نشر في بانكوك

ياليت تردون بسرعه وش افضل ولا ترى ابكنسل السفره

مالق

01-10-2022 - 11:25 am

انا ناوي اروح تايلند في 6/11 واحترت بشكل ماتتصورونه من جتني وسوسه
ناس تقول احجز من النت
وناس تقول احجز من مكاتب سياحيه
وناس تقول احجز من نفس الفندق افضل وارخص
ياناس تكفون دلوني وش افضل طريق
في بوكيت وش افضل (هوليدي ان او اماري او الميلينيوم)
في بانكوك وش افضل (الانتراو سنتريل وورلدالي في مركز التجاره العالمي)
بتايا رشحو لي فندق حلو على الوكيينق ستريت
والسؤال الثاني انا راح اوصل الساعه 6 المغرب بتوقيت بانكوك هل اخذ طياره واروح لبوكيت او اجلس يوم في بانكوك اريح او اروح على طول لبتايا
واسف على الاطاله ةجزاكم الله خير

التعليقات (7)

بوشمسه

01-10-2022 - 01:49 pm

مالق
تحياتي
اخوك بوشمسه

مالق

01-10-2022 - 02:50 pm

الله يعطيك الف الف الف عافيه اخوي بو شمسه
طيب وش رايك بهالموقع لان اسعاره جداً مغريه
http://www.agoda.com/
وارجو من باقي الشباب اضافة مالديهم

بوشمسه

01-10-2022 - 03:51 pm

الله يعافيك عزيزي
موقع اقودا من افضل المواقع الي تعاملت معها واحلى مافيه مكافآت النقاط يعني كل ماتجمع 12500 نقطة يعطونك 25 دولار امريكي في رصيدك وكل ماتحجز من عندهم يعطونك على كل دولار امريكي اعتقد 20 نقطه ومن كثر ماتعاملت معاه وصل رصيد النقاط في حسابي 52000 نقطة وترا الموقع ممتاز وثقه .
وحبيت اضيفلك بعض المواقع المجربه
http://www.asiahotels.com/ https://www.booking.com/

Delar2000

01-10-2022 - 04:52 pm

اخوي الحجز عن طريق المواقع افضل ونفس ماقال بوشمسه اخذ لفه عليهم وقارن الاسعار
واذا كانت سفرتك بروحك او شبابيه ليش ماتسكن في بوكيت بفندق بان لاماي فندق حلو وقريب من كل شي
وارخص من الهوليدي ان .. وفي بانكوك اسكن في منطقة العرب فنادقها واجد ونظيفه وقريبه من المطاعم العربيه
ومحلات التقليد وذا بتسوق بالمجمعات التجاريه الله يخلي التكاسي .. وبتايا ماانصحك تسكن في نفس شارع
الوكينق ستريت الفنادق اللي فيه تعباانه اسكن في فنادق العرب قريبه من الوكينق ستريت او اسكن بالشوارع اللي
قبله

مالق

01-10-2022 - 05:53 pm

يااهل الخبره تكفون رشحو لي فندق في
1-بوكيت يكون فخم وخمس نجوم وقريب من كل شي وشبابي
2-بتايا فخم وقريب من كلشي وخمس نجوم وشبابي
3-بانكوك خمس نجوم ورايق واثاثه حلو وقريب من مواقع التسوق
تكفون يااخواني والله معروفكم ماراح انساه

bigbin609

01-10-2022 - 06:54 pm

مالق
اخوي مالق لا تلقي السفر وتوكل علي الله وسافر .
احجز فندق الهوليدي ان من النت احسن لك واذا تبي فندق 3 نجوم عليك فندق بان لاماي بيتش وتقدر تحجز من مطار بوكت .
بتايا عندك فندق ماريوت بجنب مجمع رويال قاردون او منتجع باتونغ باي جاردن
منتدى العرب المسافرون https://artravelers.com
بانكوك عندك فندق نوفيتيل سيام حيل ممتاز وراقي وعلي كيف كيفك .
اخوك :- عبدالله الكويتي

مالق

01-10-2022 - 07:55 pm

طرى علي انا وصاحبي طاري نبغى فله بمسبح في بوكيت يعني بنجلس 4 ايام في فندق وبعدها بنروح لفله بمسبح ياليت ترشحو لنا فله حلوه وقريبه من الباتونج
الله يعطيكم الف عافيه

بانكوك المسافرون العرب

ياليت تردون بسرعه وش افضل ولا ترى ابكنسل السفره