حياك الله اخوي
خذها قاعدة جميع الفنادق تقدر تدخل عيالك اذا كانو اقل من 12 سنة
لكن اذا كانو اكثر من واحد فلازم تطلب سرير اضافي واحد على الأقل
اذ جيت تحجز السكن .. احجز غرفة دبل + اكسترا بيد حق الطفل ابو 7 سنوات
اما الصغير فما راح يقولون لك شي عليه ان شاء الله
بالتوفيق ،،،

الله يهنيكم ويوسع صدوركم
بالنسبة لاندونيسيا
سمحين مررة
لو اطفالكم عشرة ما قالو شئ
ههه
لكن الله يعينكم لا تنسون شراب الكحة
ههه تراه يساعد اطفالكم على نوم هادئ قبللكم
من وجهة نظري الخاصة وعلشان راحتكم
خاصة ان اسعار الفناادق هناك حلوة مرة ومقبولة
وسعر السرير الاضافي مع الافطار
ما بين 40 ريال الى 100 ريال
فلا يضيق صدرك
احرصو على غرفة ديلوكس مع سرير اضافي
لان السرير يشمل الافطار كذلك
ومن تجربة
فيه بطانيات حلوة وخفيفة وباردة
مثل اللي توزعها الخطوط السعودية
تباع في كل مكان ودايم عند جيان عرض
يلزم يكون معكم 2 لراحة اطفالك
فيه بعض الفنادق غرفة اسمها فاملي (عائلة)
حلوة كذلك
بالاضافة الى ان هناك فلل كثيرة
والفلة عبارة عن غرفتين ومطبخ فقط
مناسبة لكم

الاخوان yes والصفوه
مشكورين عالرد السريع والاهتمام باعضاء المنتدى والله يخليكم ذخر للمنتدى الشامخ ولنا
وبصراحه ريحتوني من الحوسه والتفكير بسكن الاطفال وهذا كان هم عندي والحمد لله انزاح وهذا بفضل الله ثم خبراتكم
شاكر لكم واتمنى لو في احد واجهته مشكله اوشي يبلغني فيها

الدنيا بسعه خصوصا فى أندونيسيا و الأطفال مسموح لهم بما أنهم تحت 12 سنه
تحياتى

مشكور rakkan1
والصراحه تطمنت وانا بروح الجبل والفلل مافيها مشكله شايل هم جاكرتا وانشالله مثل ماقلت الدنيا بسعة
طيب تتوقع في فندق يطلب رسوم على السرير الاضافي ؟؟ وكم الرسوم ؟؟

الطايش ان كان من نصيحة
فاحذر الوجبات من الشوارع لا تتساهل فيها ابدا فالاصل فيها المرض
انا تساهلت مرة في ذرة مشوي هاللي تباع في كل مكان
وعضيت اصابع الندم
بنتي الصغيرة ورحمة رب العالمين انها كانت اخر يومين
كانت طريحة الفراش بسبب هالذرة الله لا يعيدها
فلا تتساهل ابد
ان كان الاطفال يحبون الاندومي هناك فالله يهينهم ههه
اندوميهم ببلاش وحلو
العوض ولا القطيعة
وبالنسبة للسرير الاضافي
مثل ما قلت لك
حسب الفندق
ولا يطلبون منك الا اذا انت قلت ابي سرير اضافي
وان بغيت شووري لا تتردد بطلبه

الصفوة
هلا فيك أخوي الصفوة ويعطيك العا:36_1_39:فية على النصايح الجميلة بس حبيت أقولك شغلة بخصوص الذرة المشوية والله شي عجب خصوصاً اللي تباع في الجبل فيها لذة غير طبيعية :36_1_20:مو زي الذرة اللي عندنا يوم تاكلها كأنك تاكل حصى :36_7_4:بس يمكن الذرة اللي أخذتها انت طلعت مضروبة لسوء حظك عموماً فعلاً نصيحتك في محلها بخصوص الباعة المتواجدين في الشوارع
لك مني كل الود أخي الكريم وألف سلامة على بنتك:36_3_15:

mba999
الصفوة وماد
تحية طيبة وبعد
الحمد لله على سلامة البنت وربي يخليها وعموما اكل البسطات والشوراع كل مكشوف ودايم مو نظيف
وانا جربت بمصر وبعدها حرمت اكل شي بسفر مو متأكد من نظافته
ومشكورين على النصيحة .