارد؟؟
ودمتي فديتج..
واسمحيلي..
"المهيريه.."

اختي المهيرية
بصراحة زين مااخترتي فقطر تغيرت فعلا ً والمنطقة التجارية اللي على البحر قمة في الجمال بس يبالها سنتين وسترين العجب في الدوحة .. والاغلى والاحلى والاعجب أهل قطر الكرماء الرائعين في فن التعامل
اسأل الله التوفيق لج في رحلتج ..
اخوك المحب