ماشاء الله جدول حلو ومرتب بس ليش ماتضيف ريتشوني

جدول حلو ومرتب بس عندي راي لك
1- اذا رحيت ميلان انصحك تزور بحيرة لوقانو او بحيرة كومو او بحيرة ماجور كلها تبعد حدود ساعة شمال ميلان
2- باريس انا ماعجبتني لان مافيها الا الشارع الشانزليزية (ليس من المعقول اجلس بالشارع اسبوع لكن لوتروح لمدينة كان ترى احلى بكثير من باريس وفيها حركة سياحية بالمرة حلوة عندك والبحر حلو حلو وتتعب وانت تقول حلو جلسنا فيها اسوبعين ولا ملينا منها بصراحة يعني تخيل تاخذ فندق عند البحر والمحلات التجارية بجنبك والاسواق الشعبية الفرنسية بجنبك والبحر والسباحة كلها على الرجلين والمطاعم الحلوة والشارع الي على البحر كلها حرة في حركة من الصباح الى الليل وفي المدن القريبة منها مثل مناكو ونيس وغيرها )
فنصيحتي لك ان كانك ملزم على باريس خلها 3 ايام في باريس و4 ايام في كان وان حصل تزودها

حنا يوم نروح لكان الوالد اكن مهو راضي يودينا باريس لانه راح لمها ويقول غالية على الفاضي وماصدقناه حنا ولزمنا علية الا يودينا وجلسنا فيها اسبوع بصراحة يومين رحنا للدزني وانبسطنا والباقي بس راحين جاين على الشانزليزية وبرج ايفيل الين ملينا
وفي متحف اسمه متحف الوفر حلو ان كانك راعي متاحف

مشاللة مبين ان الجدول حلو........لكن نصيحتي لك ولجميع المسافرين العرب مع زوجاتهم حاول دلع مرتك في السفرة وخللك رومانسي معها بزيادة لان السفر مش بس اكتشاف اماكن وبس..يعني خلها بسطة ورومانسية مع بعض عشان تحلو السفرة وتكون سفرة ولا احلى(اي كلمات حلوة ,.لمسات رقيقة,تضع في فمها لقمة حلوة من يدك,تشرب بعدها).وحاول تصور معها دائما لانكم لو فكرتو اغلب الازواج مايصورون الا في السفر فلا تفوت ذكرى احلى ايامكم..واذا كان عندكم اولاد حاول تمد يد العون لزوجتك مش كل الضغط عليها لانهاتبغ تنسط زيك وهم اولادها زي ماهم اولادك....دلعها في المشتريات على قد امكانياتك..وانتي يالزوجة بنطلب منك شيئين الكلام الحلو وتلبية رغبات زوجك (يعني ماعليك كلافة) والا وش رايكم يالجنس الناعم؟؟

ماشاللة الجدول حلو....لكن عندي لك نصيحة ولجميع العرب المسافرون:
(1) خلو سفراتكم مفعمة بالرومانسية مع زوجاتكم لان السفر مش اكتشاف وتغيير جو فقط بل لتجديد الحياة الزوجية المليئة بالروتين(اي كلام رقيق,لمسات حنية,تعامل راقي,تاكل زوجتك بيدك,تشرب بعدها.......)
(2)لاتنسى اخذ لقطات تذكارية معا لكي تبقى من احلى الذكريات الخالدة في بالك
(3)دلع زوجتك في المشتريات لكن على قد امكانياتك(اي قدر شفاحة الحريم على الاسواق)
(4)اذا كان لديكم اولاد حاول تمد يد العون لزوجتك فهم اولادها زي ماهم اولادك فيجب تحمل عبئ من المسؤلية وعلى قولة القايل (قوم تعاونو ماذلو):x1:
(5)حاول ماتضايقها بنضراتك للفاسقات يعني قد ماتقدر غض البصر منها ارضاء لربك ثم لزوجتك غير الاجر الاعظم لك تفاديا للمشاكل ولاتنس من ترك شيئا للة عوضه اللة خيرا منة
(6)اذا كنت عصبي خلي عصبيتك وراء ظهرك لانك رايح تنبسط وتبسط:112:
وفي الختام اللة اللة يالزوجات بالكلام الرومانسي وتلبية طلبات زوجك بنفس طيبة...والا وش رايكم يالنواعم؟؟

كلامك حلو ياعاشق الديار يعطيك الف عافيه انا معاك بقوة انا وزوجي شعارنا قبل مانركب الطيارة لا للزعل والنكد

شكرا حبايبي
aaj789
ولد فاضي
عاشق دياره
على مروركم ومشاركتكم بارائكم الحلوه معانا وأنت ياعاشق دياره نصايحك كلها علينا يالأزواج ومع ذلك والله حلوه والله مشكور عليها
وما زلت انتظر المزيد من الأراء و الاقتراحات من الاعضاء الاعزاء والمشرفين الكرام الله لا يخلينا منكم

مرحبا عاشق الرياض....
ان نصايحي لكم يالرجال لانكم الكل في الكل ولان كلمتكم هي اللي ماشية,,,,
ولا تنسى ان اخر نصيحتين كانت لصالحكم .