نعم يوجد مكتب في نفس الفندق لتنظيم الرحلات السياحية وفي أغلب فنادق سنغافورة كذا
حسب ما ذكر بموقع الفندق في بوكينج

بالتوفيق

يعطيك العافيه اختي ايناس بس ايش الافضل والاوفر اذهب لها عن طريق التاكسي من دون ما الجأ لمكتب سياحي لا ن عددنا 3كبار و4اطفال .. واليونيفرسال هل التذاكر تباع عند البوابه وسامحيني ازعجتك

سحر الانوثه
الله يعافيك يا رب .. أبد ما فيه إزعاج أي استفسار ببالك اسألي عنه ويسعدنا الإجابة على استفساراتكم
الأماكن السياحية اللي داخل سنتوسا تقدرين تروحين لها مجاناً عن طريق الباصات
وفيه محطة صغيرة جنب فندق شانجريلا راسا توقفون عندها وموجود فيها خرائط للأماكن السياحية داخل الجزيرة اللي تروح لها الباصات
وكل مكان له باص بلون معين
وعندك عالم تحت الماء وعروض الدلافين هذي تروحين لها مشي من الفندق مره قريبة
وبالنسبة للأماكن السياحية اللي خارج الجزيرة فهم بالفندق يعطونك مثل الجدول تختارين الأماكن وتحجزين ويجي باص ياخذك من الفندق مع سياح آخرين ومعاكم مرشدة سياحية ويودونكم للأماكن اللي حجزتوها
وإذا خلصتوا يرجعكم للفندق ..وهو من ضمن سعر الرحلة أوفر وأفضل بنظري ...
وإذا تبغين تاكسي ممكن تحجزين برضو عن طريق الفندق
وإذا تبغين كمان شي أرخص عندك المترو ... أنا أفضل الخيار الأول ...
أما بخصوص اليونيفرسال
تقدرين تشترينها عن طريق الموقع أفضل وأوفر للوقت عشان ما توقفون طابور وتنتظرون وزحمة ... لكن تأكدي من الشروط واقرأيها زين وتأكدي من صلاحية التذكرة من وقت قصها يعني كم يوم ؟؟
http://www.rwsentosa.com/language/en-US/Homepage/ThingsToDo/UniversalStudiosSingapore
أشوف في الموقع عروض يعني تذكرة لدخول اليونيفرسال ومعاها أماكن ثانية .. عاد لغتي ما تسعفني اقرأ بالموقع لكن إن شاء الله يفيدك ..
وفيه كشكات صغيرة بتشوفيها وانت بطريقك راجعة من عالم تحت الماء للفندق فيها بروشورات وعروض على التذاكر ...
أتمنى لك رحلة سعيدة

الله يوفقك يارب ويسعدك كفيتي ووفيتي
بس ياريت تعطيني افضل الاماكن الي ازورها غير اليونفيرسال و الفلاير و الكروز الاهم فالاهم وهل اللغه الانجليزيه ضروريه لان لغتي في الانكلش بسيطه .. لان المده ثلاث ليالي فقط واليوم الرابع مغادره الى ماليزيا

سحر الانوثه
آمين يا رب واياك
تفضلي هذا جميع الأماكن السياحية بسنغافورة
http://www.tripadvisor.com.eg/Attractions-g294265-Activities-Singapore.html
اختاري اللي يعجبكم ويناسبكم واكتبيها هنا وأرتبها لك ....
بخصوص اللغة الانجليزية أكيد ضرورية .. كيف بتتفاهمين مع الفندق بتنسيق رحلاتك و الخ
وكمان بالمطاعم انتبهي مو كلها حلال لازم تسألين ... لأن أحياناً في بوفيه الفطور بالفندق بعض المعجنات والحلويات تكون فيها نسبة كحول ..
أو بعض المأكولات يكون فيها دهن خنزير ...