أخوي عبدالله بجاوب على أسئلتك قد ما أقدر:

• ما فهمت قصدك بالنسبة للسؤال الأول!!!
• بالنسبة للكاميرات أنصحك تاخذها من كوالا لمبور لأني أخذت من هنا كاميرة فيديو مع تصوير ديجتال كبيرة الحجم مع بعض الإضافات بدقة 0.8 ميغ بحدود 3000 ريال ( يابانية الصنع ) ولقيت هناك نفس الماركة صغيرة الحجم وبدقة 1 ميغ بدون إضافات بسعر 2600 رينجت ( طبعا سعرها هنا حوالي 4000 ريال بس الظاهر انها هناك ماليزية الصنع)
• أفضل أسعار تاخذها من وكلاء السفر هنا
• اتجاه القبلة داخل الفندق سهل اذا ما لقيته معلق بالسقف افتح الأدراج اللي في الغرفة وبتلقاه موجود واذا ما لقيته دق على الريسبشن واسألهم أما خارج الفندق ما لك إلا سواق التاكسي
• بالنسبة للجزر اللي ذكرتها ما رحتله لأسف بس خذ جولة في المنتدى وبتلقى كل شي
• بالنسبة للريجنت أنا سكنت فيه شخصيا وهو ممتاز جدا وكل شي قريب منه

وحياك الله في أي وقت

1. بإجتهادي أجبت على تساؤلاتك.. ولا تنسى إخوانك وأحبابك من دعواتك..


2. ماهي أفضل وسيلة للذهب إلى كوالالمبور من المطار وكم التكلفة؟


3. كيف أحصل على عفشي من المطار بالتفصيل؟


4. وش أفضل طريقة للحصول على أسعار مخفضة للرحلة كلها سكن وأكل وتنقلات؟


5. إحسب ساعات التاكسي من ركبتوا إلين رجعكم وحاسبه..


6. ماهو اتجاه القبلة عندما أكون في الفندق أو خارجه ؟

حيّاك أخوي عبدالله... وين الناس
أنا قلت شكل الرجال هوّن عن الروحه..
الله يجعله سفر السعاده والهناء ويردكم بالسلامة..

بإجتهادي أجبت على تساؤلاتك.. ولا تنسى إخوانك وأحبابك من دعواتك..

ماهي أفضل وسيلة للذهب إلى كوالالمبور من المطار وكم التكلفة؟

أول ما تطلع من بوابة المطار بتحصل التكاسي ورا بعضها ، فيه مكتب عند بوابة الخروج تقول لهم وين رايح له (لأي فندق) ويطلبون منك المبلغ ويقصون لك التذكره ويحملون لك شناطك وتتوكل على الله للفندق.. هذي أفضل وسيله ويأخذون عليك حوالي 80 رينجنت.

كيف أحصل على عفشي من المطار بالتفصيل؟

أول ماتدخل صالة المطار عليك قراءة اللوحات الإرشادية ولا تشيل هم مكتوبة بالماليزي والعربي والإنجليزي والصيني بعد لو تعرف.. إنت الآن في الصالة الدوليه راح تحصل طاولة عليها كارت تعبيه وكل المعلومات اللي بتكتبها تنقلها من جوازك وتروح لتختيم الجوازات وراح يقطعون لك جزء من الكارت تحتفظ فيه إلى أن تغادر ماليزيا تعبيه وتسلمه لهم، وبعد كذا تتوجه مباشرة إلى قطار كهربائي ينقلك مباشر للصالة الداخلية في هالصالة تبحث عن السير الخاص برحلتكم لإستلام عفشك.. ثم تخرج إلى بوابة الخروج وتحصل التكاسي تنتظر.
وش أفضل ديجتال كاميرا ممكن أشتريها من الرياض. وهل فيه كاميرا تحمض لك الصور فوريا وفي نفس الوقت تعتبر ديجتال كاميرا وكم السعر التقريبي؟
من واقع تجربة إذا تبحث عن كاميرة فيديو وتصوير في نفس الوقت (ديجيتال) أو تبحث عن كامير تصوير ديجيتال.. عليك بسوني..
أنا شخصيا جربت بانوسونيك وجي في سي وسوني.. وسوني هي الأفضل رغم إن الثانية فيها مواصفات فنية أفضل من السوني..
وعن الأسعار ما فيه فرق يسوى بين الرياض وكوالا...لكن فيه فرق يسوى بين الرياض ودبي..
عموما أنا أنصحك تقارن بين إكسترا و إلكترو من أكبر معارض التوفير في الرياض وراح تلقى كل الأنواع وبسعر أرخص من البطحاء.. إسألني لفيت لّما دخت وآخرتها إشتريتها من دبي بفرق 600 ريال..

وش أفضل طريقة للحصول على أسعار مخفضة للرحلة كلها سكن وأكل وتنقلات؟

أفضل الأسعار للسكن راح تلقاها عن طريق المكاتب السياحية المعروفة وتشمل وجبة إفطار
والتنقلات الساعة في بينانغ ب25 وفي لنكاوي ب 15 .. يمكن الأسعار زادت مع الموسم لكن مو كثير أكيد.. أما في كوالا فلو سكنت بشارع بوكيت ما راح تحتاج للتكاسي لأن المجمعات ورا بعض.. راح تحتاجهم لو بغيت برجي التوأم والحدائق والمتاحف والساعة هناك أظن إنها ب35

إحسب ساعات التاكسي من ركبتوا إلين رجعكم وحاسبه..

ماهو اتجاه القبلة عندما أكون في الفندق أو خارجه ؟

بالنسبة للقبلة (فأينما تولوا فثم وجه الله)... وفي الفنادق راح تلقى ملصق في سقف الغرفة يبين لك القبلة وأحيانا بأحد الأدراج تجد سهم مثبت على إتجاه القبله.. وفي الخارج إجتهد وإسأل البلد بلد مسلمين وإذا ما حولك أحد ترى مكة شمال غرب ماليزيا..
هل جزيرتا سرواك وصباح تسوى من يزورهما؟
فهمت من كلام حبيب قلبي (الشعيبي) إنها حلوة للي يدور غطس وسباحه وتسلق جبال..
وش رايكم بفندق ريجينت اللي جنب التون تاور؟
أما هالفندق فما سكنت فيه عشان أعطيك رأيي لكنه من الفنادق اللي دايما تذكر.. لكن عشان تكون قريب من المجمعات والحركة والإزعاج لو تسكن بشارع بوكيت في رأيي إنه أحسن
وجزاكم الله ألف خير
وأنت كذلك

كلام اخونا الجمال ماعلية زود وكل كلمة في مكانها
وانا اوافقه الراي خصوصا في مسألة الفرق في اسعار الكميرات بين الرياض وكوالالمبور
فليس هناك فرق يستاهل لاكن لوقلت لي دبي اقولك يستاهل ويستاهل
انا توني شاري كميرة فوتو ديجتال من دبي 2170 تقريباً والكميرة من كانون موديلها g5
طبعا لوسالتني بالنسبة لتصوير الفوتو سوني ولا كانون راح اقولك كانون ولا تتردد
لاكن لوكميرة فيديو طبعا سوني افضل وإسأل اهل الخبرة
لقيتها عند الكترو ( ماراح تصدق لاكن هذا والله اللي حصل 3398 يعني الفرق اكثر من الف)
طبعا الحين نزل السعر في الرياض لاكن على ايش وصل تقريبا 2900
ولو حبيت تتاكد من كلامي اخوي رح للوكيل وأسألة عن سعر الكميرة واسأل اي واحد من دبي يعلمك السعر
طبعا هذا كله بتاريخ 1572004 لانك عارف الاسعار تتغير
طبعا مع ضمان الشرق الاوسط يعني ضمان يشمل جيع دول الخليج
لاكن لقيت الفرق في الكميرات الثانية اقل ماادري وش السبب مثلا لقيت كاميرة سوني موديل v1 بحدود2000
وعندنا كانت 2600 وفي ماليزيا بحدود 2400 هذا حد علمي ويمكن فيه اشياء تكون في ماليزيا ارخص بكثير لاكن انا لفيت الاسواق في شارع البوكيت وغيره ولقيت الاسعار قريبة من السعودية يمكن ناقص 200 وبحدودها
عشان كذا ماتشجعت اشتري من ماليزيا وكانت الرحلة توقف في دبي مع سكن في فندق المطار وفعلا طلعت وشريتها من سوق نايف
(فندق الريجنت في شارع البوكيت بينتق وماانصحك تسكن فية اول ماتدخل وتشوف اللبي تقول وش كل هالفخامة
لاكن الغرف الله يخلف فرش مكروف كرف وسعر الفندق نفس سعر الماريوت والويستن والثنين افضل بكثير
الفندق اللي عند البرجين هو المندرين وسعره بحدود 410 ريال لليلة في الغرفة المزدوجة
وبالتوفيق للجميع,,,

الان فيه عرض مغري من الخطوط السعوديه
2ريال سعر التذكره مع الاقامة 7 ليالي و 8 ايام في فندق Crown Princess لشخص الواحد
وهذالرقم المجاني 80222222