ice.55
18-07-2022 - 11:00 pm
السلام عليكم ورحمه الله وبركاته
اما بعد /
تم وبحمد الله الانتهاء من جميع الحجوزات ولكن صارت احداث لاتطاق بس خلونا نروح واجيكم بالتقرير وتشوفون وتقرون ونسوي تصويت على طلب زوج في قمه السنع ترقبوني بعد الرحله
اول سؤال شلون اوصل لهذا الفندق من مطار هيثرو
edgwarebury corus hotel
ميترو وشو خط السير ؟؟ او تاكسي وإذا تاكسي اطلبه من الحين او كيف لأن سفرتي بكرا
علما بان شنطنا سحب يعني مريحه عادي
السؤال الثاني
كم نقدر ناخذ مبلغ معنا يعني كاش
السؤال الثالث
منطقه البحيرات وملاهي التون تور وكادبوري هم اقرب لمانشتسر صح ولا غلطانه ؟؟ يعني من مانشستر لهذي المناطق اقرب من لندن لهذي المناطق
الله يسمح دربكم
شوفي مع الشنط و تعب الوصول الافضل تنسقون لكم سياره من الفا ينتظركم عند الباب كلها 38 باوندز
http://www.alphaminicab.com/
سوي الحجز بالنت و الدفع لما يوصلونكم
تقدرين تاخذين الاندرقراوند بس فيها تغيير و عباله
و تقدرين تاخذين الهيثرو اكسبرس بس ما تسوا عليكم و مافيها توفير
هذا السؤال الاول
اما الثاني اخذي المبلغ اللي تبينه .. بس لا تاخذون شي مبالغ فيه للامان بس يعني
الثالث اي اقرب .. من محطه بيكاديللي في مانشستر
اما الرابع فالبطاقه اللي تاخذونها اويستر .. Oyster .. في مفتوحه اسبوع للباصات بس و في مفتوحه اسبوع للباصات و الاندرقراوند .. اللي مفتوحه للباصات و الاندرقراوند 28 باوندز . و اذا خلص الاسبوع روحي يشحنونها لج اسبوع ثاني او 3 ايام حسب اللي باقي لكم من مدتكم ..
و الخامس بخير الله يسلمج عسا خلصتو الجناط