وعليكم السلام ورحمة الله وبركاته
هلا وغلا اختي أيطاليه ..
بالنسبه للكوفي شبات عندك شارع ادجول وعندك المحلات الي مقابله لهارودز ( النايتس بريدج ) وعندج ساحة سوهو وأنصحج اتجيها في النهار بس ..وعندج بعد المجمعات التجاريه وفيه كوفي حلو في الدور الأخير في مجمع هارفي نيكولز الي قبل هارودز ..
وتقدرين اتروحين مشي من الفندق إلى النايتس بريدج عن طريق الهايدبارك او شارع البارك لين ..
ومحل هاميلز راح اتلاقينه على شارع الريجنت ..تخيلي عمرج تمشين في شارع اكسفورد وخلي فندقكم على ايدج اليسار ..راح تمشين لين توصلين إلى اكسفورد سيركس وبعدها أتلفين يمين ..إذا لفيتي يمين أمشي اشوي راح اتلاقينه على أيدج اليسار ..
واي خدمه احنا في الخدمه ..

رحلة موفقة ان شاء الله
وزيادة على رد اخوي القطري
انصحك بمقاهي جميس ستريت حلوة وقريبة جدا من الاكسفورد
وطبعا عندك القهوة الخضراء في الدور الرابع في هارودز تجنن
وكذلك مقهى بانش في الدور الثاني
موفقة خير