اقرب شي لها هو شارع جورج الخامس وهي باللون الاحمر وبينها وبين المحل الشهير لويس فيتوون شارع ومن المقابل في الشارع الثاني فيه محل اسمه سواتش للساعات على شارع واشنطن..........

ياختى عليكم
والله أحبكم أحبائى
يارب يجمعنا بالجنه مع الصالحين والابرار
آآآآآآآآآآآآآآآآآآآآآآمين
قطر انا ابغا اأسألج جم سؤال عن فرنسا

أبله وسميه
الله يجمعنا دايم على الخير
وابشري بعزك وسعدك
تامرين تفضلي

يا سلام يالفوكييت
يا حلاتي وانا اتقهوى فيه واشوف اللي رايح واللي جاي
عين على العالم وعين على قوس النصر !!
ههه

أخت الحبيبه قطر ( ياحلات قطر وياحلات شعبها )
انا حاجزه قطار من باريس لجنيف
ما ادرى متخوفه اشلون أوصل محطه القطار
يعنى فى محطه رئيسيه للسقر خارج فرنسا
احنا حاجزين قطار ما اذكره بس فيها تى جى من هالاحرف
اخت قطر انا حاجزه فى فندق هوليدى ان اللي بدزنى لمده يومين واطلع منها
اروح محطه القطار اللي فى فرنسا لجنيف ،،، هقوتك متى اطلع من الفندق علشان اوصل المحطه
على فكره الرحله بالقطار الساعه الواحده
قطر أبيج بكل لحظه
ادرى فيج ما تقصرين يالغاليه
لانى راح احتاجلج وانا فى فرنسا

أبله وسميه
هلا وغلا
ابشري بسعدك برد عليك باي وقت اكون متواجدة
حلو ...ربي يوفقك
لازم تطلعين قبل ساعتين تحسبنا للظروف والزحمة ...
المحطة سهلة وكل شيء سهل والرحلة تقريبا ساعتين ونص من باريس لين جنيف
بحط لك صور المحطتين اليوم لما ارجع البيت
وحتى صور القطار ...
والمحطة قريبة في جنيف مقابلة بالضبط فندق الورويك
كم يوم بتقعدين بجنيف

هلا وغلا الحبيبه قطر
انت تقولين المحطه اللي بجنيف قريبه من فندق الوريك
يعنى قريبه من فندق بريستول
حبيبتى قطر يعنى ما يبيله شى
يعنى المحطه جدا قريبه
على ما اعتقد حتى ما يحتاج تاكسى
بس احنا اول مره اروح سويسرا
تعالى اختى قطر المحطه اللي وصلت فيها اهيها اللي راح اروح لها لما اروح فرنسا
انا راح اقعد فى سويسرا لمده اربعه ايام
بس بصراحه أخوى ابو عزيز ما قصر
كل شى فهمنى عن سويسرا
ماأدرى شنو اقول بحقه
كلمه شكر شويه عليه بس يارب يحفظه ويحفظ عائلته الكرام
وانتى يالغاليه ما عليج زود
ما قصرتى رايتج بيضه
أختكم وحبيبتكم أبله وسميه

أبله وسميه
تعالى اختى قطر المحطه اللي وصلت فيها اهيها اللي راح اروح لها لما اروح فرنسا
اية نعم هي
انا راح اقعد فى سويسرا لمده اربعه ايام
بس بصراحه أخوى ابو عزيز ما قصر
كل شى فهمنى عن سويسرا
ماأدرى شنو اقول بحقه
كلمه شكر شويه عليه بس يارب يحفظه ويحفظ عائلته الكرام
وانتى يالغاليه ما عليج زود
ما قصرتى رايتج بيضه
أختكم وحبيبتكم أبله وسميه
ربي يونسك بالعافية
وماعليك قصور
وابشري بعزك واسعدك
على فكرة تسوقي من سويسرا ارخص من باريس
وهذي صورة المحطة من باريس لسويسرا
بوابة المحطة من باريس لجنيف

هذي اول ماتوصلين جنيف بوابة ذ8 هي اللي يوصل قطار فرنسا منها ويغادر

وعلى فكرة القطار مايعطونك اكلتخيلي اخنا درجة اولى ولا عطونا شيء تشترين من القطار والاكل
ماهو ذاك الزود ....افضل انكم تاخذون اكل وتجيبونة معكم حلويات وخفايف
واي استفسار ابشري به