- هو حصل ايه
- عسل بيه في ايه
- اتفضل ياسيدي خش وبرجلك اليمين
- ولا خلينا في القاهرة بس مع صورة كنت حاروح فيها فعلا
- نخش بئا ع سكندرية وجمال اسكندرية
السلام عليكم ورحمة الله وبركاته
مساء الفل عالجميع
حبايبي الغاليين
هو حصل ايه
عسل بيه في ايه
هوا في ايه اي الي جرى انا فين انا مين ؟؟؟؟ دانا في حالة نفسانية رهيبة من لما تغير المنتدى باللوك الجديد والله ماقبلتوش نهائيا ارجوكم رجعولنا منتدانا . ياناس الباشا في أزمة نفسية رهيبة دا زاد وزنو ستة ولا سبعة كيلوا
المشكلة اني كنت عامل تقرير برلنت وصور احترافية كلها من ايد الباشا اقسم بالله وحصريا على منتدى العرب المسافرون الي ماعرفتش اخش عليه فعلا متلخبط ارجوكم ردولي حبيبي وسيبوني .
عسل بيه اناشد فيك العشرة الحلوة والنخوة العربية الأصيلة الي بينّا كلملنا الكبير لان فعلا اللوك القديم واضح وجميل وأفخم من الجديد معليش انا عارف اني بازعجك بالكلام دا بس والله هي دي الحقيقة وأنا فعلا خايف من زوغان الأعضاء
وعلى فكرة فيه صورة مش عارف هتنزل ولا لا اصلي متلغبط في النضام الجديد والالوان الي مش عارف دينها ايه ؟؟
اما تقريري
فخد بالك دا شغل الباشا بنفسه وممنوع دخول اصحاب القلوب الرحيمة ومحترفي التصوير لانه حيفرتك نفسة مع الباشا
وقتها في العيد الكبير 2011
اتفضل ياسيدي خش وبرجلك اليمين
الصورة الي فوق دي واضحة جدا انها عالنيل بس ركزوا على صفاوة الصورة ياجماعة وجمال الجو على فكرة البلكونة مش حتفهم كمية السحر الي فيها الا لما تشرف . اصل كنا معزومين عند واحد بلدياتي وصوت الفلّوكات من اسفل واصل لغاية عندنا في الدور ال13
أما دي فهي على كبري 6 اكتوبر ياجمالك ياسكر وياجمال الجو الي عامله عالكبري فكرني بأحلى صحاب في البوابة المصرية الي هما انتو
مركب النيل سيتي الي عمري مادخلته بس انعكاسات الاضاءة عالنيل جميلة بل ساحرة بل تهوس تأمل وخد نفس والجو من حولك مرطب مع لسعة تبريد زي العسل ياعسل الله الله.
خد دي بئا هاه. أفي ذلك شك ؟ عسل بيه ياحبيب الباشا منور منور والله . ياشلة منورين والله .الموضوع بسيط جدا أثناء لقط الصورة والتي تستمر الى خمس ثوان ارفع الكام ونزلها بشكل هرمي اثناء التصوير وليلتك فل يا اشطة طب كل دا في القاهرة ناخد حبة من اسكندرية لو ممكن
ولا خلينا في القاهرة بس مع صورة كنت حاروح فيها فعلا
من على كبري 6اكتوبر والباشا شغال يزبط في الكاميرا مر ابن الجنية دا بسرعة الصوت . ياراقل حتى الكاميرا مش قادرة تربط في اجزاء الصورة اللون في جهة ولمبات الفوانيس شرخت في جهة والعربية الله أعلم . يالله جت سليمة والحمدلله (تعريض 4 ثوان) الله اكبر لو لحقتك يا أخي
نخش بئا ع سكندرية وجمال اسكندرية
ياجمالك يا حلاوتك يا عم استانلي بالليل . أطاليا مين و الاتحاد السوفيتي مين يابه. وبعدين بص على جمال الشط وعلى فكرة دا فيه جلسات رائعة لو تغير اللوك بتاع المنتدى حانزل انشا الله بقيت التقرير وانا مرتاح وملزلز
لسا كمان اخر صورتين ك هدية من الباشا علوان لجميع عشاق مصر وخصوصا من هوايتو بلع الموز ابو نقطة وصغيّر ياليت نشوف مع بعض كمية الجو الي في الصورة
مش عايزه كلام ولا شرح ولا تعليق يعني موزة زي العسل على سور البلكونة الي زي الفل من فندق آخر جمال مطل عالبحر الي يشرح السدر في اسكندرية عاصمة الجمال والروقان . ياجمالكم وانتو محرومين م لموز
ولسا معانا صورة وبعد كدا كل واحد يروح يشوف شغلو
يعني قلعة قايتباي ورايا وجمال البحر واسكندرية قدامك يابني حاجة ماتتوصفش على فكرة وقفة عالرصيف الخشبي للمرسى كفيلة بان تعملك ياباشا (ريست ) وتعيد برمجة دماغك
انا عارف ان الكل ينتظر باقي الصور ولكن اقسم بجلال الله ان ورايا مزاكره وبحوث لسا ماسلمتهاش يمكن بعضكم عارف اني بكمل دراستي في الماستر فمشغول والله العضيم لشوشتي ولولا الضغط النفسي الي بأعاني منه ماهربتش لبيتي التاني وحبايبي الي هما انتو ربنا يخليكم ويحفضكم . هاه ياعسل بيه ارجوك وأتوسل اليك . اللوك بتاع المنتدي شوف له صرفه يابني ارجوك عشان خاطري وخاطر كل النتّيته في المسافرون العرب على فكرة انا باعتذر عن الرد على التعليقات سامحوني
فتكوا بعافيه
الله .. انا كل ما اقفل تطلعلي حاجة طب خدوا دي كمان وهي من داخل الجامعة وامام ادارة جامعة القاهرة
ياناس ياهوه مش قادر اسيب التقرير دي الصور زي الرز اهي اخر صورة وخلاص ارحمونا بئا
سمعتوا بحاجة ايمها كفر الدوار اهي دي هي كفر الدوار جنوب اسكندرية 50 كيلو تقريبا مزارع جواف ومنقة وخضروات سبحان الله ارتباط الانسان المصري بارضه رائع يبدو كدا كفايه والله اعلم
