1. *بنسبه لسكن في الجبل "البونشاك":

وعليكم السلام والرحمه اخوي دربي صعب.
من اسمك تنفع تكون رئيس لرحله.......بس اهم شي انك ما تلتفت الى انتقادت اخويك في السفر...خلك عنيد ولا ترضخ ابد الى مطالبهم........ترى في الا اخير راح يلومنك اذا طلبتهم منهم فلوس اثناء السفر..
اولا: ياالغالي اجازتكم قصيره جدا......فاالله يعنيك على طول السفر .انصحك بزيادة ايام السفر الى 14 يوم او اكثر. ترى المشكله في الرجعه راح تتعلق مضبوط مع الذكريات والطبيعه.
ثانياك: 8 الف ممتازه جدا لهذه المده من غير تذاكر الطيران الداخلي .بس هذا لا يمنع انك تاخذ معاك فلوس زياده للااحتياط.

*بنسبه لسكن في الجبل "البونشاك":

انصحكم باالسكن في فيلا خاصه وابعدوا عن المجمعات لان فيها ازعاج كثير. ولا فيها خصوصيه ابد.بنسبه للفيلل الخاصه كثيره في الجبل بس بنسبه لعددكم كبير شوي بس ان شاء الله ان ان تحصل فيلا بخمس غرف مع حمامتها "اكرمك الله"وانشاء ان سعرها ما يوصل الى 800 الف روبيه تقريبا "250 ريال اذا ماني غلطان" وترى على فكره سعر الفيلا هذا من مخيلتي بس انشا ءالله تحصلها اقل......لاني اخذت فيلا في الصيف الماضي اربع غرف 800 الف روبيه وكان عددا اربع تماسيح ههه.

• *بنسبه لتكاسي..في الجبل غالبا الاسعار تكون مرتفعه عن جاكرتا. بس خلك ذيب يعني كاسر السواق .ترى نفسهم طويل ياالغالي باالمكاسر.

مثلا: اذكر اني كنت ساكن في فيلا خاصه وقريبه من البقاله السعوديه.وكان اطلب من الخادمه تجيب لنا سائق عشان بنروح نتمشى الى سفاري وكان يطلب 300 الف بس مع المكاسر 230 الف روبيه "ما قلت لك تماسيح ههه"
اما ابعد مشاور هو حديقة الزهور فتقريبا سعر المشوار تقريبا 300 الف روبيه.

• *اما بنسبه للخادمه:

ففي الصيف اخذت خادمه سعرها كان 50 الف روبيه لليوم حول 22 ريال "تطبخ وتغسل صحون وتنظف الغرف وتغسل وتكوي الملابس ". اما الان فانشاء انك راح تحصلها اقل.
نصيحه لك اخوي انتبه تاخذ زوجة الحارس خادمه لكم...ترى راح تسرق اغراضكم وتقضي على عزبتكم.
اطلب الخادمه من اصحاب المكاتب السياحيه او من احد سواقين التكاسي.....تراهم شعب يحبون يخدمون بعض.
ولا تعطيه اكثر من المبلغ اللي قلت لك "50 الف روبيه".
واحرصوا على اغراضكم .....وغرفكم دائما خلوها مقفله ...ولا تسمحون لاحد يدخلها ابد....وملابسكم تفقدوها بعد الغسيل....ترى الخادمه الطشت مره برمودا لااحد التماسيح .....بس حشرنها ورجعته.
في الاخير الله الله باالصلاه هناك**********
اتمنى منك ان تلقي نظره على هذا الربط:
https://artravelers.com/p/re/227142
اي خدمه او ستفسار انا حاضر ياالغالي.
شكرا

لله دررك أبا فهد ..
وفيت وكفيت .. وأجبت إجابة كافية وشافية ..
دائماً مميز .. ومعلوماتك صحيحة 100%
أشكر أخلاصك لخدمة الأعضاء ..
محبكم
سلطان المزيد.

أخوي دربي صعب
أتمنى لكم رحله موفقه ولكن أحرصوا على أغراضكم وخاصة الاجهزه مثل الجوالات والكاميرات لان السرقه منتشره في الجبل ولا تسمحون لاي شخص يدخل الفله واذا طلعتوا تتمشون قفلوا الغرف وحارس الفله لاتعطونه وجه تراهم من تالي صاروا حاميها حراميها

يا سلام على نصايحكم
ما باقي شي الا قلتوه
تروح وترجع بالسلامه يا دربي صعب وكاني انك راح تقول ليتنا طولنا المده شوي وشويات
بس انتبهو لانفسكم وخل لك مبلغ بالحساب الفين فما فوق ما تدري وش يصير لكم هنا كا احطياطات
تحياتي لك يا لغالي

ماشاء الله عليكم خمسة اشخاص والتكلفة 8000 يعني كل واحد 1600ريال يابلاش
مع التذاكر يعني بحسبة سيطة 3800 ريال
لكن لو تمددون المدة الى خمسة عشر يوم تكون افضل خصوصا ان هذا الوقت الاسعار مقبولة الى حد بعيد ولن تكون
زيادةالمدة مكلفة
بخصوص التكلفة اضنها كافية للسكن والاكل فقط اما بخصوص السيارة اتوقع يجب ان تزيدوا المبلغ 1500 ريال
اتمنى لكم التوفيق

إن شاء الله تروحون وترجعون بالسلامه ولا أزيد على كلام الأخوان أندنوسيا حلاتها من 15 يوم وأكثر لاتنسون الرحله بالذهاب 9 ساعات ومدة رحلتكم هذي ماتكفي وبترجع بعد ثمان أيام وعندك 9 ساعات رجعه يعني صارت الرحله 7 أيام كامله وباقي الأيام عند الوصول وعند المغادره عناء وأرهاق سفر خصوصاً زي ماقال أخوي أبوفهد (المشكله في الرجعه راح تتعلق مضبوط مع الذكريات والطبيعه) يعني طول الرحله وانت تتذكر الأيام الحلوه اللي قضيتها واللي مرت عليك كالساعه على العموم لا أطيل عليك وزود المده أفضل وترجعون بالسلامه إن شاء الله وتحياتي لكم .

تسلم والله يابو فهد .....
شرح وافي وفيت وكفيت يالغالي...
ولا يهونون البقيه ..
وان شاء الله برجعلكم بالصور ..
تحياتي..
وآسف على الرد المتأخر..
لضروف الاتصال..
مشكورين وعساكم بالوجود..
اخوكم/ دربي صعب

مستشارك السياحي
هلا بخوي سلطان المزيد
كما كنت اتمنى ان افيدك وارد لك القليل من مساعدتك التي توديها بكل امانه لسواح الخليجيين وخصوصا السعوديين.
تحياتي لك ياابومزيد وان شاء الله اذا زرت البونشاك راح اجيك باالمكتب وخليك تضبط امور سكني وتنقلتي.
شكرا

دربي صعب
الله يسلمك اخوي دربي صعب.
وانا والااخوان جاهزين لي استفسار.
تحياتي