1. 2ألف مدري اشوف انها قليله نوعا ما وممكن تكفيك اذا ضغطت على نفسك ..


2. لان لو بتروح لبوكيت لازم حجز طيران ذهاب واياب وفندق لكن ممكن تكفيك ..

نصيحة لا تاخذ سواق ولا تتفق مع سواقين ابدا لانهم بيستنزفون ميزانيتك
وفر على نفسك المال واسكن في فندق في وسط المنطقة الحيوية سواء في بانكوك او بتايا او بوكيت وكل شي بيكون قريب من عندك و تروح له على رجولك .. ويا زين المشي منها رياضه و منها تتمشى تشوف العالم

2ألف مدري اشوف انها قليله نوعا ما وممكن تكفيك اذا ضغطت على نفسك ..

لان لو بتروح لبوكيت لازم حجز طيران ذهاب واياب وفندق لكن ممكن تكفيك ..

اطلع من بانكوك لبوكيت على طيران اير اسيا واقعد في بوكيت اربع ايام يعني ثلاث ليالي و روح زيارة لجزيرة بي بي ايلاند وبالليل للفنتازيا .. واليوم الثاني جزيرة جيمس بوند وبالليل مسرح الليدي بوي .. واليوم الثاني نسق رحلة للرافتنق المثيره في بوكيت وبالليل جولة على شارع البنقلا والمنطقة اللي حواليها .. واليوم الرابع تطلع لبتايا
وانصحك في فندق poppa palace hotel في وسط المنطقة الحيوية وفندق نظيف وكل الخدمات موجوده فيه والليله ب 160 ريال تحصله في بوكينق
بتايا اجلس فيها اربع ايام ثلاث ليالي واسكن عند سوق سينترال فاستيفال وبتحصل رخيص .. وانصحك بزيارة مسرح تيفاني حق الليدي بوي مره مثير .. طبعا بتكون كل ليلة في شارع جهنم .. والصباح لا تنسق رحلة للجزر لانك رحت لها في بوكيت وماله داعي التكرار وانت حر ..
وبعدها تطلع لبانكوك يومين للتسوق وتقلع لديرتك
واحجز كل شي عن طريق النت اوفر لك واسرع .. واي خدمه احنا حاضرين للحلوين

رحم الله والديك يافواز على الرد السريع الله يسعدك طيب اذا الميزانيه قليله وش تنصحني اكنسل فكرة بوكيت

اخي الكريم بالنسبة لفندق امباسيدور هو من الفنادق الى الجيدة و موقعها بعيد نوعا ما من منطقة العرب و قريب جدا من مركز التسوق روبنسون .
جدولك من رايي يكون كلاتي :
بانكوك .... ليلتان ( حسب حجزك المسبق )
بوكت ...... 6 ليال
بتايا ..... 4 ليال
المبلغ ان شاءالله بكفيك .
سفره سعيدة اتمناها لكم """

شورك وهداية الله وجمل الله حالك وكثر من امثالك انت الحلا كله الله يوفقك

استفسار عالسريع اخوي فواز من بوكيت لبتايا طياره والا بالتاكسي

طياره طبعا وما فيه سياره توصل لانها بعيده كثير عنها وبينهم بحر
شوف عزيزي .. بتايا ما فيها مطار دولي او داخلي مثل بوكيت او شنقماي .. فيها مطار حربي قاعده جوية
والخطوط الوحيدة اللي توصل من بوكيت الى بتايا او العكس هي طيران (نوك أير) أو (بانكوك أير ) طيارات مراوح.. ناسي اي واحده فيهم لكن تقدر تدخل تقريري وممكن اني كاتبه .. وبعدين ادخل على موقعهم بالنت وبتشوف
طبعا خط سير الرحله بيكون (بوكيت-كوسوموي ترانزيت نص ساعه-بتايا) وكل الرحله تقريبا ثلاث ساعات او اقل وبقيمه 500 ريال سعودي على حسب حجزك يكون بدري عشان يرخص عليك السعر
واي مساعده تامرني امر

وضحت الصوره ياجعلني مبكيك وهذي بوسه على خشمك امواح