الاماكن اللي ممكن ازورها
اماكن ترفيهية للاطفال
عالم المغامرات بالدمام
توي تاون- الدمام
سباركيز مجمع الظهران
رام روما مارينا مول الدمام-فينيسيا مول
الحكير-الدمام
كورنيش وبحر
الواجهة البحرية بالدمام
الواجهة البحرية بالخبر
شواطيء الجبيل الصناعية
شاطيء نصف القمر
انتظر ردودكم وبعدين اكمل معاكم

حلو موضوعك
انا ما اطلع ايام العيد بالمره .. مجرد زيارات عائليه ..

حيا الله الجميع في بيته الثاني المنطقة الشرقية
أنتوا المعازيب وأحنا ضيوفكم
وإذا ماشالتكم المنطقة بتشيلكم عيونا وقلوبنا
وبالنسبة لجدولي بالعيد
أنا بسبب الزحمة أخليها بس مع الاقارب وبعد ماتبدأ الدراسة وتروح الزحمة أخذ أجازة وأعيد مرة ثانية ههه
أروح أتمشى
بالنسبة للعيد
يمكن الصباح أروح اخذ كوفي واتمشى على البحر الواجهة البحرية بالدمام او الخبر
أو أطلع البر بالعصر شوي ووناسة وشبة ضو
وبالنسبة للاماكن الترفيهية والمطاعم والاسواق
فا أفضلها بعد العيد والناس مشغولون بالدراسة وسط الاسبوع وبعيد عن زحام السيارات والواحد يروح المطعم ويلاقي طاولات فاضية وياخذ راحنته وخصوصيته وأحلى روقان
أخوكم/عبدالرحمن

حياكم الله يا هل الخليح في الشرقيه بين ربعكم واحبابكم وما عليكم من كلام بعض الناس العيد ما يحلى الى بوجودكم

صراحة العيد فرصة لزيارات الاقارب وصلة الرحم وطبعا الناس هنا في الخبر او الدمام يتجنبون الخروج بسبب الازدحام.لكن يبقى حق الاطفال علينا نروح الراشد او الظهران مول وعندك القلعة.طبعا في هذه الاوقات يفضل المجمعات بسب برودة الجو المتوقعة.

اشكر كل الاخوان اللي عقبوا على الموضوع
وان شاء الله اجازة سعيدة للجميع

احسن حل نهج نسافر نغير جو وطبعا في دول الخليج واذا كنا موجودين للاقارب والملاهي للاطفال

في الرياض أنا من ناحيتي احتفلات العيد اللي
عند الحكير لاند وعروض الناوافير في منتزه سلام .

انا من سكان الخبر بس عيدي بالرياض
ولا مرره عيدت بالشرقيه
لكن اسمع عن الالعاب الناريه والاحتفالات بالواجهه بالخبر والدمام