هلا فيك اختي
طالما انك حددتي بحر فاشوف انك تنزلي في بنتوتة في فندق ايدن ... وبالمناسبة ترى بنتوتة هي برويلا تقريبا ما يفرق بينهم إلا كيلو واحد
ولكن انا من وجهة نظري انك طالما سافرتي لدولة وتعنيتي لها فعلى الاقل حللو قيمة التذكرة وخلو سفرتكم 10 ايام ولفوا على مدن سيرلانكا ... صحيح ان البحر جميل ولكن ترى الطبيعة والخضار في سيرلانكا أجمل
بالتوفيق

شك سرعة استجابتك بس ممكن صور اذا امكن وهل عندهم اكل متنوع ونظيف

هلا فيك
بالنسبة للصور كل التقارير الموجودة بالقسم فيها أجمل الصور ... ولكن عندي تقرير سويت لرحلتي في عام 2006 وفيه صور ومعلومات مفيدة لك .. وممكن تدخلي على الرابط التالي وتستفيدي منه
https://artravelers.com/p/re/105259
وبالمناسبة فيه صورة لفندق ايدن بتلاقينها من ضمن التقرير
بالنسبة للأكل في سيرلانكا
العاصمة كولمبو ومدينة كاندي ... ممكن تجربوا المطاعم العالمية ( كنتاكي وبيتزا هت ) وكذلك فيه مطعم عربي في العاصمة كولمبو ... وبتلاقين التفصيل في تقريري
ولكن في بقية المدن فيفضل الاعتماد على مطاعم الفنادق

دامك تحبين البحر عندك مدينتي بنتوته ونوقمبو
نوقمبو خليها قبل ما ترجعون لأنها قريبها من المطار لكن بصراحة بنتوته اروع وفيها اجمل فنادق سيرلانكا من وجهة نظري الشخصية وهما فندقين تاج وايدن لكن ايدن ارخص من تاج بكثير على حسب خبرتي برغم ان كليهما خمس نجوم صحيح ان تاج افخم شوي لكن مايسوى فارق السعر الكبير اللي بينهم
انا من وجهة نظري الشخصية انصحكم تأكلون في الاوتيل لأن الاكل فيه بوفيه مفتوح انتر ناشيونال فطور - وعشاء طبعا الفطور مجاني والعشاء بحوالي 12 دولار تقريبا للشخص الواحد لكن بصراحة شوي المبلغ في هالعشوة المحترمة وبالنسبة للغداء فغالبا يكون بالطلب مو بوفيه مفتوح
وبالنسبة للاكل فهو رائع جدا ونظيف وبصراحة يا اختي افضل وانظف بكثير من مطاعمنا يمكن يضاهي جودة الاكل عندنا بالسعودية الفهد كراون والمقصورة اذا كنتي جربتي الاكل فيها

صادق الاحساس - كلام كليم
شاكره لكم ... من جد افدتوني لاني مره خايفه من الاكل هناك ومن الخدمات

يااعضاء المنتدى في تقرير يقول ان البوفيه لفندق ايدن في بنتوته على قد حاله ... هل فندق تاج افضل من ناحيه البوفيه .............

هلا فيك اختي
انا نزلت في فندق ايدن ليلتين اكلت عندهم الفطور ووجبة عشاء مرتين ... بالنسبة للفطور بوفيه وما فيه اي مشكلة بالعكس مثل بقية الفنادق والاكل شبه متعارف عليه لكل من زار شرق آسيا ... أما بالنسبة للعشاء ما اكلت بالبوفيه ولكن طلبت للغرفة وكان الاكل ممتاز ولا فيه مشكلة
بالنسبة لفندق تاج جلست فيه ليلة وسويت نفس اللي سويته في ايدن وتقريباً ما فيه فرق ... اهم شيء يكون الطلب مناسب لرغباتكم ومعروف ... والاهم من هذا كله في سيرلانكا تقولوا لهم ما نبغى الاكل حار
بالنسبة للمقارنة ما بين ايدن وتاج .... كثير من الاعضاء عجبهم تاج وانا ايضا عجبني تاج ولكن بصراحة حسيت براحة اكثر في ايدن وخصوصا ان كل الغرف تشرف على المسبح ... وتقدري تدخلي لتقريري انا تكلمت عن مزايا وعيوب كل فندق منهم

يسلموا من جد افدتوني ............. ربي لايحرمني من هالمنتدى الرائع

اختي مجنونة سفر لا شكر على واجب
اذا كنتي خايفه ان الاكل مايناسبك بأمكانك تروحين تاكلين (وجبة العشاء) في ايدن حتى لو سكنتي في تاج والعكس صحيح خصوصا وان الفندقين قريبين من بعض حيل