هلا أختي بني القصيم والله ذكرتيني بالقصيم وبأهلها الطيبين منطقة باردة جدا بالشتاء الله يساعدكم على بردها .
وحياك الله بصلالة بالنسبة للجو صار لنا أربعة أيام متواصلة ماشوفنا الشمس الجو غائم كليا على مدينة صلالة لدرجة أنه حتى بالمدينة صار يوجد بها ضباب خفيف ودرجة الحرارة الآن بالمدينة 23 درجة مئوية أما في الجبال درجة الحرارة مابين 17 درجة مئوية إلى 22 درجة مئوية . بأختصار الجو ولله الحمد روعة

http://2askt11.france.net.in/all/index.php .
جزاك الله خير اخوي عمان وماعليكم زود الكرم اساسكم والطيبة
وياليت تخبرونا عن جوكم اليوم لان بعد ثلاث ايام راح امشي لصلالة
ومشكورين

حياك الله فبلادك وبين اهلك
الجو طيب وراح تقضين ان شاء الله فترة طيبة رغم انه السنه هذي الخريف مو لذيك الدرجة قوي بس حلو ... لا تترددين واذا راح تجون بالطيارة راح يكون اسهل لكم لانه الدرب طويل

أخوتي الأعزاء بنت القصيم ومتعة الترحال حياكم الله سوف أحاول أن أنقل الصورة بالضبط والله على ماأقول شهيد عن نفسي لم أرى الشمس منذ تاريخ 4/8/2007 إلى الآن 13/8/2008 والساعة الآن بمدينة صلالة تشير إلى الحادية عشرة صباحا سوى مرة واحدة لمدة تقريبا 5 دقائق وتختفي بين الغيوم ممكن أحيان بسيطة ترى شعاع الشمس يعني نورها بس ماترى الشمس وأغلب الوقت في الصباح والظهر والعصر تعتقد أن الشمس قد غابت بسبب الغيوم حيث يكون الجو رائع جدا مع رذاذ خفيف ونسمات بارده ترد الروح وتخلي الأنسان اللي ماهو شاعر يكون شاعر غصبا عنه ههه بصراحة ماأقدر أوصف أعتقد أني غير دقيق في وصفي وممكن أظلم حق محافظة ظفار خاصة وحق عمان عامة لكن أتمنى أي أحد من إخواننا اللي زاروا البلد خلال هذه الفترة أن يعطينا إنطباعه وهو يكون الحكم الفاصل بحق مدينة صلالة وأهلها نحمد الله ونشكره على هذه النعمة وعسى يدوم الخير على كل عالمنا الأسلامي إن شاء الله يارب وحياكم الله
وبإذن الله الجو مستمر على هذه الحال إلى نهاية شهر 8 وبداية شهر 9 تختفي الغيوم تدريجيا وتظهر الشمس وتشرق على الجبال والمدينة ويتغير لون الخضرة الداكنة إلى خضرة فاتحة مع أواخر شهر 9 ميلادي ويختفي الناموس بسبب الشمس ويكون الهواء عليل وبارد وتحلى الطلعات البرية للعوائل والشباب وترى الخضرة على أمتداد النظر منظر رائع جدا ولله الحمد .

سلام عليكم ورحمة الله
حقيقه استغل هذه الفرصه لاشكر اخوي عمان 44 على اتصالاته ومساعدته لي في صلاله وتقديم نصائحه لي ويعطيك الله الف عافية اخوي وشكرا لك مجدداً
اخوك منصور

منصور المنصور
حياك الله أخوي منصور وماسوينا شئ لأنه ماسمحت لك الظروف ولا كان ودنا نخدم أهلنا وناسنا بكل الخليج بس إن شاء الله نتواصل مع بعض في الرحلات القادمة والحمدلله على سلامتكم .

اخوي عمان 44 ياليت تخبرنت اش المطلوب لإستئجار سيارة في صلالة
هل مطلوب بطاقة فيزا او بطاقة ائتمانية او ماشابه ذللك وهل الرخصة السعودية مقبولة في مكاتب تاجير السيارات وعند المرور العماني

ماحلى خريفك ضفار وجوك الماطر و ماحلى الروابي الخضر وسهول ومناظر
اخوي oman 44
ابغى اسالك ايش المطلوب لاستجار سيارة في صلالة هل مطلوب بطاقة فيزا او بطاقة ائتمانية او غير ذلك
وهل الرخصة السعودي معتمدة في مكاتب الايجار ام مطلوب رخصة دولية

السلام هلاا باهل عمان الطيبين
عندي سؤال مفكر انزل صلالة لسبوع القادم وما عمري زرتها من قبل
يصلح الجو نتسبح بالبحر ولا كلش ما ينفع ؟
وفيها طلعات بحريه صيد وجذيه ولا لا ننتظر الافاده شكرا