هنا بيفيدك بأفضل الفنادق
http://cutt.us/vAG
وبامكانك تغيير الوقت وحدود الأسعار ومشاهدة الغرفة

بالنسبة لحجز الفندق ممكن تختاري من مواقع الحجز زي بوكينغ وآسيا ، أو تحجزي عن طريق موقع الفندق نفسه
السكن عندكم الفنادق المطلة على البحر زي الروزوود والهيلتون والانتركونتننتال
وفيه السكن داخل جدة قريب من المولات زي ايلاف اللي في الردسي مول - ميريديان في طريق المدينة
عشان تعملي جدول لرحلة مميزة وتناسبكم الافضل انك تزوري الروابط دي وتحددي بناءا على اهتماماتكم وميولكم
https://artravelers.com/p/re/362919

أهلاً رمز فى جدة ..
الموقع اللى ذكره ولد تميم ممتاز ..ومعلومات عيون جدة ممتازة كذلك.
وبما إنكم فى مرحلة الشباب أنصحكم جدا بفندق ايلاف رد سى مول ، لآنه فى نفس مبنى المول الرائع + قريب جدا من الكورنيش مشى ..
إذا كان السعر غالى أنصحكم بالإنتركونتيننتال أو كراون بلازا على التوالى ...لأنهم على كورنيش الحمراء وقريبين جداً من العديد من المطاعم والكافيهات الراقية..
سيبك من الهيلتون لانه غالى ومش زى الأول روز وود حلو بس غالى ومناسب أكثر للكبار أو العرسان
لايفوتك ملاهى الشلال وكذلك ملاهى عطا الله اثنينهم على الكورنيش وقريبين إلى حد ما من بعض ، بس روحى مع اخوكى فى يوم العائلات ولاتروحى فى اليوم المخصص للنساء ، كمان فى ألعاب حلوة للكبار فى ملاهى تشكى تشيز على الكورنيش كمان والبيتزا والسندوتشات عندهم حلوة
فى ثلاث مطاعم على البحر مباشرة (شاطىء لاكوستا والشراع والجزيرة الخضراء) كمان أماكن حلوة تستحق الزيارة
مافهمت إيش قصدك بالماركات المخفضة ، لكن على العموم الأندلس مول وكذلك سوق حراء الدولى من الأماكن اللى فيها تخفيضات على طول وأنصحك أكثر بالثانى ..
بالنسبة لأسواق الترفيه لايفوتك رد سى مول ومجمع العرب ، كل واحد فيهم يبغاله يوم ..وكذلك ستارز أفينيو الذى يميل أكثر للفخامة
بالنسبة للمطاعم الإيطالية عندك بنى كالدو فى رد سى مول ممتاز وكذلك لينيو فى شارع المعادي بالحمراء، بالنسبة لفندق بارك حياة نادى الفروسية يستاهل الزيارة والكافيه المطلة على المارينا غالية شوى بس شى ما يتنسى..
بالنسبة للشقق اللى بتقضوا فيها باقى الإجازة أنصحك بعدة خيارات : نسايم النور القريبة جداً من سوق حراء الدولى وسوق دانية ومجمع العرب والكثير من المطاعم والكافيهات ، أو سدرة جدة القريبة جداً من الصيرفى مول وإيكيا ، أو جوين القريبة جداً من شارع الأندلس بمطاعمه الراقية ، وجميع المعلومات عنهم فى موضوعى المثبت عن شقق جدة و
أما السياحة فى جدة فهى بالتأكيد أفضل فى الربيع..
وأى استفسار لا تترددى...وأيام سعيدة بإذن الله فى جدة .

ما قصرو الأعضاء اللي سبقوني..
بس حاب أضيف زيادة ع رد مشرفنا الغالي شاعري:
بالنسبة للماركات المخفضة..
= في محل (الساحة)-ماركات السواني-..مركز النخيل ف طريق المدينة..
وله فرع ثاني ف شارع حمد الجاسر.
= ف شارع حمد الجاسر برضو في محل مغربي للنظارات المخفضة.
بس الأشياء اللي عندهم ماهي بتنوع المحلات بالطبع وعشان كذا أنصح
بتخفيضات الماركات حقت المولات.

ما شاء الله الأعضاء ما قصروا....
وحبيت أضيف مقهى لوست سيتي "المدينة الضائعة" بجانب فندق الانتركونتينينتال
وإذا قدرتوا روحوا قرية ميرسال....
تحياتي .... أم المهند

صرآحه يعطيكم العآفيه مررآ استفدت
شآعري تفصيلك جداً رآئع..
ومثل ردك هو اللي كنت أتمنآه .. لدقته وتوضيحه العديد من الآرآء والمزآيآ
المقآتل الفنآن اي انآ قصدي زي مآتفضلت
عيون جدة و أم المهند و شاعري و المقآتل الفنآن كلكم مآقصرتوآ وأسعدني حضوركم
اللي أضآف لي فآئدة عظيمه
وأي أحد عنده إضآفة لآ يتردد لأنهآ أكيد بتكون ذآت قيمه لدي..
بعض استفسارات
هل كرآون انزل للكورنيش مشي زي ايلآف؟!
احنآ دآئماً نروح الشلآل ..إذآ عطآ الله أو تشكي تشيز احسن بنروح لهآ ؟!
سوق حرآ ايش اقرب فندق له أو بأي حي ؟!
مآفهمت علآقة بآرك حيآة في نآدي الفروسيه كيف؟!
مرآ شكراً

رمز..
مرحبا أختي رمز
فندق كراون بلازا أقرب للكورنيش من فندق إيلاف رد سي مول ، لكن الأول يقع على طريق الكورنيش القديم قرب فندق العمودي إنتركونتننتال ومركز الحمراء التجاري ، بينما الثاني يقع على طريق الملك الموازي لطريق الكورنيش الشمالي الذي يقع على كل من ملاهي الشلال وعطا الله ومطعم تشيكي تشيز
أقرب فندقين لسوق حراء الدولي هما أوركيد جدة (على طريق المدينة النازل قرب المطار) و أفيل جراند - فندق وأجنحة مفروشة
(على شارع حراء - قريب جدا من سوق حراء) ، لكن أوركيد جدة أحدث وأفخم
أما عن علاقة فندق بارك حياة جدة بنادي الفروسية لليخوت ، فهذا الرابط سيجيب على تساؤلك
ط£ظ…ظٹط± ظ…ظƒط© ظٹظپطھطھط* ظ†ط§ط¯ظٹ ط§ظ„ظپط±ظˆط³ظٹط© ظˆظپظ†ط¯ظ‚ ط*ظٹط§ط© ط¬ط¯ط© ط¨ط§ط±ظƒ ط؛ط¯ط§ظ‹ | ط¬ط±ظٹط¯ط© ط§ظ„ظ…ط¯ظٹظ†ط© http://www.al-madina.com/node/242542

شكرا رحآل ع التوضيح