1. شكلين مابحكي


2. ولو تبي تشوف المنيو و في الموقع حق المطعم:


3. http://www.persepolisnyc.com/

شكلين مابحكي

التفتيش في مطار نيويورك ما فيه اي تعقيد. تعاملهم حلو حتى لو انت جاي بطياره سعودية يعرفون ان معنا بعض الاكل مثل الثمر والقهوه والهيل وما يدققون. اما الاب توب ما عمرهم فتشوا كمبيوتري او اي اجهزه اكترونيه معي مثل جوال او اي بود او غيره. ولكن لازم تعرف ان البرامج المنسوخه و الاغاني و الافلام الي منزلها بطرق غير شرعيه تعتبر جريمة في امريكا يعاقب عليها القانون. علشان كذا احرص ان جهازك ما يكون فيه برامج غير اصلية.
بالنسبة لنيويورك و المطاعم .. يمكن اكثر ديره فيها مطاعم نيويورك .. وفيها مطاعم من كل العالم اكل هندي تايلندي فرنسي وشرق اوسطي. الي تبيه موجود.
في مطعم لبناني في منهاتن .. الجلسه و الاكل حلوين.
ilili Restaurant
الاسعار و موقع المطعم في موقعهم : http://www.ililinyc.com/
عندهم كبه باللبن حلوة.
لو تبي مطعم عربي و شعبي شوي و فيه شغلات من اليمن مثل حنيذ و حلبه و غيرها .. المطعم جلسته عاديه جدا جدا جدا.
وعنوان المطعم ..
جنب هالمطهم مجموعه مطعم يمني ثاني اسمه حضرموت و في جنبهم بعد مطهم الوحده.
في مطعم ايراني جربته ممتاز .. عجبني الرز لذيذ .. و عنده مشاوي خويي يمدح الريش وانا اعجبني الدجاج ... اما اللحم مهوب ذاك الزود. طبعا في الاخير الناس اذواق.
Persepolis Restaurant

ولو تبي تشوف المنيو و في الموقع حق المطعم:

http://www.persepolisnyc.com/

بالاضافه في منطقتين يسكنون فيها العرب يكون فيها مطاعم عربي و قهاوي و ملحمه ومحل حلاويات .. الاولى اسمها بيرج في بروكلين. و الثانية استوريا في كوينز. طبعا لو انت جاي سياحه 4 ايام او فتره بسيطه ما انصحك تروح لها ما فيها شي مميز وكل شي موجود في منهاتن.
بالنسبة للفنادق .. الي اقدر اقوله حاول افضل شي تسكن في هالمنطقة ..
لان صعب جدا اني اقدر احدد فندق او مجموعه فنادق .. لان الاذواق تختلف وبنفس الشي الميزانية.
اذا كنت بتجي هالايام انصحك يكون معك جاكيت مطر وجاكيت خفيف و بلوفرات لان بالليل يكون برد بعض الايام. و في اماطر من وقت لثاني.
واتمنى لك رحله حلوة ..
توصل بالسلامة.